နှစ်သက်မိသော အဆိုအမိန့်များ (၁)

အဆိုအမိန့်ကိုးကားချက် (Quotations) တွေကို ကျွန်မ သိပ်သဘောကျပါတယ်။ Quotation ကောင်းတွေဟာ စာကြောင်း တိုတိုတုတ်တုတ်နဲ့ အမြဲမှတ်မိစေတဲ့ (ဒါမှမဟုတ်) အားဖြစ်စေတဲ့ အနှစ်သာရတွေကို ပေးတတ်လို့ပါ။ ခုတလော ကျွန်မအတွက် အားတွေလိုနေလို့ Quotation တွေ ရှာဖတ်မိရင်း အဲဒီထဲက ကြိုက်မိတဲ့ ၅ ခုကို ဘာသာပြန် မျှဝေလိုက်ပါတယ်။ အခုလိုပဲ ဖတ်မိတဲ့ Quotation လေးတွေကို (လစဉ်ဖြစ်ဖြစ်) ပြန်မျှဝေသွားဖို့ စိတ်ကူးထားပါတယ်း)

“It's kind of fun to do the impossible.” ~ Walt Disney
“မဖြစ်နိုင်ဘူးဆိုတာတွေကို လုပ်ရတာ တော်တော်လေး ပျော်စရာကောင်းပါတယ်။” ~ ဝေါ့လ်ဒစ်စနေ

“Don't wait until everything is just right. It will never be perfect. There will always be challenges, obstacles and less than perfect conditions. So what. Get started now. With each step you take, you will grow stronger and stronger, more and more skilled, more and more self-confident and more and more successful.” ~ Mark Victor Hansen
“အားလုံး နေသားတကျ အဆင်ပြေတဲ့အထိ စောင့်ဆိုင်းမနေပါနဲ့။ အစစ ပြီးပြည့်စုံတဲ့အနေအထားဆိုတာ ဘယ်တော့မှ ရောက်လာမှာ မဟုတ်ပါဘူး။ (ကိုယ့်စွမ်းရည်ကို စမ်းသပ်တဲ့) စိန်ခေါ်မှုတွေ၊ အတားအဆီးတွေ၊ ပြီးပြည့်စုံခြင်းမရှိတဲ့ အခြေအနေတွေက အမြဲရှိနေမှာပါပဲ။ ဒါဆို ဘာလုပ်ရမလဲ။ အခုပဲ စလုပ်ရမှာပါ။ ခြေလှမ်းတွေ လှမ်းလိုက်တိုင်း သင်ဟာ ပိုပို ကြံ့ခိုင်လာမယ်၊ ပိုပို အရည်အချင်းရှိလာမယ်၊ ပိုပို (ကိုယ့်ကိုယ်ကို) ယုံကြည်မှု ရှိလာမယ်၊ ပိုပို အောင်မြင်လာလိမ့်မယ်” ~ မာခ့်ဗစ်တာဟန်စန်

“Be miserable. Or motivate yourself. Whatever has to be done, it's always your choice.” ~ Wayne Dyer
“ဝမ်းနည်းစိတ်ပျက် နေချင်နေပါ။ ဒါမှမဟုတ် ကိုယ့်ကိုယ်ကို တိုက်တွန်းအားပေးပါ။ ဘာကို လုပ်မယ်ဆိုတာက အမြဲတမ်း သင့်ရဲ့ ရွေးချယ်မှုပဲလေ။” ~ ဝိန်းဒိုင်ယာ

“Stop acting as if life is a rehearsal. Live this day as if it were your last. The past is over and gone. The future is not guaranteed.” ~ Wayne Dyer
“ဘဝကို အစမ်းဇာတ်တိုက်သလိုမျိုး သရုပ်ဆောင်နေတာ ရပ်လိုက်ပါတော့။ ဒီနေ့ကို ကိုယ့်(ဘဝ)ရဲ့ နောက်ဆုံးနေ့လိုမျိုး ဖြတ်သန်းနေထိုင်လိုက်ပါ။ အတိတ်ဟာ ပြီးဆုံးသွားခဲ့ပြီ။ အနာဂတ်ဆိုတာဟာလည်း ဘာအာမခံချက်မှ မရှိဘူးလေ” ~ ဝိန်းဒိုင်ယာ
(ကျွန်မတို့ ဗုဒ္ဓဘာသာအယူအဆနဲ့ နီးစပ်လို့ တော်တော်လေး သဘောကျမိပါတယ်။ ဗုဒ္ဓဘာသာမှာကတော့ လက်ရှိအချိန်ကအစ ဘဝရဲ့နောက်ဆုံးအချိန်လိုမျိုး နှလုံးသွင်းနိုင်ရင် အကောင်းဆုံးပေါ့နော်။ “ကွေးသောလက် မဆန့်မီ ဆန့်သောလက် မကွေးမီ” ကိုးး)

“Trust yourself. You know more than you think you do.” ~ Benjamin Spock
“ကိုယ့်ကိုယ်ကိုယ် ယုံကြည်လိုက်စမ်းပါ။ သင်ဟာ သင့်ကိုယ်သင်ထင်နေတာထက် ပိုပြီး တတ်သိပါတယ်” ~ ဘန်ဂျမင်စပေါက်ခ်

(ဆက်ဖတ်ချင်ရင်...း)

(ပြန်ပိတ်ပေးပါဦးး)

အောင်သူ

အပြိုပြို အကွဲကွဲ
လဲကျဖူးသားပဲ…

လူမသိခင်...
သတိလေးကပ်
ခါးလေးမတ်လို့
ဖြတ်လတ်စွဲမြဲ
ပြန်ထရဲတဲ့
ဇွဲသတ္တိခဲ ရှိစမြဲမို့
မယိုင်မလဲ အောင်သူပဲလို့
လူတို့စိတ်တွင်
စွဲထင်လေရဲ့…

ရွှေပြည်သူ
(1:03 AM ~ 25-May-2011)

(ဆက်ဖတ်ချင်ရင်...း)

(ပြန်ပိတ်ပေးပါဦးး)

iDhamma

ဒီပို့စ်က iPhone User တွေအတွက်ပဲ ဖြစ်နေလို့ iPhone မသုံးကြတဲ့ စာလာဖတ်သူတွေကို အရင်ဆုံး တောင်းပန်ပါတယ်နော်း)

ကျွန်မ ပရိတ်ကြီး ၁၁ သုတ်စာအုပ်လေးကို ဖုန်းထဲမှာ တနည်းနည်းနဲ့ ထည့်ပြီး သယ်သွားနိုင်ရင် သိပ်ကောင်းမှာပဲလို့ တွေးနေမိတာ ကြာခဲ့ပါပြီ။ မနေ့ညကပဲ တိုက်တိုက်ဆိုင်ဆိုင် သူငယ်ချင်းတစ်ယောက်က “Install လုပ်ထားလား”လို့ မေးလာတဲ့ ဒီ iDhamma (iPhone Application) အကြောင်းသိရတော့ အရမ်းဝမ်းသာသွားပါတယ်။ ဒီ Application မှာ…

:: ပရိတ်ကြီး ၁၁ သုတ်
:: ဓာရဏပရိတ်တော်
:: ပဋ္ဌာန်း တရားတော်အကျဉ်း နဲ့ အကျယ်
:: ဓမ္မာစကြာ
:: ဂုဏ်တော်များ
:: ဂုဏ်တော်ကွန်ချာ
:: မေတ္တာပို့
:: အမျှဝေ

တို့ကို ဖတ်ရှုရွတ်ဆိုနိုင်အောင် ထည့်သွင်းပေးထားပါတယ်။ ပရိတ်ကြီး ၁၁ သုတ် ကို အသံဖိုင်တွေပါ နာကြားနိုင်ပါတယ်။ ကိုယ်မကြာခဏ ဖွင့်ဖတ်ရွတ်ဆိုနေကျ စာမျက်နှာရှိရာကို “နှစ်သက်ရာ တရားတော်များ” အနေနဲ့ အလွယ်တူ သွားနိုင်အောင် “Favourite” လုပ်ပြီး မှတ်သားနိုင်ပါသေးတယ်။ အဲဒီအပြင် တရားပွဲတွေရဲ့ သတင်းကို Update လုပ်နေတဲ့ “News” ဆိုတဲ့ Section တစ်ခုလည်း ပါသေးတာ တွေ့ရပါတယ် (အခုလောလောဆယ် အသုံးပြုသူ အများစုက စင်္ကာပူက ဖြစ်တာကြောင့် စင်္ကာပူက တရားပွဲတွေပဲ Update လုပ်ထားသေးတယ်လို့ iDhamma ရဲ့ Webpage မှာ ဖတ်ရပါတယ်)

နောက်ဆုံး Upgrade လုပ်ထားတဲ့ Version က iDhamma 1.1 လို့သိရပြီး iOS4 အသုံးပြုထားတဲ့ iPhone 3G / 4 တို့မှာ အသုံးပြုနိုင်တယ်လို့ သိရပါတယ်။ Application က လုံးဝ Free ဖြစ်ပါတယ်တဲ့။

Application ကို ဖန်တီးသူက ကိုပြည့်ဖြိုးဟန်လို့ သိရပြီး အသေးစိတ်ကို အောက်က Application ရဲ့ Webpage တွေမှာ သွားရောက် ဖတ်ရှုနိုင်ပါတယ်။

idhamma.pyephyohan.info
www.zack-notes.net

သပ်ရပ်လှပတဲ့ User Interface နဲ့ ဗုဒ္ဓဘာသာဝင်တွေအတွက် အင်မတန်အကျိုးများတဲ့ ဒီ App ကို ဖန်တီးသူ ကိုပြည့်ဖြိုးဟန် နဲ့ ဖြစ်မြောက်ရေးအတွက် ကုသိုလ်ပါဝင်ခဲ့ကြသူအားလုံးကို User တစ်ယောက်အနေနဲ့ လှိုက်လှိုက်လှဲလှဲ ကျေးဇူးတင်မိသလို ကမ္ဘာတဝှမ်းက မြန်မာပေါင်းများစွာ တရားဓမ္မကို သွားရင်းလာရင်း ဖုန်းလေးရှိရုံနဲ့ ရွတ်ဆိုပွားများခွင့်ပေးတဲ့ ကုသိုလ်တော်အတွက်လည်း ဝမ်းမြောက်ဝမ်းသာ သာဓု ခေါ်မိပါတယ်။

ဒီ Application အကြောင်းကို လူအများစု သိပြီးသား ဖြစ်နိုင်ပေမယ့် ကျွန်မလိုပဲ အတွေးရှိတဲ့ မသိသေးသူတွေကို iPhone App Store ကနေ Download လုပ်နိုင်အောင် သတင်းလေး လက်တို့ဝေမျှလိုက်ပါတယ်ရှင်း)

(ဆက်ဖတ်ချင်ရင်...း)

(ပြန်ပိတ်ပေးပါဦးး)

သဲတပွင့် ဖြစ်လိုပါလျှင်

Forward Email က ရခဲ့တဲ့ PowerPoint Slide လေးထဲကစာကို ပြန်ဝေမျှသင့်တယ်ထင်လို့ ဘာသာပြန်ပြီး ဝေမျှလိုက်ပါတယ်။ မူရင်းရေးသူကို ရှာကြည့်လိုက်တော့ သြစတေးလျမှာ အခြေချနေထိုင်နေတဲ့ ဖိလစ်ပီနိုလူမျိုး Dr. Arsenio Martin (An Igorot Journey) လို့ သိရပါတယ်။ ဒီစာကို သူ့အမိမြေ ဖိလစ်ပိုင်နိုင်ငံအတွက် ရည်ရွယ်ပြီး ရေးခဲ့တာပါ။ အင်္ဂလိပ်လိုရေးထားတဲ့ မူရင်း “Why our country is poor?” ကို ဒီမှာ ဖတ်နိုင်ပါတယ်ရှင်။

ဘာကြောင့်များလဲ

ချမ်းသာတဲ့နိုင်ငံတွေနဲ့ ဆင်းရဲတဲ့နိုင်ငံတွေရဲ့ ကွာခြားချက်က တိုင်းပြည်ရဲ့သက်တမ်း မဟုတ်ပါဘူး။ ဒါကို သက်သေပြရရင် အိန္ဒိယနဲ့ အီဂျစ် တို့လို နိုင်ငံတွေဟာ နှစ်ပေါင်း၂၀၀၀ ကျော်သက်တမ်းရှိပြီး အခုတိုင် ဆင်းရဲနေရှာဆဲဖြစ်ပေမယ့် ကနေဒါ၊ သြစတြေးလျ နဲ့ နယူးဇီလန် တို့လို နိုင်ငံတွေကတော့ လွန်ခဲ့တဲ့ နှစ် ၁၅၀ လောက်တုန်းက အရိပ်အယောင်တောင် မရှိခဲ့ဘဲ အခုချိန်မှာ အင်မတန် တိုးတက်ချမ်းသာနေတယ်ဆိုတာ မြင်တွေ့နိုင်ပါတယ်။

ချမ်းသာတဲ့နိုင်ငံတွေနဲ့ ဆင်းရဲတဲ့နိုင်ငံတွေရဲ့ ကွာခြားချက်က တိုင်းပြည်ရဲ့ သဘာဝသယံဇာတ အပေါ်မှာလည်း မူတည်မှု မရှိပါဘူး။ မြေပိုင်နက်ရဲ့ ၈၀% ကတောင်တွေသာ ဖြစ်နေတာကြောင့် စိုက်ပျိုးရေးနဲ့ တိရိစ္ဆာန်မွေးမြူရေး တွေအတွက် မြေနေရာ နည်းနည်းလေးပဲရှိတဲ့ ဂျပန်နိုင်ငံဟာ ကမ္ဘာမှာ ဒုတိယ စီးပွားရေးအကောင်းဆုံးသော နိုင်ငံဖြစ်နေပါတယ်။ ကမ္ဘာတဝှမ်းက ကုန်ကြမ်းတွေကို တင်သွင်းပြီး ကမ္ဘာတဝမ်းကို ကုန်ချောတွေ ပြန်တင်ပို့နေတဲ့ ဂျပန်ဟာ ရေပေါ်မှာ ပေါလောပေါ်နေတဲ့ ဧရာမစက်ရုံကြီးနဲ့တောင် တူနေပါသေးတယ်။ နောက်ထပ် ဥပမာကတော့ ကိုကိုးပင် စိုက်ပျိုးခြင်း မရှိပေမယ့် ကမ္ဘာပေါ်မှာ အကောင်းဆုံး ချောကလက်တွေ ထုတ်လုပ်နေတဲ့ ဆွစ်ဇာလန်နိုင်ငံပါ။ သူတို့ရဲ့ မြေပိုင်နက် ကျဉ်းကျဉ်းလေးထဲမှာ တိရိစ္ဆာန်မွေးမြူရေး လုပ်ပါတယ်။ ဒါတင်မကဘဲ ကမ္ဘာပေါ်မှာ အကောင်းဆုံးသော နို့နဲ့နို့ထွက်ပစ္စည်းလည်း ထုတ်လုပ်ပါသေးတယ်။ ဒါ့အပြင် နိုင်ငံသေးသေးလေး ဖြစ်တဲ့ ဆွစ်ဇာလန်ဟာ လုံခြုံမှုရှိခြင်း၊ စည်းစနစ်ကျခြင်း၊ အားထုတ်လုပ်ကိုင်တတ်ခြင်း ပုံရိပ်တွေကို ဖော်ဆောင်နိုင်မှုကြောင့် ကမ္ဘာမှာ အခိုင်မာဆုံးနဲ့ စိတ်အချရဆုံး အာမခံသေတ္တာကြီးသဖွယ် (သူ့ရဲ့ နာမည်ရ ဘဏ်တွေကို ဆိုလိုဟန်ရှိပါတယ်) ဖြစ်နေတာပါပဲ။

ချမ်းသာတဲ့နိုင်ငံတွေက စီမံခန့်ခွဲ အုပ်ချုပ်မှုပိုင်းဆိုင်ရာ အရာရှိများဟာ ဆင်းရဲတဲ့နိုင်ငံများက သက်ဆိုင်ရာ အဆင့်တူသူများနဲ့ ကူးလူးဆက်သွယ်မှုလုပ်တဲ့ နေရာမှာ ဥာဏ်ရည်ဥာဏ်သွေး ကွာခြားမှု သိပ်မရှိကြတာ တွေ့ရပါတယ်။ ဒီလိုပဲ လူမျိုးတွေ၊ အသားအရောင်တွေဟာလည်း အရေးမကြီးပါဘူး။ မိခင်နိုင်ငံမှာတုန်းက “လူပျင်းတွေ” (ပျင်းတဲ့လူမျိုး) ရယ်လို့ တံဆိပ်ကပ် သတ်မှတ်ခံထားရတဲ့လူတွေဟာ ချမ်းသာကြွယ်ဝတဲ့ အနောက်နိုင်ငံတွေကို ပြောင်းရွှေ့နေထိုင်လာတဲ့ အခါမှာတော့ အင်မတန် အလုပ်လုပ်နိုင်တဲ့သူတွေ ဖြစ်လာကြတာ တွေ့ရလို့ပါ။

ဒါဆို ကွာခြားချက်က ဘာများပါလဲ?

ကွာခြားချက်ကတော့ နှစ်ကာလတွေ တလျှောက်မှာ ဘောင်တစ်ခုလို ဖြစ်နေခဲ့တဲ့ ဓလေ့ထုံးစံ နဲ့ ပညာသင်ကြားပုံ တွေကနေ ဖြစ်ပေါ်လာတဲ့ လူတွေရဲ့ စိတ်နေသဘောထားပါပဲ။

ချမ်းသာတိုးတက်နေတဲ့ နိုင်ငံကလူတွေရဲ့ အပြုအမူတွေကို လေ့လာကြည့်တဲ့အခါ လူအများစုဟာ အောက်ပါ ကိုယ်ကျင့်တရားတွေကို လိုက်နာကြတယ်ဆိုတာ တွေ့ရပါတယ်။

:: လူ့ကျင့်ဝတ်နီတိ (အခြေခံ ကိုယ်ကျင့်တရားအနေနဲ့ လိုက်နာပါတယ်)
:: သိက္ခာတည်ကြည်ခြင်း
:: တာဝန်သိတတ်/ယူတတ်ခြင်း
:: တရားဥပဒေနဲ့ စည်းမျဉ်းစည်းကမ်းတွေအပေါ် လေးစားခြင်း
:: အခြားသော နိုင်ငံသားတွေရဲ့ အခွင့်အရေးကို လေးစားခြင်း
:: အလုပ်ကို ချစ်မြတ်နိုးခြင်း
:: ငွေကြေးစုဆောင်း ရင်းနှီးမြှပ်နှံဖို့ အားထုတ်ခြင်း
:: အားသွန်ခွန်စိုက် ကြိုးစားလိုစိတ်ရှိခြင်း
:: အချိန်တိကျခြင်း

ဆင်းရဲနေဆဲနိုင်ငံတွေမှာတော့ အထက်က ကိုယ်ကျင့်တရားတွေကို လူနည်းစုကသာ နေ့စဉ်ဘဝမှာ လိုက်နာကြတာကို တွေ့ရပါတယ်။

ဒါကြောင့် ကျွန်ုပ်တို့ ဆင်းရဲတာဟာ သဘာဝသယံဇာတ မရှိလို့လည်း မဟုတ်ပါဘူး။ သဘာဝဘေးအန္တရာယ်ကြောင့်လည်း မဟုတ်ပါဘူး။ အမှန်က စိတ်နေသဘောထားကြောင့်ပါ။ အပေါ်မှာ ပြောခဲ့တဲ့ ကိုယ်ကျင့်တရားတွေကို လိုက်နာလိုစိတ်၊ (မျိုးဆက်သစ်တွေကို) သင်ပေးလိုစိတ် မရှိလို့ပါ။

ရွှေပြည်သူ (ဘာသာပြန်ပါသည်)

အပေါ်ကစာကို ဖတ်အပြီးမှာ နေ့လည်က အစ်မတစ်ယောက်နဲ့ စကားလက်ဆုံကျခဲ့တာကို သတိရမိပါတယ်။ သူနဲ့ပြောဖြစ်တာကို အနှစ်ချုပ်လိုက်ရင်တော့ ကိုယ့်တိုင်းပြည်အကျိုး သယ်ပိုးဖို့ဆိုရင် ကိုယ့်ကိုယ်ကို အကောင်းဆုံးလူတစ်ယောက် ဖြစ်အောင် နေခြင်းဆိုတဲ့ သဲတပွင့်ကနေ စရမယ် ဆိုတာလေး တွေးမိသွားပါတယ်။ ဒီနေရာမှာ ကျွန်မက ပေါ်လီယာနာ လက်သစ် ဖြစ်ချင်ဖြစ်နေပါလိမ့်မယ်။ ဘယ်အရာမဆို အပြောလွယ်သလောက် အလုပ်ခက်တယ်ဆိုတာကိုလည်း နားလည်မိပါရဲ့။ ဒါပေမယ့် ဘယ်နိုင်ငံမှာမဆို လူတိုင်းလူတိုင်း အပေါ်က အခြေခံ ကိုယ်ကျင့်တရားလေးတွေ တတ်နိုင်သမျှ ပျိုးထောင်သွားကြမယ်၊ မျိုးဆက်သစ်တွေဆီ လက်ဆင့်ကမ်းပေးကြမယ်ဆိုရင် ပိုကောင်းတဲ့ အနာဂတ်က မလွဲမသွေ ရောက်လာမယ်လို့တော့ ယုံကြည်နေမိတာပါပဲ... အားလုံး (အနည်းဆုံးတော့) တောက်ပကြည်စင်တဲ့ သဲပွင့်လေးတွေ ဖြစ်နိုင်ကြပါစေရှင်...

(ဆက်ဖတ်ချင်ရင်...း)

(ပြန်ပိတ်ပေးပါဦးး)

ဆန္ဒပေါင်းများစွာ

ကျွန်မရဲ့ လတ်တလော စိတ်ဆန္ဒတွေကိုရေးဖို့ မမ ဂျူနီယာလွင်ဦးက Tag လာတာကြောင့် ချရေးကြည့်လိုက်ပါတယ်။ ချစ်ခင်မှုနဲ့ သတိတရ Tag တဲ့ မမ Jr ကိုလည်း ကျေးဇူးအများကြီးတင်ပါတယ် (အဖြေတွေကို မ ကျေနပ်မယ်လို့ မျှော်လင့်ပါတယ်း)

(၁) အစားချင်ဆုံး အစားအစာ - ငယ်ငယ်တုန်းက အဖေအိမ်ပြန်လာရင် ဝယ်ဝယ်လာတတ်တဲ့ ထမင်းကြော်လေး (အခုတော့ အဲဒီဆိုင်တောင် မရှိတော့ဘူး ထင်ပါရဲ့)

(၂) နေ့တိုင်းစားဖြစ်တဲ့ အစား - ထမင်း နဲ့ ဟင်း

(၃) အလိုချင်ဆုံးရေမွှေး - မရှိပါ။

(၄) သုံးဖြစ်နေတဲ့ရေမွှေး - မရှိပါ။ (Gucci ရဲ့ Envy Me ကို သိပ်ကြိုက်လို့ ဟိုးတုန်းက ဆွတ်ခဲ့ဖူးပေမယ့် ကိုယ့်ရေမွှေးနံ့ ကိုယ်ရှူရင်း ခေါင်းကိုက်တတ်တဲ့ ဝေဒနာ နောက်ပိုင်းပိုဆိုးလာတာနဲ့ မသုံးဖြစ်တာ ကြာခဲ့ပါပြီ။ သူများ လက်ဆောင်ပေးလို့ အလကားရထားတဲ့ ပုလင်းလေးတောင် ဒီအတိုင်း ဖုန်တွေတက်လို့း)

(၅) အလိုချင်ဆုံးမွေးနေ့လက်ဆောင် - ကိုယ့်မွေးနေ့ကို သတိတရရှိတာလေး ပါပဲ။

(၆) အလိုချင်ဆုံးဖုန်း - iPhone (အရင်တုန်းက “iPhone ကို လုံးဝမသုံးချင်ဘူး”လို့ ပြောခဲ့သေးတာ။ ခုတော့လည်း (User's Convenience ကို အဓိက ဦးစားပေးထားတဲ့ Interface ကိုကြိုက်သွားတော့) သူမှသူ ဖြစ်လို့။ သြော် စိတ်တွေ ပြောင်းလဲပုံများနော်း)

(၇) သုံးဖြစ်နေတဲ့ဖုန်း - iPhone 4

(၈) အရူးသွပ်ဆုံးအရာ - စာဖတ်ခြင်း (Online ကပဲ ဖြစ်ဖြစ်၊ စာအုပ်ထဲကပဲ ဖြစ်ဖြစ် အချိန်တိုင်းလုပ်ချင်နေတဲ့ အရာပါ)

(၉) အနီးစပ်ဆုံးဂီတ - အိမ်ကို လွမ်းတဲ့အချိန်တွေမှာ မြန်မာသံစဉ်သီချင်းတွေ (ဥပမာ - ဒေါ်ဖြူသီရဲ့ ရွှေလည်တိုင် လိုမျိုး) နဲ့ ကျန်တဲ့အချိန်တွေမှာ Pop တို့ R&B တို့ အများဆုံး နားထောင်ဖြစ်ပါတယ်။

(၁၀) အလိုချင်ဆုံးစာအုပ် - (အခုလောလောဆယ်) ဆရာမဂျူးရဲ့“ပိုချစ်ရတဲ့သူ ကိုယ်ပဲဖြစ်ပါစေ..”

(၁၁) အခုဖတ်ဖြစ်နေတဲ့စာအုပ် - ဆရာကြီး ဒဂုန်တာရာ ရဲ့ “စံပယ်ဦးဝတ္ထုတိုပေါင်းချုပ်”

(၁၂) အကြားချင်ဆုံးစကား - “ဓမ္မစကား နေ့တိုင်းကြားက စိတ်ထား ဖွေးလက် သိဥာဏ်ထက်၏” တဲ့။ ညစ်နွမ်းရှုပ်ထွေးနေတဲ့ စိတ်ထားကို ဖွေးလက်လာစေချင်မိပါတယ်။

(၁၃) အဖြစ်ချင်ဆုံးဆန္ဒ - စိတ် ငြိမ်းချမ်းချင်ပါတယ်။

(၁၄) အလိုချင်ဆုံးဆု - ငြိမ်းအေးမှု

(၁၅) အသွားချင်ဆုံးနေရာ - မြန်မာပြည်ကအိမ်

(၁၆) သွားဖြစ်နေတဲ့နေရာတွေ - (ရုံးကိုဖယ်လိုက်ရင်) စာသင်ခန်းလေး တစ်ခန်းပေါ့

(၁၇) အကြည့်ချင်ဆုံးရုပ်ရှင် - ပြီးခဲ့တဲ့ ရက်တွေတုန်းကတော့ “Made in Dagenham” ကို တော်တော်လေး ကြည့်ချင်ခဲ့ပါတယ်။ အခုတော့ ကြည့်ပြီးသွားလို့ (Movie Review လည်း ရေးပါဦးမယ်း) လောလောဆယ် အကြည့်ချင်ဆုံးရယ်လို့ မရှိပြန်ပါဘူးး)

(၁၈) အပြောချင်ဆုံးစကား - ပြန်စဉ်းစားကြည့်တော့ အချိန်တော်တော်များများမှာ ပြောသင့်တယ် ထင်တာတွေ ပြောခဲ့ပြီး၊ မပြောသင့်ဘူး ထင်တာတွေကိုလည်း ကျေကျေနပ်နပ် မျိုချပစ်ခဲ့တယ်လို့ ထင်တာကြောင့် ခုချိန်မှာ “အပြောချင်ဆုံးစကား” ရယ်လို့ မရှိတော့ပါဘူး။

(၁၉) အယုံကြည်ဆုံးလူသား - မြတ်စွာဘုရား (မြတ်စွာဘုရားက လူသားခန္ဓာကနေ ဖြစ်တယ်လို့ ယူဆပြီး ရေးလိုက်တာပါ။ မြတ်စွာဘုရားကို လူသားရယ်လို့ ရေးတာမှားတယ်ဆိုရင်တော့ အယုံကြည်ဆုံးလူသား မရှိဘူးလို့ပဲ ဖြေရမှာပါပဲ။ ကိုယ့်ကိုယ်ကိုတောင် မယုံကြည်တော့ပါဘူး။ စိတ်ကအမျိုးမျိုးပြောင်းနေပြီး အမှားတွေလည်း လုပ်ပြီးရင်း လုပ်မို့လို့း)

(၂၀) မယုံကြည်ဆုံးအရာ - ၁၅၀၀ အချစ်က မပြောင်းမလဲဘဲ ထာဝရတည်မြဲနိုင်တယ်ဆိုတဲ့ အချက်။ (ကျွန်မရဲ့ ပုဂ္ဂလိက အမြင်သက်သက်သာ ဖြစ်တာကြောင့် လွတ်လပ်စွာ သဘောထားကွဲလွဲ နိုင်ပါကြောင်းး)

(၂၁) အမုန်းဆုံးအရာ - ကိုယ့်ဒေါသစိတ် (ဒုက္ခတွေ ပေးလွန်းလို့။ ဒေါသစိတ်ကို ပြန်မုန်းရတာကပဲ ဒေါသ ဖြစ်နေပြန်ရော။ တစ်ယောက်ထဲကို ရှုပ်ယှက်ခတ် နေတော့တာပဲနော်း))

(၂၂) အသောက်ဖြစ်ဆုံးအအေး - Pepsi

(၂၃) လတ်တလောအထိတွေ့ဆုံးအရာ - အိမ်က Laptop လေးနဲ့ ရုံးက Desktop Computer

(၂၄) မကောင်းတဲ့ကျန်းမာရေး - မေးရိုး (အတိတ်ဘဝက သူများတွေကို လက်သီးနဲ့ တအားထိုးခဲ့ပုံ ရတယ်လို့ ခဏခဏ တွေးမိပါတယ်)

(၂၅) အကောင်းဆုံးအဖော် - အသက် (၄) နှစ်ကျော် Laptop အိုကလေး

(၂၆) လက်ရှိအကြိုက်ဆုံးသီချင်း - Madonna ရဲ့ Take A Bow ကို နားထောင်နေမိပြန်ပါတယ်။

(၂၇) အကြောက်ဆုံးအလုပ် - အကုသိုလ်ဖြစ်စေတဲ့ အလုပ်မှန်သမျှ (ဒါပေမယ့်လည်း လုပ်မိတာပါပဲလေ)

(၂၈) တန်ဖိုးအထားဆုံးအရာ - ရင်ထဲက မရှိမဲ့ရှိမဲ့ တရားအသိလေး

(၂၉) အကြောက်ဆုံးတိရိစ္ဆာန် - လက်ရှစ်ချောင်းနဲ့ ဟိုအကောင်လေးတွေ (ရေးရင်းနဲ့တောင် အူယားပါတယ်)

(၃၀)တွေ့ဖြစ်နေတဲ့ဘလော့ဂါတွေ - ကျွန်မက “သဲ” လို့ခေါ်တဲ့ စာရေးကောင်းသော သူငယ်ချင်းလေး၊ ဘလော့ ဆက်မရေးတော့တဲ့ အခင်ဆုံးတွေထဲက သူငယ်ချင်းမလေးတစ်ယောက်၊ ဘလော့စရေးတာ မကြာသေးတဲ့ အစ်မလို ချစ်ရတဲ့ အစ်မတစ်ယောက် (သူတို့တွေ ဘလော့မရေးခင်ကတည်း ကျွန်မနဲ့ ခင်မင်ခဲ့ကြတဲ့သူတွေပါ)

(၃၁) အပြင်သွားတိုင်းပါတဲ့ပစ္စည်း - သော့တွဲ၊ EZ-Link Card၊ Wallet၊ Planner နဲ့ ဖုန်း

(၃၂) စိတ်အညစ်ဆုံးအချိန် - ကိုယ်ချစ်ခင် ဂရုစိုက်တဲ့သူတွေ စိတ် (သို့) ကိုယ် နာကျင်နေရတဲ့အချိန် (ဒါပေမယ့် ဒါတွေက အတိတ်က ကိုယ်ပြုခဲ့ကံတွေ အကျိုးပေးချိန်တန်တာပဲလေလို့ ဖြေတွေးလိုက်တော့ “စိတ်အညစ်ဆုံး အချိန်”ကြီးက “စိတ်အညစ်ဆုံးအချိန်” မဟုတ်တော့ ပြန်ပါဘူး)

(၃၃) အနေချင်ဆုံးနေရာ - အခန်းဖော်လေးနဲ့ တစ်ယောက်တစ်ဝက်ပိုင်တဲ့ အေးအေးချမ်းချမ်း ကိုယ့်အခန်းလေးထဲမှာ

(၃၄) ကြားလိုက်မိတဲ့ဟာသလေးတစ်ခု - “Pandas are the least racist animal, they're black, white AND Asian!!!” (ပန်ဒါဝက်ဝံလေးတွေဟာ လူမျိုးရေးခွဲခြားမှု အနည်းဆုံးသော တိရိစ္ဆာန်လေးတွေပါ။ သူတို့က အဖြူလည်း ဖြစ်တယ်။ အမည်းလည်း ဖြစ်တယ်။ အာရှသားလည်း ဖြစ်တယ်လေ) – မူရင်းပြောသူ ရှာမတွေ့တော့တဲ့ YouTube Video တစ်ခုထဲက စကားလေးပါ။ ဟာသသက်သက်ရယ် မဟုတ်ပေမယ့် ကြားကြားချင်း ပြုံးမိရတဲ့ စကားလေးမို့လို့ပါ။

(၃၅) ပေးချင်တဲ့သတင်းတစ်ခု - ပေးမယ်လို့ စဉ်းစားထားတဲ့ သတင်းက အခုရေးချလို့ မရသေးဘူး ဖြစ်နေပါတယ်။ မျှော်လင့်သလိုတွေ ဖြစ်လာရင်တော့ နောက်လထဲမှာ ပေးနိုင်မယ် ထင်ပါရဲ့း)

(၃၆) အပျော်ဆုံးဖြစ်မယ့်အချိန် - လောဘ၊ ဒေါသ၊ မောဟတွေ တအားပါးလျသွားတဲ့ အချိန်

ပျင်းစရာ ကျွန်မအကြောင်းတွေကို အဆုံးထိဖတ်ပေးတာ ကျေးဇူးတင်ပါတယ်း) စာလာဖတ်သူတွေလည်း အပေါ်ကအချက်တွေထဲက တစ်ချက်ချက်ကို ရေးချင်စိတ်ပေါက်ရင် ကောမန့်မှာ ရေးသွားနိုင်ပါတယ်နော်။ အားလုံး ပျော်ရွှင်ချမ်းမြေ့တဲ့နေ့တစ်နေ့ ဖြစ်ပါစေရှင်...း)

(ဆက်ဖတ်ချင်ရင်...း)

(ပြန်ပိတ်ပေးပါဦးး)

ဓားသွား

ထင်မထားခဲ့ပါဘူး
အဲလောက်ထိ စူး…နစ်…ဝင်နေခဲ့လိမ့်မယ်လို့…
တစစ်စစ်နဲ့တော့ ဖြစ်နေသား…
သတိမထားခဲ့လိုက်မိတာ…

ဒီလိုနဲ့ တစ်နှစ်ပြီးတစ်နှစ်
တစ်ရစ်ပြီးတစ်ရစ်
တိုးတိုးဝင်လာလိုက်တဲ့ အဲ့ဒီ အချစ်ဓားသွား…
တအားနစ်မွမ်းထိရှမှပဲ
နောက်ကျသိတွေ ဝင်ခဲ့…

ထားရမှာလဲ အသွားကမြမြ
ဘာသာဆွဲထုတ်ဖို့ကလည်း မရဲနဲ့…
အသည်းထဲ နစ်သထက်နစ်ဝင်နေဆဲမှာပဲ
မင်း… ဖြတ်ကနဲ ဆွဲထုတ်ယူငင်လိုက်တယ်…

နှလုံးသားခမျာ
အံ့သြဆွံ့အ…
ဝမ်းနည်းထိရှမှုတွေနဲ့
ကိုယ့်ကို တွေတွေကြည့်ပြီး
နာကြည်း ငြိမ်သက်သွားလေရဲ့…

ရွှေပြည်သူ
(23-March-2010)

ဖိုင်အဟောင်းတွေ ပြန်ကြည့်ရင်း လွန်ခဲ့တဲ့တစ်နှစ်လောက်က ရေးပြီး (ဘာလို့မှန်းမမှတ်မိ) မတင်ဖြစ်ခဲ့တဲ့ ကဗျာလေးတွေ့လို့ တင်လိုက်ပါတယ်း)

(ဆက်ဖတ်ချင်ရင်...း)

(ပြန်ပိတ်ပေးပါဦးး)

နှလုံးသွေးဖြင့် စတေးသော

ရေကန်ကျယ်လွင့်လွင့်ကို ဖြတ်တိုက်လာတဲ့ လေနုအေးကလေးက ဟိုးတုန်ကလိုပဲ… လတ်ဆတ်ဆဲ… ရေကန်က လက်ဆောင်ပေးလိုက်တဲ့ ရနံ့တစ်ခုနဲ့ စွတ်စိုနူးညံ့ဆဲ…

ဒီနေရာကို မြတ် မရောက်ဖြစ်တာကြာခဲ့ပြီ… မြတ်“တို့” မရောက်ဖြစ်ခဲ့တာ ကြာပြီလို့ ပြောရင် ပိုမှန်ပါလိမ့်မည်... တချိန်တုန်းကတော့ ဒီနေရာလေးက ကိုမင်းသော်နဲ့မြတ်တို့ ဘဝရှေ့ရေးတွေ တိုင်ပင်ရာ၊ တစ်ယောက်လက်ကို တစ်ယောက်ဆုပ်ကိုင်ပြီး အိပ်မက်လှလှတွေ မက်ခဲ့ရာ အမှတ်ရတ နေရာလေးပေါ့… အင်းလေ အခုလည်း ဘဝရှေ့ရေးတိုင်ပင်ဖို့ပဲ ဒီနေရာကို ရောက်ဖြစ်ခဲ့ကြ ပြန်တာပါပဲ… ဒါပေမယ့် လေတိုးလို့ မျက်နှာပေါ် တဝက်တပျက် ကျလာတဲ့ မြတ်ဆံနွယ်တွေကို တချိန်ကလို ကိုမင်းသော် တယုတယ သပ်တင်မပေးတော့။ မြတ်ကလည်း သူ့လက်မောင်းကို အားကိုးတကြီး ဆုပ်ကိုင်မထားမိတော့။ သူတို့နှစ်ယောက် ကုလားထိုင်ကိုယ်စီမှာ ခပ်တောင့်တောင့် ထိုင်ရင်းသာ တစ်ယောက်ကို တစ်ယောက် ဗလာမျက်လုံးတွေနဲ့ စေ့စေ့ကြည့်လို့…

“အိမ်မှာ မပြောဘဲ ဒီမှာ ဘာလို့ချိန်းရတာလဲ မြတ်ရဲ့…”

ပါးစပ်ကပြောနေပေမယ့် သူ့မျက်လုံးတွေက ဖုန်းဆီကမခွာ…

“သားလေးကြားမှာ စိုးလို့ပါ… ကိုမင်း”

သူ ဆတ်ကနဲဖြစ်သွားပြီး မော့ကြည့်သည်။

“ဘာ… ဘာတွေများ အရေးကြီးလို့လည်း…” မြတ် သူ့ဖုန်းရှိရာ ဝေ့ကနဲကြည့်ပြီး…
“ကိုမင်း ဖုန်းထဲမှာ ဓာတ်ပုံတွေသိမ်းထားတဲ့ ကောင်မလေးနဲ့ ကိုမင်းကိစ္စကို မြတ်သိနေတယ်…”

သူ့လက်ထဲက ဖုန်းပြုတ်ကျမတတ် ဖြစ်သွားသည်။ ဒါပေမယ့် သူအချိန်မှီ ဖမ်းလိုက်သည်။ ပြီးတော့ တယုတယ ပြန်ဆုပ်ကိုင်ထားလိုက်သည်။

“မြတ်… ကိုယ်… ကိုယ်…”

စကားပြောကောင်းလွန်းတယ်လို့ နာမည်ကြီးတဲ့ ကိုမင်းသော်တစ်ယောက် စကားလုံးတွေ ပျောက်ဆုံးကုန်တာ မြတ်ပထမဆုံးအကြိမ် မြင်လိုက်ရသည်။ သူ တစ်စုံတစ်ခု ပြောနိုင်လာသည်အထိ မြတ်စိတ်ရှည်လက်ရှည် စောင့်ပါသည်။

“မြတ်… ဘယ်လိုလုပ်သိတာလဲဟင်…”
“အဲဒါ အရေးကြီးသေးလို့လား ကိုမင်း… မြတ် သိတာ ၆ လလောက်ရှိပါပြီ…။ ကိုမင်း အရိပ်အကဲကို နှစ်ပေါင်းများစွာ မှန်လိုရှုလာတာပဲလေ။ ကိုမင်း ခြေလှမ်းပျက်တော့လဲ မြတ်အတွက် ချက်ချင်းသိဖို့က သိပ်မခက်ခဲ့ပါဘူး။ ဖုန်းထဲက ဓာတ်ပုံတွေကတော့ ဟိုတရက် အိမ်က လိုင်းဖုန်းပျက်နေလို့ မေမေရင့်ဆီ အရေးတကြီးဆက်စရာရှိတာနဲ့ ခဏယူသုံးရင်း တွေ့တာ… အဲဒီကျမှ မြင်ဖူးတယ်လေ…”

ကိုမင်းသော် မျက်နှာက ဆိုးဆိုးဝါးဝါးကို ပျက်ယွင်းနေခဲ့ပြီ။ ၆ လလုံးလုံး မျက်နှာတချက်မပျက် ဝတ္တရားတချက်မပျက်ဘဲ ရေငုံနှုတ်ပိတ် ရှိနေနိုင်ခဲ့သလို ခုလည်း တည်တည်ငြိမ်ငြိမ် ရှိလွန်းလှတဲ့ မြတ်ကို အံ့သြနေပုံရသည်။

“ဒါ… ဒါဆို အခုမှ မြတ်က ဘာလို့ပြောတာလဲ…”

“အမှန်အတိုင်းပြောရရင် ဒီလောက် အလေးအနက် ဖြစ်လာလိမ့်မယ်လည်း မထင်မိတော့ မြတ်ဒီစကားကို ပြောထွက်ဖို့ ကိုယ့်စိတ်ကိုယ် တည်ငြိမ်အောင် ကြိုးစားနေခဲ့တာကနေ ကြာသွားခဲ့တာ။ မြ သွေးပူနေတုန်း ပြောမိရင် စကားတွေများ စကားတွေမှားနဲ့ အိမ်ထောင်အလွယ်တကူ ပြိုကွဲမှာစိုးတယ်လေ။ အခုတော့ ကိုမင်းက တော်တော်လေး စွဲလမ်းနေပုံရလာတော့ မြတ် မပြောဘဲနေလို့ မဖြစ်တော့ဘူး ထင်လို့ပါ…”

“ကိုယ်… သူ့ကို သနားတာပါ။ အဲဒီကနေ သံယောဇဉ် ဖြစ်…” သူပြောရင်း မြတ်မျက်နှာကို ခိုးကြည့်သည်။ ရက်စက်လှချည်ရဲ့လို့ ထပ်ပြောဖို့တောင် မြတ်မှာ အင်အားမရှိတော့။ ပြောစရာ ရှိတာသာ အားတင်းပြီး ဆက်ပြောရသည်။

“ကိုမင်း အိမ်ထောင်၂ခုကို တပြိုင်ထဲ လိုချင်လို့တော့ မရဘူးလို့ ပြောရင် မြတ်အများကြီး တောင်းဆိုရာ မရောက်ဘူးလို့ ထင်တာပဲ။ အဓိကက… သား အတွက်ပါ…။ မြတ်မေတ္တာတွေ သားတစ်ယောက်ထဲကိုပဲ ပုံအောပေးချင်လို့ နောက်ထပ်သားသမီး မယူဘဲနေခဲ့တာ။ မြတ် အတ္တကြီးတယ်ပဲ ဆိုဆို သားဘဝမှာ အဖေရဲ့မေတ္တာကို မျှပေးရမယ့် တစိမ်းအမျိုးသမီးတစ်ယောက်ရဲ့ သွေးတွေ ရှိမလာစေချင်ဘူး…။ အားလုံးက သားအတွက်ပဲ ဖြစ်စေရမယ်။”

ကိုမင်းသော် အသက်မရှုဘဲ မြတ်ကို စိုက်ကြည့်နေသည်။

“အဲဒီတော့ မြတ် တစ်ခုပဲ တောင်းဆိုချင်တာက ကိုမင်း အဲဒီကောင်မလေးနဲ့ အိမ်ထောင်တစ်ခု ထပ်ထူထောင် ဖြစ်ခဲ့ရင်တောင် သားသမီးလုံးဝမယူဘူးဆိုတဲ့ ကတိပါပဲ…”

ကိုမင်းသော် ကျောက်ရုပ်တရုပ်လို ဖြစ်သွားသည်။ နောက်မှ တဖြည်းဖြည်း လှုပ်ရှားလာပြီး…

“မြတ်… ကိုယ့်ကို ကွာရှင်းဖို့ပြောမယ် ထင်နေတာ”

လက်ထပ်တဲ့ နေ့ကတည်းက “နောက်တစ်ယောက်များ ပေါ်လာရင် ချက်ချင်းကွာရှင်းမှာနော်” လို့ ပြတ်ပြတ်သားသား ပြောခဲ့ဖူးတဲ့မြတ် ဘယ်လောက်စိတ်ကြီးကြောင်း သူကောင်းကောင်း သိသည်လေ။

“ဟင့်အင်း… သားလေးမွေးကထဲက မြတ်ဘက်ကစပြီး အိမ်ထောင်ပြိုကွဲမယ့် ကိစ္စတွေ စကားတွေ လုံးဝမပြောဘူး မလုပ်ဘူးလို့ ဆုံးဖြတ်ထားခဲ့တာ။ မိမစုံ ဖမစုံ ကြီးပြင်းရတဲ့ ကလေးတစ်ယောက်ရဲ့ ဒုက္ခကို ကိုမင်း တခါမှ စဉ်းစားမကြည့်မိဖူးဘူး မဟုတ်လားဟင်…။ မြတ်ကတော့ သားလေး မွေးကထဲက အကုန်လေ့လာတယ်။ စဉ်းစားထားတယ်”

“ကိုယ်လည်း သားကို မချစ်ဘဲ နေပါ့မလားကွာ…”

“ကိုမင်း သားကို သိပ်ချစ်တာ သိပါတယ်။ ဟိုကလေးမလေးနဲ့ ကိစ္စဖြစ်နေတဲ့ အချိန်မှာတောင် သားအတွက် အချိန်ပေးတာကို မလျှော့ခဲ့လို့ မြတ်က ကျေးဇူးတင်နေတာ။”

ခနဲ့ပြော ပြောတဲ့ စကားများလားဆိုပြီး မော့ကြည့်တော့ တည်ငြိမ်ကြည်လင်နေတဲ့ မြတ်မျက်နှာကြောင့် ကိုမင်းသော် သက်ပြင်းဖွဖွချသည်။

“ဒါပေမယ့် သားကို အကြောင်းပြပြီး ပြန်ချည်နှောင်ဖို့ ကြိုးစားတယ်လို့ မထင်စေချင်ဘူး… မြတ်အနေနဲ့ သားနဲ့ အနီးဆုံးမှာ ကိုမင်းရှိနေနိုင်သမျှ ရှိနေအောင် ဆွဲဆန့်ချင်တာမျိုးပါပဲ။ ကိုမင်း ဟိုကလေးမနဲ့ ဘဝသစ်စချင်လို့ အပြတ်ထားခဲ့မယ် ဆိုရင်လည်း အေးအေးဆေးဆေး လမ်းခွဲပေးမှာပါ။ မြတ်တို့ သားအမိကံပေါ့…”

ချစ်သူဘဝကထဲက သူ့လက်မောင်းကို ခိုတွဲပြီး ထာဝစဉ်အားကိုးခဲ့တဲ့ မြတ်နှုတ်ခမ်းက ဒီလိုစကားတွေ ကြားရတာ ကိုမင်းသော်အတွက် အိပ်မက်လိုလိုတောင် ဖြစ်နေသည်။

“ကိုယ် မြတ်တို့သားအမိနဲ့ ဘယ်လိုလုပ်ပြီး ခွဲနိုင်ပါ့မလဲကွာ…”

အဲဒီစကားနောက်မှာ “ဟိုကလေးမလေးနဲ့ ကင်းကင်းရှင်းရှင်း နေပါတော့မယ်”ဆိုတဲ့ စကားမျိုးကိုတော့ မြတ်အရူးတစ်ယောက်လို မျှော်လင့်မနေချင်တော့ပါ။

“နောက်တစ်ခုက ကိုမင်း… မြတ် ပြန်အလုပ်လုပ်တော့မယ်။ သားလေး ကိုယ်ဝန်ရကတည်း ကိုမင်း စိတ်တိုင်းကျ မြတ်အလုပ်ထွက်ပေးထားတာ။ အခု ပြန်လုပ်ဖို့ လိုပြီလေ…။ သားလေးလည်း ကျောင်းမှာပျော်ပြီး သူ့ဘာသာ သွားတတ်လာတတ် လုပ်တတ်ကိုင်တတ် ရှိနေပြီ”

“မဟုတ်ဘူးလေ… မြတ် အလုပ်မလုပ်တာ ကြာပြီဆိုတော့ အဆင်ပြေပါ့မလား…”

“မြတ် ပြင်ဆင်ပြီးပါပြိ။ မြတ်အလုပ်ဟောင်းက ဆရာကပဲ မြတ်ကို ပြန်ခေါ်တယ်။ အလုပ်အတွက် လိုအပ်တဲ့ စာမေးပွဲတစ်ခုတော့ ပြန်ဖြေဖို့ လိုတယ်ဆိုလို့ မြတ်ဖြေပြီးပြီ။ ပြီးခဲ့တဲ့ တပတ်က အောင်လည်း အောင်သွားပြီ။ ကိုမင်းကို ဒါတွေ ပြောမပြဘဲနေခဲ့တာ မဟုတ်ပါဘူး။ မြတ်ပြောဖို့ ကြိုးစားတိုင်း ကိုမင်းက အလုပ်ရှုပ်နေလို့…”

“အလုပ်ရှုပ်နေလို့” ဆိုတဲ့စကားအရောက်မှာ ကိုမင်းသော် အားတုံ့အားနာနဲ့ မြတ်မျက်လုံးတွေဆီကနေ အကြည့်ကို လွှဲလိုက်သည်။

“မဟုတ်ပါဘူး မြတ်ရယ်။ မြတ်ပင်ပန်းပါတယ်။ ကိုယ် မြတ်တို့နဲ့ ဘယ်တော့မှ မခွဲပါဘူး…။ နောက်သူ့ကိုလည်း ကိုယ် ဘယ်တော့မှ လက်ထပ်ယူမှာ မဟုတ်ပါဘူး”

“အဲလိုပြောတဲ့အတွက် ကျေးဇူးတင်ပါတယ် ကိုမင်း။ ဒါပေမယ့် မြတ်ပြင်ဆင်ပါရစေ။ သားပညာရေးအတွက် ကမောက်ကမ ဖြစ်သွားစေနိုင်တဲ့ Risk မျိုး မြတ် မယူနိုင်လို့ပါ။ ဟိုကလေးမလေးဟာ အင်မတန် ချစ်စရာ မြတ်နိုးစရာ ကောင်းနေလို့သာ မြတ်တို့ရှိနေရက်နဲ့ ကိုမင်း စိတ်ပြောင်းသွားခဲ့တာပဲ။ နောင်တချိန် စိတ်နောက်တမျိုးမပြောင်းနိုင်ဘူးလို့ ဘယ်သူကမှ အာမ မခံနိုင်ဘူးလေ…။ အဲဒီအခါကျရင် မြတ်မှာ ကိုယ့်ဘဝကိုယ် မောင်းနှင်နိုင်မယ့် အခြေအနေမျိုး ရှိနေချင်တယ်…”

သူ နည်းနည်း စိတ်တိုသွားပုံရသည်။

“မင်းကိုယ့်ကို မယုံဘူးပေါ့…” ဟိုးတုန်းကဆိုရင် သူပြောလိုက်တိုင်း မြတ် ပျာပျာသလဲချော့ရတဲ့ စကား။ အခုတော့ မြတ်က “ယုံရမယ် ဟုတ်လား” ဆိုတဲ့ အကြည့်နဲ့ တချက်အကြည့်မှာပဲ သူခေါင်းငိုက်စိုက် ကျသွားသည်။

“မြတ်ကိုတော့ အားနာမနေပါနဲ့တော့… မြတ် သိပ်မထက်မြက်ချင်သာ နေမယ် ကိုမင်းနဲ့ အိမ်ထောင်သက်တလျှောက်မှာ ကိုမင်းထင်နေခဲ့သလောက် မြတ်မညံ့ပါဘူး။ ကိုမင်းကို ချစ်လို့သာ အားကိုးနေခဲ့တာပါ။ မြတ်ဘာသာ အဆင်ပြေသွားပါလိမ့်မယ်။ တစ်ခုပါပဲ… ဘာပဲလုပ်လုပ် သား စိတ်ဒဏ်ရာ မရဖို့ ပျော်ရွှင်ဖို့ကိုပဲ ဦးစားပေး စဉ်းစားပေးပါလို့ မြတ်ထပ်ပြောချင်ပါတယ်…”

သူ တိတ်ဆိတ်သွားပြီး ခဏကြာမှ…

“မြတ်… ကိုယ့်ကို… ချစ်ရော… ချစ်သေးရဲ့လား…”

အိုး… လောဘကြီးလိုက်တဲ့ ကိုမင်း…။ မြတ်စိတ်ထဲမှာ မျက်ကနဲ ဖြစ်သွားသည်။ ဒီအချိန်မှာ မေးဖို့ ဘယ်လောက်များ မသင့်တော်တဲ့ မေးခွန်းလဲကွယ်။

“အဲဒီအကြောင်းကို မြတ်မစဉ်းစားမိတာ ကြာပြီ ကိုမင်း…။ ကဲ ပြန်ကြရအောင်ပါ… သားလေးလည်း မျှော်နေတော့မယ်”

မြတ် ပြောပြောဆိုဆို ထိုင်ရာကထ သူ့ကို ကျောခိုင်းပြီး ကားရှိရာဘက်ကို ဦးတည်လိုက်သည်။ အနောက်ဘက်က ထွက်လာတဲ့ သူ့အသံက တိုးညှင်းလှိုက်ခတ်နေသည်…

“မြတ်ကို ကိုယ်အဆုံးရှုံးမခံနိုင်ဘူး…” မြတ်လှည့်မကြည့်ဘဲ ငေးရီရီ ပြောမိသည်…

“စိတ်မပူပါနဲ့ ကိုမင်း… ကိုမင်းအပေါ်မှာ မြတ် အမြဲတမ်း ဝတ္တရားကျေနေမှာပါ။ ကြင်လည်း ကြင်နာမှာပါ။ မေတ္တာလည်း တကယ် ထားမှာပါ…။ ကိုမင်း မြတ်တို့နဲ့ အတူရှိနေဖို့ မြတ်ဘာမဆို လိုက်လျောဖို့ အဆင်သင့်ပါ… သားလေးအတွက်လေ…”

ပြောပြီးပြီးချင်း ခပ်သွက်သွက်လှမ်းလာတော့ ကိုမင်းသော် အနောက်မှာ မတ်တပ်ရပ်ရင်း ကျန်ခဲ့သည်။ လျှောက်လာရင်းကနေ တခုခုကို တွေးမိသလိုနဲ့ ခပ်အေးအေးပြုံးရင်း ဖြတ်ကနဲ နောက်လှည့်ပြောသည်…

“ကိုမင်းအပေါ် မြတ်ထားတဲ့ မေတ္တာက အမေတစ်ယောက်က သားသမီးကို ထားတဲ့ မေတ္တာမျိုးလည်း ဖြစ်ချင်ဖြစ်နေလိမ့်မယ်။ ဖြစ်တယ်မဟုတ်လား ကိုမင်း…”

ပြောပြီးပြီးချင်း ချာကနဲလှည့်ပြီး ရှေ့ဆက်လှမ်းတော့ ကိုမင်းသော် အနောက်ကနေ မြတ်ကို တကြော်ကြော်ခေါ်ရင်း ပြေးလိုက်လာသည်။ မီလုမီခင်မှာပဲ မြတ်လက်မောင်းကို ဖွဖွလှမ်းဆုပ်သည်။ အဲဒီအချိန်မှာပဲ မျက်နှာပေါ် ဖြတ်တိုက်ပြန်တဲ့လေကြောင့် တဝက်တပျက် ဝဲကျလာတဲ့ ဆံနွယ်တွေကို မြတ် ကိုယ့်ဖာသာပဲ ခပ်တင်းတင်း သပ်တင် ဆွဲဖိလိုက်သည်။

ဘေးနားရောက်လာတဲ့ ကိုမင်းသော် မြတ်မျက်နှာကို စူးစမ်းသလို ကြည့်တော့ တင်းတင်းစေ့ထားတဲ့ နှုတ်ခမ်းတွေကို တွေ့ရသည်။ မြတ်ကတော့ သူ့ကိုယ်သူ ပြုံးနေသည်ဟု ထင်နေလေသည်။

ရွှေပြည်သူ
(12:38 PM ~ 08-May-2011)

ရင်သွေးအတွက် နှလုံးသားတွေ၊ ခံစားချက်တွေ၊ ဘဝတွေ စတေးပေးခဲ့သော၊ စတေးထားရဆဲဖြစ်သော မိခင်များအားလုံးအတွက်… (အားလုံး ပျော်ရွှင်သော Mother’s Day ဖြစ်ပါစေရှင်)

(ဆက်ဖတ်ချင်ရင်...း)

(ပြန်ပိတ်ပေးပါဦးး)

လက်ဆင့်ကမ်း ရောင်စဉ်

“We can't help everyone, but everyone can help someone.”
Dr. Loretta Scott

“ကျွန်မတို့တွေ လူတိုင်းကို မကူညီနိုင်ပါဘူး။ ဒါပေမယ့် လူတိုင်းက တစုံတယောက်ကိုတော့ ကူညီနိုင်ပါတယ်”
ဒေါက်တာ လော်ရက်တာ စကော့တ်

ကျွန်မ စင်္ကာပူကို ရောက်ခါစက တက်ရမယ့်ကျောင်းကို (နောက်တော့ ဆက်မတက်ဖြစ်ခဲ့ပါ) ပထမဆုံးအကြိမ် ရောက်တဲ့အခါ တနေရာနဲ့တနေရာ ဘတ်စ်ကားနဲ့ သွားရလောက်အောင် ကျယ်တဲ့ ကျောင်းဝန်းကြီးထဲမှာ ကျွန်မသွားရမယ့်နေရာကို မရောက်ဘဲ တဝဲလည်လည် ဖြစ်နေခဲ့ပါတယ်။ မြေပုံတွေကြည့်ပြီး ကြိုးစားပေမယ့် သွားချင်တဲ့နေရာကို မရောက်နိုင်ဘဲ အချိန်တွေသာ ပိုကုန်လာတဲ့အခါ “ပါးစပ်ပါ ရွာရောက်” ဆိုသလို အနားမှာ တွေ့တဲ့ ကျောင်းသားလေး တစ်ယောက်ကိုပဲ မေးရပါတော့တယ်။ ကုသိုလ်ကံကောင်းစွာနဲ့ပဲ မေးမိတဲ့လူက အင်မတန်ကူညီတတ်သူ တစ်ယောက် ဖြစ်နေခဲ့ပါတယ်။ (သူ့ဦးတည်ရာ ဟုတ်ပုံမရတဲ့) ကျွန်မသွားရမယ့် နေရာကို ကျောင်းပတ်ဘတ်စ်ကားစီးပြီး ရောက်တဲ့အထိ လိုက်ပြခဲ့ပါတယ်။

သွားရမယ့်နေရာရောက်တဲ့အခါ ကျွန်မက အရမ်းကျေးဇူးတင်ကြောင်း ပြောတော့ မထင်မှတ်ဘဲ သူပြန်ပြောခဲ့တဲ့စကားလေးက တကယ်ကို မှတ်သားစရာပါ…

“လူတွေက တစ်ယောက်နဲ့တစ်ယောက် ကူညီဖို့လိုတာကြောင့် (ကျေးဇူးတင်တဲ့အနေနဲ့) ကျွန်တော်က ခင်ဗျားကို အခုကူညီသလို တခြားလူတွေကိုလည်း ဆက်ပြီးကူညီပေးလိုက်ပါ” တဲ့... (နှစ်တွေကြာခဲ့ပြီမို့လို့ မှတ်မိသလိုပဲ အဓိပ္ပါယ်ပေါ်အောင် ရေးလိုက်ပါတယ်)

ကျွန်မ ဒီလိုစကားမျိုးဆန်ဆန်ကို စာတွေထဲမှာ ဖတ်ဖူးပေမယ့် တကယ်တမ်း လက်တွေ့ကြားလိုက်ရတဲ့အခါ စိတ်ထဲ မှတ်မှတ်ထင်ထင် ဖြစ်သွားခဲ့ပါတယ်။ ဘယ်လောက်များလှလိုက်တဲ့ စိတ်ကူးလဲနော်။ သိမ်မွေ့ကြည်လင်တဲ့ ရောင်စဉ်တန်းတစ်ခုကို မှန်ချပ်ပေါင်းများစွာက တဆင့်ပြီးတဆင့် လက်ဆင့်ကမ်းသွားသလိုမျိုးလို့ ကျွန်မတော့ မြင်မိပါတယ်။ ဒီနေရာမှာ “ကူညီမှု” ဆိုတာ ငွေတွေ သိန်းချီပေးကမ်းမှရယ် မဟုတ်ဘဲ အသေးအဖွဲလေးပဲ ဖြစ်ဖြစ် ကိုယ့်စွမ်းဆောင်မှုကြောင့် တဖက်သား အနည်းနဲ့အများ အဆင်ပြေသွားစေတဲ့ အရာအားလုံးကို ဆိုလိုတယ်လို့ ကျွန်မနားလည်မိပါတယ်။ ကျွန်မတို့ သတိမထားမိလို့သာ… တကယ်တော့ ပေးသူတွေဟာ ဘယ်တုန်းကမှ ပေးသူတွေသက်သက် မဟုတ်ကြပါဘူး။ စေတနာမှန်သူတိုင်း တန်ဖိုးမဖြတ်နိုင်တဲ့ “ပီတိ” ကို အမြဲတမ်း ပြန်ရစမြဲမို့လို့ပါ။

ကျွန်မတို့ မြန်မာလူမျိုးတွေအတွက် အချင်းချင်းရိုင်းပင်း ကူညီရမယ်ဆိုတဲ့ အသိက DNA ထဲမှာ မွေးရာပါ ပါခဲ့သလိုမျိုးဆိုတော့ အထူးပြောစရာ မလိုပေမယ့် တကယ်တမ်း ဘဝခရီးလမ်းတလျှောက်က တောင်အမြင့်ကြီးတွေကို လက်မအားနိုင်အောင် ကျားကုတ်ကျားခဲ ရုန်းကန်ကြိုးစား ကုတ်တွယ်တက်နေရတဲ့ အချိန်တွေမှာ သူများကို လက်ကမ်းပေးဖို့ မေ့သွားတတ်ကြတာပါပဲ။ လက်အားတဲ့အချိန်တွေမှာလည်း လက်ပမ်းကျနေတာကြောင့် လက်မလှမ်းမိတာတွေ ရှိမှာပါပဲ။ ဒီလိုအချိန်တွေမှာ ဒီစကားလေးကို သတိရဖို့ ကိုယ့်ကိုယ်ကို သတိပေးရင်း အားလုံးကိုလည်း ပြန်ဝေမျှလိုက်ပါတယ်။

မှတ်ချက်။ ။ နှစ်ပေါင်းများစွာ မေ့နေခဲ့တဲ့ ဒီစကားလေးကို ပြန်သတိရစေတဲ့ စာကြည့်တိုက်မှာ ကျွန်မကို ကူညီခဲ့သူ လူစိမ်းတစ်ယောက်ကိုလည်း အထူးကျေးဇူးတင်မိကြောင်း အမှတ်တရလေး ထည့်ရေးချင်ပါတယ်။

(ဆက်ဖတ်ချင်ရင်...း)

(ပြန်ပိတ်ပေးပါဦးး)