ခေတ်ရဲ့ပြဇာတ်

သူက အလွန်စကားနည်းသည်။ မျက်နှာထားတည်သည်။
သူမက အလွန်ရှက်တတ်သည်။ မျက်နှာထားတည်သည်။

မနက် ၆း၄၅ က သူနဲ့ သူမတို့ ကိုယ်စီ အိမ်ကထွက်ချိန်ဖြစ်ပြီး အချိန်တိကျသော သူတို့နှစ်ယောက် မနက် ၇း၀၀ တိတိတိုင်း လမ်းချိုးလေးတစ်ခုမှာ တွေ့ကြစမြဲ ဖြစ်သည်။

ပထမဆုံးနေ့…
သူမက သူ့ကို အလွန်ချောမော ဆွဲဆောင်မှုရှိသူအဖြစ် (ထင်ခဲ့) သတိထားခဲ့မိပြီး သူက သူမရဲ့ ထူးဆန်းသော အကြည့်တမျိုးနဲ့ မျက်လုံးတွေကြောင့် သတိထားခဲ့မိသည်။

ဒုတိယနေ့…
သူက သူမကို “မနေ့က တွေ့တဲ့ ကောင်မလေးပဲ” ရယ်လို့ တချက်ကြည့်ပြီး သူမက သူ့ကို “မနေ့ကတွေ့တဲ့ လူချောချောပဲ” လို့ တချက်ခိုးကြည့်သည်။

တစ်ပတ်ကြာတဲ့နေ့…
သူ သူမကို ပြုံးပြချင်လာသည်။ သူမက သူ့ပြုံးယောင်ယောင် နှုတ်ခမ်းတွေကို ဖြတ်ကနဲကြည့်ပြီး ပျော်သလိုလို မောသလိုလို စိတ်နဲ့ ဆက်လျှောက်သွားသည်။

နှစ်ပတ်ကြာတဲ့နေ့…
သူ သူမကို ပြုံးပြသည်။ သူမ မယုံနိုင်သလိုလို ကြည့်ပြီး မျက်နှာလွှဲသည်။ နောက်မှ ဖြတ်ကနဲ ပြန်ကြည့်ပြီး ပြုံးပြနေဆဲ ဖြစ်သောသူ့ကို ခပ်သွက်သွက် ပြန်ပြုံးပြသည်။ အဲဒီညက နှစ်ယောက်စလုံး ပြုံးပြမိသော အဖြစ်ကို ကျေနပ်စွာတွေးရင် ကိုယ်စီအိပ်ယာဝင်ကြသည်။

အဲဒီနောက် နေ့တိုင်း… နေ့တိုင်း… လမ်းချိုးလေးမှာ တစ်ယောက်နဲ့တစ်ယောက် ပြုံးပြဖြစ်ကြသည်။

တစ်လကြာတဲ့နေ့…
သူမ လမ်းချိုးလေးကို ရောက်မလာခဲ့။ သူ လေးကန်သော ခြေလှမ်းတွေနဲ့ ခရီးဆက်သွားသည်။

တစ်လခွဲကြာတဲ့နေ့…
သူမ လမ်းချိုးလေးကို ရောက်မလာသေး။ သူ့ခြေလှမ်းတွေ လေးကန်သထက် လေးကန်လာသည်။ လွန်ခဲ့သော တစ်လခွဲလုံး စကားနည်းခဲ့သော သူ့ကိုယ်သူ အပြစ်တင်စပြုလာသည်။

နှစ်လကြာတဲ့နေ့…
သူမ လမ်းချိုးလေးကို ပြန်ရောက်လာသည်။ ပုံမှန်အချိန်တွေမှာ မျက်နှာထားတည်လွန်းသော သူ ဟန်မဆောင်နိုင်လောက်အောင် လှိုက်လှဲရွှင်ပြစွာ ပြုံးပြသည်။ သူမ တုန့်ပြန်ပြုံးက မတောက်ပလှ။ စကားနည်းသော“သူ” သူမ ဘေးက ဖြတ်အလျှောက်မှာ အကြိမ်ပေါင်းများစွာ စိတ်ကူးထားတဲ့အတိုင်း ခပ်သွက်သွက် ပြောသည်။

“မတွေ့တာကြာပြီ”

သူမ မျက်လွှာကို ပင့်ပြီး ဝင့်ကနဲ ကြည့်သည်။ သူ့အသံကို ပထမဆုံးကြားဖူးရလို့ ကျေနပ်စိတ်နဲ့ ရင်ထဲမှာ ရှိနေတဲ့ ဝမ်းနည်းစိတ် ရောထွေးရင်း တိုးတိုးပြောသည်။

“ဖျားနေလို့…”

သူဘာမှ မပြောခင် သူမ ဆက်ပြောသည်။

“ကြားပြီးပြီလား… ဒီလမ်းလေးကို မနက်ဖြန်ကစပြီး သူတို့ ဖျက်ပစ်ကြတော့မယ်…”

(လမ်းချိုးလေးမရှိရင် သူမ ရော၊ သူပါ မတူညီတဲ့ လမ်းတွေ အသုံးပြုကြရတော့မှာကို နှစ်ယောက်စလုံး ကောင်းကောင်းသိသည်။)

သူ ကျောက်ရုပ်လို ငြိမ်သက်သွားသည်။ သူမလည်း ကျောက်ရုပ်လို ငြိမ်သက်သွားသည်။

သူ စိတ်တွေထွေသွားသည်။ သူမရဲ့ နာမည်လေးတောင် သိခွင့်မရသေး။ သူ သိချင်တဲ့ သူမအကြောင်းတွေ ဘာတစ်ခုမှ မသိရသေး။ လမ်းချိုးလေးမရှိဘဲ ထပ်တွေ့ဖို့ကို လမ်းစရှာမရ။ သူမကလည်း သူ့လိုပဲ ထပ်တူတွေးနေသည်။

“သွားတော့မယ်နော်…”

သူမပြောတော့ သူ စကားနည်းနေဆဲ…

သူမ ခြေလှမ်းတွေ ဆက်လှမ်းသွားသည်။ တစ်လှမ်း နှစ်လှမ်း သုံးလှမ်း…

“ခဏ…”

သူ့အသံနဲ့ ထပ်တူ သူမခြေလှမ်းတွေ တုန့်ကနဲ…

“နာမည်လေးတော့ ပြောခဲ့ပါလား…”

“………..လင်း” အတန်ငယ်ရှည်သော နာမည်အပြည့်အစုံကို အသံတိုးတိုးနဲ့ သူမ စိတ်ရှည်လက်ရှည် ပြောပြလိုက်တော့ ထင်မှတ်မထားသော စကားတစ်ခွန်းကို သူပြောသည်။

“Facebook တော့ သုံးတယ်မဟုတ်လား”

ကျောခိုင်းထားတဲ့သူမ အောက်နှုတ်ခမ်းကို ဖိပြီး ကြိတ်ပြုံးလိုက်သည်။

“လင်းကို L.y.n.n နဲ့ပေါင်းတာ…”

ပြောပြီးပြီးချင်း သူမ ရှက်ကိုးရှက်ကန်းနဲ့ ခပ်သွက်သွက် ဆက်လျှောက်သွားသည်။

အဲဒီညနေ…

သူမ အိမ်ရောက်ရောက်ချင်း အိတ်ကို ချ၊ ကွန်ပျူတာဖွင့်၊ Facebook ထဲကို ခပ်မြန်မြန် Login ဝင်ပြီး အရင်ပေးထားတဲ့ Bunny Lynn ကနေ နာမည်အပြည့်အစုံကို ခပ်မြန်မြန် ပြောင်းလိုက်သည်။ Profile ပုံကိုလည်း အရင်တင်ထားတဲ့ ယုန်ပုံကနေ သူမတကယ့်ဓာတ်ပုံ ပြောင်းလိုက်သည်။

သူ အိမ်ရောက်ရောက်ချင်း ကျောပိုးအိတ်ကို ကုတင်ပေါ်ပစ်တင်ပြီး ကွန်ပျူတာဖွင့်၊ Facebook ထဲ ခပ်မြန်မြန် Login ဝင်ပြီး သူမနာမည်အပြည့်အစုံကို ရိုက်ပြီးရှာသည်။

သူမ နာမည်ပြောင်းပြီးတာနဲ့ သူ ရှာတာက မိနစ်ပိုင်းလောက်သာ ကွာသည်။

ရှာရှာချင်းထွက်လာတဲ့ သူမ Account ကို သူ Add လုပ်လိုက်တာနဲ့ သူမ Accept လုပ်လိုက်တဲ့ Notification လေး သူ့ Screen ထောင့်စွန်းမှာ ပေါ်လာတာက စက္ကန့်ပိုင်းလောက်သာ ကွာသည်။

Friend List ထဲပေါ်လာတဲ့ တစ်ယောက် Profile ကို တစ်ယောက်ဖွင့်လိုက်တာ… Relationship Status ဘေးက Single ဆိုတဲ့ စာလုံးကို တစိမ့်စိမ့်ကြည့်ရင်း ရှားပါးစွာ ကိုယ်စီပြုံးလိုက်ကြတာတွေက တပြိုင်ထဲဖြစ်သည်။

အဲဒီညက သူရော သူမပါ Facebook ကြီးစိုးသော ခေတ်တခေတ်တွင် ရှိနေရခြင်းအတွက် ကျေနပ်ကြည်နူးစိတ်နဲ့ အိပ်ပျော်သွားခဲ့ကြသည်။

ရွှေပြည်သူ
(1:55 AM ~ 10-Jul-2011)

စကားချပ်။ ။ ရေးပြီးမှ ဒီဇာတ်လမ်းကို နည်းနည်း Lame ဖြစ်တယ်လို့ ထင်မိကြောင်း ဝန်ခံပါတယ်း)