ဒဏ္ဍာရီထဲက သတို့သမီး (သို့) ကိတ်မစ်ဒယ်လ်တန်

Photo from: http://www.hindustantimes.com

မနက်ဖြန် (29-April-2011) မှာ တစ်ကမ္ဘာလုံးက ရပ်သပ်ရှုမောစောင့်ကြည့်ကြမယ့် ဒီဆယ်စုနှစ်ရဲ့ အကြီးကျယ်အခမ်းနားဆုံး မင်္ဂလာပွဲမှာ သတို့သမီးဖြစ်ခွင့်… မိခင်ဆီက ရုပ်ရည်ခန့်ညားမှုနဲ့ ကြင်နာတတ်မှုတွေကို အမွေရခဲ့တဲ့ နန်းညွှန့်နန်းလျာ တော်ဝင်မင်းသားတစ်ယောက်ရဲ့ ချစ်ခင်မြတ်နိုးမှုနဲ့ တန်ဖိုးထား ထိမ်းမြားလက်ထပ်ခြင်းတို့ကို ပိုင်ဆိုင်ခွင့်… အဲဒါတွေကို ကမ္ဘာတဝှမ်းက အမျိုးသမီးလေးပေါင်းများစွာ အိပ်မက်မက်ခဲ့ဖူးကြပါတယ်။ ဒါပေမယ့် အဲဒီအမျိုးသမီးလေးပေါင်းများစွာထဲက အိပ်မက်ကို လက်တွေ့မှာ တကယ် ပိုင်ဆိုင်ခွင့် ရခဲ့တဲ့သူကတော့ ကိတ်မစ်ဒယ်လ်တန် Kate Middleton ဆိုတဲ့ အင်္ဂလန်နိုင်ငံ ဘာ့က်ရှိုင်းယားနယ်က အရပ်သူမိန်းမချောလေး တစ်ယောက်ထဲပါပဲ…

နာမည်အပြည့်အစုံ ကက်သရင်း အယ်လစ်ဇဘသ် ကိတ် မစ်ဒယ်လ်တန် (Catherine Elizabeth "Kate" Middleton) လို့ ခေါ်တွင်တဲ့ ကိတ်ဟာ ဗြိတိန်လေကြောင်းလိုင်း (British Airways) မှာ လေယာဉ်မောင်မယ်တွေအဖြစ် တာဝန်ထမ်းဆောင်ခဲ့ကြတဲ့ မိဘနှစ်ပါးရဲ့ အကြီးဆုံးသမီး ဖြစ်ပါတယ်။ (ကောမန့်မှာ Anonymous ပြောပြပေးသွားတာကို ဖြည့်စွက်လိုက်ပါတယ် - "ကိတ်အမေ လေယာဉ်မယ်ဟောင်းက ပါတီပစ္စည်းတွေကို အင်တာနက်ကရောင်းတာ အရမ်းရောင်းကောင်းတော့ ကိတ်အဖေလည်း အလုပ်ထွက်ပြီး သူ့မိန်းမ စီးပွားရေးကို ကူညီလုပ်ဆောင်ပေးရင်း သန်းချီ ချမ်းသာလာကြတယ်။") ဘိုးစဉ်ဘောင်ဆက် သာမန်လူတန်းစားကနေ ဆင်းသက်လာတဲ့ ကိတ်ဟာ ဗြိတိန်နိုင်ငံထီးနန်းကို ဆက်ခံဖို့ ဒုတိယနေရာမှာ ရှိနေတဲ့ မင်းသားဝီလီယံ (Prince William) နဲ့ စကော့တလန်နိုင်ငံ စိန့်အင်ဒရူးတက္ကသိုလ် (University of St. Andrew) မှာ ပညာသင်ရင်း ရိုးရိုးစင်းစင်းပဲ စတွေ့ခဲ့ကြပါတယ်။ ကျောင်းမှာလုပ်တဲ့ ဖက်ရှင်ပြပွဲမှာ ကိတ်ကိုယ်ဟန်ပြနေုတုန်း ဝီလီယံက စတွေ့ပြီးသဘောကျခဲ့တယ်လို့ ဆိုကြပေမယ့် အဲဒီမတိုင်ခင်ကတည်းက Art History ကို အတူသင်ယူနေသူချင်းမို့ တစ်ယောက်နဲ့တစ်ယောက် သိနေခဲ့ပြီလို့ ဆိုပါတယ် (နောက်ပိုင်း ဝီလီယံက ပထဝီဝင် (Geography) ကိုအဓိကဘာသာရပ်အဖြစ် ပြောင်းလဲယူခဲ့ပါတယ်)။ ခင်မင်ပြီး တစ်နှစ်အကြာ ၂၀၀၂ စက်တင်ဘာမှာ တခြားသူငယ်ချင်းနှစ်ယောက်နဲ့အတူ အိမ်တလုံးထဲမှာ ပြောင်းပြီးငှားနေကြတဲ့ အချိန်အထိ သူတို့ဟာ သူငယ်ချင်းတွေပါပဲ။ ၂၀၀၃ ဒီဇင်ဘာမှာတော့ ကိတ်က လက်ရှိတွဲနေသူနဲ့ ပြတ်စဲခဲ့ပြီး ဝီလီယံနဲ့ စတွဲနေခဲ့ပြီလို့ ထင်ကြေးပေးခံလာရပါတယ်။

အဲဒီနောက် ဆွစ်ဇာလန်နိုင်ငံ မှာ ရေခဲစကိတ်အတူ စီးတာတွေ၊ ဝီလီယံသူငယ်ချင်းရဲ့ မင်္ဂလာပွဲကို အတူတွဲတက်တာတွေ ကြောင့် တရားဝင်မကြေညာသော်လည်း သူတို့နှစ်ယောက် သူငယ်ချင်းတွေသက်သက် မဟုတ်ကြတော့မှန်း လူတွေ ရိပ်မိလာကြပါတယ်။ အဲဒီလို အာရုံစူးစိုက်ခံလာရတဲ့ သူတို့ အချစ်ဇာတ်လမ်းဟာ အမြဲတမ်းတော့ မဖြောင့်ဖြူးခဲ့ပါဘူး။ ၂၀၀၇ ဧပြီလမှာတော့ သူတို့နှစ်ယောက် ပြတ်စဲလိုက်ပြီလို့ သတင်းမီဒီယာတွေကနေ အတိအလင်း ဖော်ပြခဲ့ပါတယ်။ ၂၀၀၇ ဂျွန်လမှာ ကျင်းပတဲ့ ဝီလီယံရဲ့ မိခင် ကွယ်လွန်သူ လေဒီဒိုင်ယာနာ (Diana) အတွက် ဝီလီယံနဲ့ ညီဖြစ်သူ ဟယ်ရီတို့ အမှတ်တရ လုပ်တဲ့ ဖျော်ဖြေပွဲမှာ ကိတ်ကိုပါ တွေ့ရပေမယ့် ဝီလီယံနဲ့ အတူမထိုင်ဘဲ ခုံတန်း၂တန်းခြားပြီး အနောက်မှာ ထိုင်နေတာကို တွေ့ကြရပါတယ်။ ဒါပေမယ့် မလိုလားသူတချို့ မျှော်လင့်ခဲ့သလို သူတို့အချစ်ဇာတ်လမ်းက အဲဒီမှာ တခန်းရပ်မသွားခဲ့ပါဘူး။ ၂၀၀၇ အောက်တိုဘာမှာ နှစ်ယောက်တွဲ ဓာတ်ပုံပြန်အရိုက်ခံခဲ့ပြီး ၂၀၀၈ ဧပြီမှာတော့ ကိတ်က (အခုချိန်မှာ Co-pilot အဖြစ် တာဝန်ထမ်းဆောင်နေတဲ့) ဝီလီယံရဲ့ တော်ဝင်လေတပ် သင်တန်းဆင်းပွဲကို တက်ရောက်ခဲ့တာတွေကြောင့် သူတို့၂ယောက် ပြန်တွဲနေကြပြီဆိုတာ လူတွေ သိလိုက်ရပါတယ်။ ချစ်သူအဖြစ်က ပြတ်စဲပြီး လတော်တော်ကြာမှ ပြန်ဆက်သွယ်ကြတာကို ကြည့်ရုံနဲ့ ဝီလီယံ ကိတ်အပေါ်မှာ ထားတဲ့ သံယောဇဉ်ကို လူတွေတအံ့တသြ ခန့်မှန်းမိခဲ့ကြသလို သူတို့ရဲ့ စေ့စပ်သတင်းကိုလည်း မကြာခင်ကြားရတော့မယ်လို့ ထင်ကြေးတွေ ပေးလာကြပါတယ်။

အားလုံးမျှော်လင့်ထားတဲ့အတိုင်း ရည်စားသက်တမ်း ၇နှစ်လောက်အကြာ အောက်တိုဘာ ၂၀၁၀ မှာ ဝီလီယံက ကိတ်ကို လက်ထပ်ခွင့် တောင်းခဲ့ပါတော့တယ်။ အာဖရိကအရှေ့ပိုင်း ကင်ညာနိုင်ငံကို အတူထွက်ခဲ့တဲ့ခရီးမှာ မိခင်ဖြစ်သူ ဒိုင်ယာနာရဲ့ စေ့စပ်လက်စွပ်ကို သုံးပတ်လောက် သွားလေရာသယ်ဆောင်ခဲ့ပြီး အသင့်တော်ဆုံးအချိန်ရောက်မှ ဝီလီယံတောင်းခဲ့တဲ့ လက်ထပ်ခွင့်ကို ကိတ်တစ်ယောက် ယောင်လို့တောင်မှ ငြင်းဆန်ဖို့ တွေးမိပါ့မလားနော်း) ၂၀၁၀ နိုဝင်ဘာမှာတော့ သူတို့ရဲ့ စေ့စပ်ကြောင်းလမ်းခြင်းကို တရားဝင်ကြေငြာခဲ့ပါတယ်။

ကြေညာပြီးတဲ့အခါမှာတော့ အကောင်းအဆိုး ဒွန်တွဲနေတဲ့ လောကသဘာဝအတိုင်း ဝမ်းမြောက်ဝမ်းသာနဲ့ မင်္ဂလာပွဲကို စိတ်ဝင်တစား ကြိုဆိုကြတဲ့သူတွေ ရှိသလို၊ အရပ်သူဘဝကနေ ဗြိတိန်နိုင်ငံရဲ့ မိဖုရားအလောင်းအလျာဘဝကို ရောက်ရတော့မယ့် ကိတ်အပေါ်မှာ ဝေဖန်သံတွေလဲ (အထူးသဖြင့် အင်တာနက် စာမျက်နှာတွေပေါ်မှာ) မစဲအောင် ထွက်လာပါတော့တယ်။ YouTube မှာဆိုရင်လည်း ကိတ် ဓာတ်ပုံတွေနဲ့ သူ့အကြောင်း Video တွေကို အကောင်းတွေရော အဆိုးတွေပါ တွေ့နိုင်သလို ကိတ်ဟာ ဝီလီယံအတွက် သင့်တော်တဲ့ကြင်ယာတော် ဟုတ်မဟုတ် ငြင်းခုံမှုတွေလဲ သောသောညံနေတာပါပဲ။

အရပ်သူဘဝက လာသူတစ်ယောက်အနေနဲ့ ယောက္ခမ လေဒီဒိုင်ယာနာတစ်ယောက် တော်ဝင်မိသားစုထဲမှာ နေသားမကျခဲ့သလိုမျိုး အတွေ့အကြုံဆိုးတွေ ရင်ဆိုင်လာခဲ့ရရင် ကိတ် ဘယ်လိုကိုင်တွယ်ဖြေရှင်းမယ်ဆိုတာ စိတ်ဝင်စားစရာပါ။ သူ မကြာခဏနှိုင်းယှဉ်ခံရတဲ့ ယောက္ခမ လေဒီဒိုင်ယာနာထက် ပိုပြီး ကံကောင်းတဲ့အချက်တွေက လေဒီဒိုင်ယာနာဟာ မင်းသားကြီးချားလ်စ် (Charles) နဲ့ လက်ထပ်စဉ်တုန်းက ဘာမှမသိသေးတဲ့ နုနုနယ်နယ် ၁၉ နှစ်အရွယ်ပဲ ဖြစ်နေခဲ့ပြီး ကိတ်ကတော့ ရင့်ကျက်တည်ငြိမ်တဲ့ ၂၈ နှစ်အရွယ်မှာမှ လက်ထပ်မှာပါ။ ဝီလီယံနဲ့ ရည်းစားသက်တမ်း ကြာမြင့်ခဲ့သလို တော်ဝင်မိသားစုတွေနဲ့ အဆက်အဆံလည်း လုပ်ဖူးထားသူဆိုတော့ ကြုံတွေ့ရမှာတွေအတွက် ကြိုတင်ခန့်မှန်းပြင်ဆင်ပြီး ဖြစ်ဟန်တူပါတယ်။ နောက်တချက်က လေဒီဒိုင်ယာနာ နဲ့ ချားလ်စ်မင်းသားကြီး လက်ထပ်စဉ်ကတည်းက ချားလ်စ်ဟာ (လက်ရှိကြင်ယာတော်) ကမီးလား (Camilla) နဲ့ မရှင်းမလင်း ဖြစ်နေခဲ့ပြီး လေဒီဒိုင်ယာနာကို တော်ဝင်မိသားစုက သဘောကျတဲ့အတွက် အပြည့်အဝ မချစ်ဘဲ လက်ထပ်ခဲ့တယ်လို့ ဆိုကြပါတယ်။ ကိတ်ကိုတော့ ဝီလီယံဟာ တကယ်ကို မြတ်မြတ်နိုးနိုးရှိပုံရပြီး တော်ဝင်မိသားစုဝင်သစ်အဖြစ် တာဝန်တွေ ထမ်းဆောင်ရတော့မယ် ကိတ်ကို ကူညီဖေးမပေးမယ့်ဟန် အပြည့်ရှိတာကလည်း ကိတ်အတွက် ဝမ်းသာစရာပါ။ သာမန်အရပ်သူတစ်ယောက် ဖြစ်ခဲ့တဲ့ ကိတ်ဟာ သာမန်ပြည်သူတွေရဲ့ ဘဝတွေကို နားလည်ပေးနိုင်စွမ်းရှိတဲ့ မင်းသမီးတစ်ပါး ဖြစ်လာလိမ့်မယ်လို့ မျှော်လင့်ကြပါတယ်။

ကိတ် နဲ့ပတ်သက်ပြီး နောက်ထပ် ထင်ရှားတဲ့အချက်ကတော့ အဝတ်အစား ဝတ်တတ်ပုံပါ။ တောင်းမှာအကွပ် လူမှာအဝတ်ဆိုသလို ကိုယ်နေဟန်ထား ဝတ်ပုံစားပုံအင်မတန် အရေးကြီးတဲ့ သူတို့အသိုင်းအဝိုင်းမှာ ကိတ်ဟာ နေရာဒေသ အခမ်းအနားနဲ့ ကိုက်ညီအောင် အိနြေ္ဒရရ ကျက်သရေရှိရှိ ဝတ်တတ်စားတတ်သူလို့ အင်မတန် နာမည်ကြီးပါတယ်။ People မဂ္ဂဇင်းရဲ့ ၂၀၀၇ ခုနှစ်နဲ့ ၂၀၀၈ ခုနှစ် အဝတ်အစား အဝတ်တတ်ဆုံးသူတွေ စာရင်းမှာ ပါခဲ့သလို ၂၀၀၈ ခုနှစ် ဂျူလိုင်လထုတ် Vanity Faire မဂ္ဂဇင်းရဲ့ နိုင်ငံတကာ အဝတ်အစား အဝတ်တတ်ဆုံးသူတွေ စာရင်းမှာလည်း ပါခဲ့ပါတယ်။ Jigsaw အမျိုးသမီး အဝတ်အထည်လုပ်ငန်းမှာ Accessory အဝယ်တော်အဖြစ် လုပ်ကိုင်ခဲ့ပြီး အခုလောလောဆယ် ကျွမ်းကျင်ဓာတ်ပုံပညာရှင် ဖြစ်ဖို့ ကြိုးစားနေတဲ့ ကိတ် လုပ်ငန်းခွင်မှာဝတ်တဲ့ အဝတ်အစားတွေဟာလည်း မိန်းကလေးပေါင်းများစွာ အတုယူရတဲ့ အဝတ်အစားဒီဇိုင်းတွေ ဖြစ်လာပါတယ်။

ချစ်စရာရုပ်ရည်လေး အပြင် နေတတ်ထိုင်တတ် ဝတ်တတ်စားတတ် ရှိလွန်းလှတဲ့ ကိတ်မှာ သူနဲ့ အမြဲနှိုင်းယှဉ်ခံရတဲ့ ယောက္ခမဖြစ်သူ လေဒီဒိုင်ယာနာလို အများအကျိုးသယ်ပိုးချင်တဲ့ နှလုံးသားလှလှတစ်စုံ ရှိခဲ့ရင်တော့ တကယ့်ကို အလှဆုံးမင်းသမီးတစ်ယောက် ဖြစ်လာမှာပါ။

အပေါ်မှာ ပြောခဲ့သလို ဒီဆယ်စုနှစ်ရဲ့ အခမ်းနားဆုံးသော မင်္ဂလာပွဲလို့ လူတွေသတ်မှတ်ထားကြတဲ့ သူတို့မင်္ဂလာပွဲကို နိုင်ငံပေါင်းများစွာမှာ တိုက်ရိုက်ထုတ်လွှင့်မှာ ဖြစ်ပြီး စောင့်ကြည့်ဖို့ စိတ်အားထက်သန်နေကြတဲ့ လူပေါင်းကလည်း မနည်းပါဘူး။ မနက်ဖြန်ဟာ ဗြိတိန်နိုင်ငံမှာ တရားဝင်ရုံးပိတ်ရက် ဖြစ်သွားပေမယ့် တခြားသောနိုင်ငံတွေက စိတ်ဝင်စားသူတွေဆိုရင် ရုံးမသွားဘဲ အိမ်ကနေ အလုပ်လုပ်ပြီး ကြည့်ဖို့တောင် ပြင်ဆင်နေကြတယ်လို့ သိရပါတယ်။ တိုက်ရိုက်ထုတ်လွှင့်မှုကို လန်ဒန်အချိန် မနက် ၁၀ နာရီ (ရန်ကုန်အချိန် ညနေ ၃နာရီခွဲ၊ စင်္ကာပူအချိန် ညနေ ၅နာရီ) မှာ စတင်မှာ ဖြစ်ပြီး TV Channel တွေမှာသာမက ထူးထူးခြားခြား YouTube မှာလည်း တိုက်ရိုက်လွှင့်မယ်လို့ သိရပါတယ်။ စိတ်ဝင်စားသူတွေ အောက်က YouTube ရဲ့ The Royal Channel မှာ တိုက်ရိုက် သွားကြည့်နိုင်ပါတယ်တဲ့။

The Royal Channel – The Official Channel of the British Monarchy

လွန်ခဲ့တဲ့ ရက်အနည်းငယ်တုန်းက မင်္ဂလာပွဲမတိုင်ခင် နောက်ဆုံးအကြိမ်အဖြစ် လူထုမြင်ကွင်းကို ထွက်လာတဲ့အခါ သိသိသာသာ ကိုယ်အလေးချိန်ကျသွားတဲ့ ကိတ်ကို လူတွေတအံ့တသြ ဖြစ်ကြပါတယ်။ နှစ်ဖက်ဆွေမျိုးတွေသာ အာရုံစိုက်ခံရတဲ့ မင်္ဂလာပွဲတွေ စီစဉ်တဲ့နေရာမှာတောင် သတို့သမီးတွေဟာ အင်မတန်ပင်ပန်းကြရှာတော့ အခုလို တစ်ကမ္ဘာလုံးက အာရုံစိုက်ခံရတဲ့ မင်္ဂလာပွဲရဲ့သတို့သမီး ကိတ် ဒီလောက်ပိန်သွားတာ ဘာများအံ့သြစရာ ရှိသလဲနော်။ ဘယ်သူတွေဘာပဲပြောပြော မနက်ဖြန်မှာတော့ ကိတ်ဟာ ဒဏ္ဍာရီထဲကသတို့သမီးလေးအဖြစ် တစ်ကမ္ဘာလုံးရှေ့မှောက်မှာ မင်္ဂလာပွဲကို ဆင်နွှဲပါလိမ့်ဦးမယ်။ နတ်သမီးပုံပြင်တွေထဲမှာတော့ မင်းသားလေးနဲ့ မင်းသမီးလေး ထာဝရပျော်ရွှင်စွာ ပေါင်းကြလေသတည်းမှာ အဆုံးသတ်သွားပေမယ့် ကိတ်အတွက်တော့ ဒါဟာ အစပဲ ဖြစ်မှာပါ။ ကြီးမားလေးနက်တဲ့ တာဝန်တွေ ရှေ့လျှောက်ထမ်းဆောင်ရဦးမယ့် မင်းသမီးလေး လေဒီကိတ်အတွက် အောင်မြင်ငြိမ်းချမ်းသော ဘဝတစ်ခုရပါစေလို့ ဆုတောင်းပေးလိုက်ပါတယ်။ Good Luck, Kate!

References:
http://en.wikipedia.org/wiki/Kate_Middleton
http://en.wikipedia.org/wiki/Prince_William_of_Wales
http://globalnation.inquirer.net/news/breakingnews/view/20101117-303728/Timeline-of-Prince-Williams-romance-with-Kate-Middleton
http://www.thesun.co.uk/sol/homepage/news/royalwedding/3522024/Royal-bride-Kate-Middleton-wows-crowd.html
http://www.nytimes.com/2010/11/21/weekinreview/21lyall.html
http://www.entertainment.becomegorgeous.com/celebrity_gossip/royal_wedding_live_on_youtube-4352.html
http://www.gmanews.tv/story/218834/world/william-and-kate-represent-very-much-the-21st-century-leslie-stokes-obe
http://www.youtube.com/theroyalchannel
http://www.hindustantimes.com