မြဘုရားဖူးခဲ့စဉ်

ဒီလဆန်းပိုင်းတုန်းက အမေ့ကျန်းမာရေး စစ်ဆေးဖို့အတွက် ထိုင်းနိုင်ငံကို ခဏရောက်ဖြစ်ခဲ့ချိန်မှာ ဘန်ကောက်မြို့ရဲ့ ကျက်သရေဆောင် မြဘုရားကို ဖူးခွင့်ရခဲ့ပါတယ်။ ဖူးခွင့်မကြုံသေးတဲ့ မောင်နှမတွေကို ပြန်ဝေမျှချင်လို့ ဒီပို့စ်လေး ရေးလိုက်တာပါး)

မြဘုရားနဲ့ ပတ်သက်ပြီး စိတ်ဝင်စားစရာ အကောင်းဆုံးအချက်က Emerald Buddha (မြဘုရား) လို့ လူတွေ ခေါ်ဝေါသမုတ်ကြတဲ့ ဆင်းတုတော်ဟာ မြသားနဲ့ ထုဆစ်ထားတာမဟုတ်ဘဲ ကြီးမားတဲ့ ကျောက်စိမ်းတုန်းကနေ ထုဆစ်ထားတဲ့ ကျောက်စိမ်းဆင်းတုတော် ဖြစ်တယ်ဆိုတာပါ။ မြဘုရားဆိုတဲ့ အခေါ်အဝေါ်ကတော့ ထိုင်းဘာသာစကားနဲ့ အစိမ်းရောင်ကို တင်စားပြောဆိုရာက အမည်တွင်သွားတယ်လို့ သိရပါတယ်။ ဆင်းတုတော်ကို ဘယ်အချိန်ကစပြီး ထုဆစ်ခဲ့တယ်ဆိုတာ သေချာမှတ်တမ်းမရှိပေမယ့် ဆင်းတုတော်ရဲ့ ပုံသဏ္ဍာန်နဲ့ အနေအထားကို ကြည့်ပြီး ၁၅ ရာစုထက် အများကြီးပိုမစောတဲ့ကာလတုန်းက ထိုင်းနိုင်ငံမြောက်ပိုင်းဒေသမှာ ထုဆစ်ခဲ့ပုံရတယ်လို့ ခန့်မှန်းကြပါတယ်။ ဒါပေမယ့်လည်း ဆင်းတုတော်ရဲ့ တရားရှုမှတ်ပွားများနေတဲ့ ပုံသဏ္ဍာန်ဟာ အိန္ဒိယနိုင်ငံတောင်ပိုင်းနဲ့ သီရိလင်္ကာနိုင်ငံ တို့ဆီက ဗုဒ္ဓဆင်းတုတော်တွေနဲ့ ဆင်တူပြီး တရားရှုမှတ်ပွားများနေပုံကလည်း ထိုင်းနိုင်ငံရဲ့ ဗုဒ္ဓဆင်းတုတော်တွေမှာ တွေ့ရလေ့မရှိတာကြောင့် အဲဒီနိုင်ငံ ၂ နိုင်ငံကလည်း ဖြစ်နိုင်တယ်လို့ ယူဆကြပြန်ပါတယ်။

(ထပ်မံဖြည့်စွက်ချက် - Wikipedia မှာဖေါ်ပြထားချက်အရ အိန္ဒိယနိုင်ငံမှာ ဘီစီ ၄၃ က ထုလုပ်ပူဇော်ခဲ့ပြီး နှစ်ပေါင်း၃၀၀ အကြာမှာ ပြည်တွင်းစစ်ကြောင့် သီရိလင်္ကာနိုင်ငံကို ရွှေ့ပြောင်းပင့်ဆောင်ခဲ့တယ်လို့ ဆိုပါတယ်။ အဲဒီနောက် အနော်ရထာမင်းက မြန်မာနိုင်ငံအတွင်းမှာ ဗုဒ္ဓသာသာပျံ့ပွားရေးအတွက် ဆင်းတုတော်ကို ပင့်ဆောင်ခွင့်ပြုဖို့ တောင်းဆိုတာကြောင့် ခွင့်ပြုခဲ့ပေမယ့် ပင့်ဆောင်လာတဲ့သင်္ဘော လမ်းမှာ လေမုန်တိုင်းမိတဲ့အတွက် ကမ္ဘောဒီးယားနိုင်ငံကို သွားဆိုက်ကပ်တယ်လို့ ဆိုပါတယ်။ (ကျွန်မတို့ မြန်မာတွေ ပင့်ဆောင်ကိုးကွယ်ဖို့ ကံမပါဘူးပဲ ပြောရမှာပါပဲ) အဲဒီကစလို့ ကမ္ဘောဒီးယားမှာ စံပယ်နေခဲ့ပြီး ၁၄၃၂ ခုနှစ် ထိုင်းလူမျိုးတို့ အန်ကောဝပ်ကျောင်းတော်ကို သိမ်းယူတဲ့အခါမှာ ဆင်းတုတော်ကို ပင့်ဆောင်လာခဲ့ပါတယ်။ ထိုင်းနိုင်ငံအတွင်းမှာပဲ အယုဒ္ဓယ၊ ကမ်ဖမ်းဖတ် (Kamphaeng Phet - အသံထွက်မှားရင် သည်းခံပါရှင်) အဲဒီနောက် လာအို နိုင်ငံတို့မှာ စံပယ်တော်မူခဲ့ပြီး နောက်ဆုံးမှာ ချင်းရိုင် (Chiang Rai) ကိုရောက်ခဲ့တယ်လို့ ဖော်ပြထားပါတယ်)

ဆင်းတုတော်ကို ထိုင်းလူမျိုးတို့ ပြန်လည်တွေ့ရှိခဲ့တဲ့ သမိုင်းမှတ်တမ်း အကျဉ်းကတော့ အေဒီ ၁၄၃၄ မှာ ထိုင်းနိုင်ငံ မြောက်ပိုင်း ချင်းရိုင် (Chiang Rai) ဒေသက စေတီတော်တစ်ဆူ မိုးကြိုးထိမှန်ပြီး ပြိုကျတဲ့အခါ အင်္ဂတေနုနဲ့ ပြုလုပ်ထားတဲ့ ဆင်းတုတော်တစ်ဆူကို စေတီထဲက တွေ့ခဲ့ပါတယ်။ စေတီတည်ရှိရာ ကျောင်းရဲ့ ကျောင်းထိုင်ဆရာတော်ဟာ ဆင်းတုနှာခေါင်းတော်ပေါ်မှာ အင်္ဂတေကွာနေပြီး အထဲမှာ အစိမ်းရောင်ဖြစ်နေတာကို သတိထားမိတာနဲ့ ခွာချလိုက်တဲ့အခါ (ကျောက်စိမ်းနဲ့ ထုလုပ်ထားတဲ့) မြဘုရားဆင်းတုတော်ကို စတင်ဖူးတွေ့ခဲ့ရတယ်လို့ ဆိုပါတယ်။

ဆင်းတုတော်စံပယ်ရာ Wat Phra Kaew (ကျောင်းတော်) ပရဝုဏ်ထဲမှာ ရိုက်ခဲ့တဲ့ ဓာတ်ပုံလေးတွေကို အောက်မှာကြည့်နိုင်ပါတယ်။ ရိုးရိုး Snapshot Camera လေးပဲ ယူသွားတာမို့လို့ အုန်းသီးနဲ့ရိုက်တဲ့ Quality လို မကောင်းတာကိုတော့ ခွင့်လွှတ်ပေးကြပါနော်း)

မြဘုရားသို့ အဝင်

အဝင်လက်မှတ်

မြင့်မြတ်တဲ့နေရာကို လေးစားတဲ့အနေနဲ့ မဝတ်ဆင်သင့်တဲ့ အဝတ်အစားတွေပုံကို ဆိုင်းဘုတ်လေးနဲ့ ပြထားတာ တွေ့ရပေမယ့် ဟိုးအရင်ကလောက် မတင်းကျပ်တော့တာ သတိထားမိပါတယ်။ ဖိနပ်ဆိုလည်း အရင်က နောက်ပိတ်မပါရင် လဲခိုင်းပေမယ့် ဒီတစ်ခါတော့ ညှပ်ဖိနပ်တွေနဲ့ သွားလာနေတဲ့ လူတွေကိုလည်း တွေ့ခဲ့ရပါတယ်။ နိုင်ငံခြားသား (အထူးသဖြင့် အနောက်နိုင်ငံက) ဧည့်သည်တွေ ပိုပိုများလာတော့ စည်းကမ်းလုပ်ရတာ ပိုခက်ခဲလာလို့ ထင်ပါတယ်။

ဆင်းတုတော် (အထဲမှာ ဓာတ်ပုံပေးမရိုက်ပါဘူး။ ဒီဓာတ်ပုံလေးက လိုက်ပို့ပေးတဲ့အစ်မ အပြင်ကနေ လှမ်းရိုက်ပေးထားလို့ ရခဲ့တာပါ)

ဆင်းတုတော်ကို နွေ၊ မိုး၊ ဆောင်း သုံးရာသီအတွက် ရွှေအစစ်နဲ့ပြုလုပ်ထားတဲ့ သင်္ကန်းသုံးစုံကို အလှည့်ကျလဲလှယ် ပူဇော်လေ့ရှိတယ်လို့ သိရပါတယ်။ ထိုင်းဘုရင်မင်းမြတ် ကိုယ်တော်တိုင်လည်း လဲလှယ်ပူဇော်လေ့ရှိပါတယ်တဲ့ (ကျန်းမာစဉ်တုန်းက ဖြစ်မယ်ထင်ပါတယ်)။ အပေါ်ပုံထဲမှာ ကျွန်မဖူးခဲ့ရတာက နွေရာသီ သင်္ကန်းပါ။

ဆင်းတုတော်ရဲ့ မျက်နှာသစ်တော်ရေ (ကံကောင်းအောင်ဆိုပြီး ခေါင်းပေါ်မှာ ပက်ဖြန်းကြပါတယ်)

စေတီတော်များ

ရွှေတွေဝင်းနေပေမယ့် ကျွန်မတို့မြန်မာပြည်မှာလို ရွှေအစစ်နဲ့ ပူဇော်လေ့မရှိတာကို တွေ့ရပါတယ်။

ဘုရားပရဝုဏ်တစ်နေရာ

အန်ကောဝပ်ဘုရားကျောင်းပုံစံငယ်

နံရံဆေးရေးပန်းချီတွေဆီသွားတဲ့ ဝင်ပေါက်

အလုအယက် ဓာတ်ပုံရိုက်နေကြတဲ့ နိုင်ငံခြားသား ဧည့်သည်တွေ

ပရဝုဏ်ထဲက နောက်တစ်နေရာ

တဝန်းထဲမှာရှိတဲ့ တော်ဝင်နန်းတော်ဟောင်း

နန်းတော်ဟောင်းထဲကို ဝင်ကြည့်လို့ရပေမယ့် အမေမောမှာစိုးတာရော၊ ခြေထောက်ခွဲစိတ်ထားတဲ့ အဖေပင်ပန်းမှာ စိုးတာကြောင့်ပါ အပြင်ကပဲ လှမ်းကြည့်ဖြစ်ခဲ့ပါတယ်။

ထွက်ပေါက်နားက အစောင့်စစ်သား

ထွက်ပေါက် (အပြင်ကနေ အထဲဘက်ကို ပြန်လှည့်ရိုက်ထားတာပါ)

အဝင်ဝမှာ Guide မငှားဖြစ်ခဲ့လို့ အချက်အလက် အရမ်းပြည့်ပြည့်စုံစုံ မသိခဲ့ရသလို သိပ်လည်း မနှံ့ခဲ့ပေမယ့် ကျွန်မရောက်ခဲ့သမျှလေးကိုပဲ ပြန်ဝေမျှလိုက်ပါတယ်။ ဘုရားဖူးခဲ့တဲ့ ကုသိုလ်ကိုလည်း သာဓုခေါ်လိုသူအားလုံးကို အမျှပေးဝေပါတယ်နော်။ အားလုံး စိတ်ငြိမ်းချမ်းကြပါစေရှင်...း)

References:
http://en.wikipedia.org/wiki/Emerald_Buddha
http://www.bangkokmag.infothai.com/emeraldhistory.htm
http://www.hotelthailand.com/thailand-activities/bangkok-activity/grand-palace-emerald-buddha-and-wat-arun-tour-bangkok-thailand.html