Nuclear HOAX SMS

မနေ့ကစပြီး SMS တစ်စောင် ကျွန်မသူငယ်ချင်းတွေဆီက အကြိမ်ကြိမ် ရနေခဲ့ပါတယ်။ ဂျပန်နိုင်ငံ ဖူကူရှီးမားက နျူးကလီးယားစွမ်းအင် စက်ရုံပေါက်ကွဲပြီး အဲဒီကနေ ထွက်လာတဲ့ ရေဒီယိုသတ္တိရောင်ခြည် (Radiation) တွေ စင်္ကာပူမှာ ရွာတဲ့မိုးထဲလာပြီး ပါဝင်နိုင်တယ်လို့ ဆိုထားပါတယ်။ Video တွေ သတင်းတွေထဲမှာ မြင်နေရတာကလည်း အပြင်းအထန် ဖြစ်နေတာဆိုတော့ ရုတ်တရက် စဉ်းစားလိုက်ရင် သံသယဝင်ပြီး တွေးကြောက်စရာပါ။

အဲဒီအတွက် The Straits Times သတင်းစာက ဒီ SMS ဟာ လုပ်ကြံဖန်တီးပြောဆိုတဲ့ Hoax သာဖြစ်ကြောင်း ရှင်းလင်းဖော်ပြခဲ့ပါတယ်။ ဂျပန်နိုင်ငံက အဏုမြူဓာတ်ပေါင်းဖိုတွေဟာ စင်္ကာပူနိုင်ငံနဲ့ 5000lm အကွာအဝေးမှာ ရှိနေတာဖြစ်တဲ့အပြင် တကယ်တမ်း အဏုမြူရောင်ခြည်တွေပါဝင်တဲ့ မိုးရွာချဖို့က ဂျပန်နိုင်ငံမှာ ရှိနေတဲ့ ဓာတ်ပေါင်းဖိုတွေအားလုံး ပျော်ကျမှပဲ ဖြစ်နိုင်မယ်လို့ ဆိုပါတယ်။

ပျံ့နှံ့နေတဲ့ SMS Message ကတော့ -

"A nuclear power plant in Fukushima/Fukumi, Japan exploded at 4:30 AM today. If it rains tomorrow or later, don't go outside. If you are outside, be sure that you have rain protectors. It's acid rain. Don't let it touch you. You may burn your skin, lose your hair or have cancer. Please pass, stay safe and remind everyone you know."

(ဂျပန်နိုင်ငံ ဖူကူရှီးမားမြို့က နျူးကလီးယားစွမ်းအင်စက်ရုံဟာ ဒီနေ့မနက် ၄း၃၀မှာ ပေါက်ကွဲခဲ့ပါတယ်။ တကယ်လို့ မနက်ဖြန် (သို့မဟုတ်) နောက်ရက်တွေမှာ မိုးရွာခဲ့ရင် အပြင်ကို မထွက်ပါနဲ့။ အပြင်ထွက်ခဲ့ရင် မိုးကို အကာအကွယ်ပေးမယ့် အရာတွေ ပါသွားပါစေ။ ဒါဟာ အက်ဆစ်မိုးပါ။ ကိုယ့်ကို မထိပါစေနဲ့။ အသားလောင်တာတို့၊ ဆံပင်ကျွတ်တာတို့၊ ကင်ဆာရောဂါတို့ ဖြစ်နိုင်ပါတယ်။ (ဒီစာကို) ဆက်ဖြန့်ဝေပေးပါ၊ ဘေးကင်းအောင်နေပါ၊ ကိုယ်သိတဲ့သူ အားလုံးကို သတိပေးလိုက်ပါ။)

ဒီ လုပ်ကြံသတင်းနဲ့ Hoax SMS ဟာ ဖိလစ်ပိုင်နိုင်ငံက စတင်ခဲ့တာဖြစ်ပြီး စင်္ကာပူကို တဆင့်တဆင့် ဝေမျှရာက ရောက်လာခဲ့တာလို့ The Straits Times ကဆိုပါတယ်။ ဖတ်မိတဲ့သူ တော်တော်များများကလည်း ဇဝေဇဝါနဲ့ “သတိထားတာ မမှားပါဘူးလေ” ဆိုပြီး ခင်သူမင်သူတွေဆီ စေတနာနဲ့ တဆင့်ထပ်ပို့ရင်းကနေ ပျံ့သွားတာ ဖြစ်ပါလိမ့်မယ်။

ဒုက္ခများနေရှာတဲ့ ဂျပန်နိုင်ငံကသူတွေအတွက် စိတ်မကောင်းဖြစ်နေကြတုန်းမှာ လူတွေ အထိတ်ထိတ်အလန့်လန့် ဖြစ်ရအောင် ဒီလို သတင်းအမှားတွေ စဖြန့်ဝေခဲ့တဲ့သူကိုလည်း သြချမိပါတယ်။ သူကိုယ်တိုင် သေချာမသိဘဲ မှန်းခြေနဲ့ ပို့ချလိုက်တာလည်း ဖြစ်နိုင်တာပါပဲ။

ကျွန်မလည်း မြင်ခါစက “ဟုတ်များ ဟုတ်မလား” လို့ သံသယဝင်ခဲ့တဲ့သူတွေထဲမှာ ပါခဲ့တာမို့ ကျွန်မလိုပဲ တွေးနေမိကြတဲ့သူတွေ The Straits Times ကို မဖတ်ဖြစ်ကြသေးရင် ရှင်းရှင်းလင်းလင်း သိရအောင် ပြန်ဝေမျှတာ ပါရှင်။

ကျွန်မတော့ မပူရမှာကို ပူမနေတော့ဘဲ တကယ်အခက်အခဲကြုံနေတဲ့ ဂျပန်နိုင်ငံကလူတွေ အားလုံးကိုသာ ဘေးကင်းပြီး ဘဝတွေ အမြန်ဆုံး ပုံမှန်ပြန်လည်ပတ်နိုင်ကြပါစေလို့ပဲ မေတ္တာပို့ ဆုတောင်းပေးနေမိပါတယ်။

Reference: http://www.straitstimes.com/BreakingNews/Singapore/Story/STIStory_645335.html