ဘာအတွက်များလဲ

အားလုံး သိပြီးသားဖြစ်တဲ့အတိုင်း မနေ့က ဂျပန်ပြည်မြောက်ပိုင်း တိုကျိုမှာ ၈.၉ မဂ်ဂနီကျုအထိ ပြင်းထန်တဲ့ ငလျင်လှုပ်ပြီး ၃၃ ပေလောက်အထိ အမြင့်ရှိတဲ့ ဆူနာမီလှိုင်းလုံးတွေဒဏ်ကို အပြင်းအထန် ခံလိုက်ရပါတယ်။ ဒီသဘာဝ ဘေးအန္တရာယ်ဆိုးကြီးကြောင့် သေဆုံးသူပေါင်း ထောင်နဲ့ချီနိုင်တယ်လို့ ခန့်မှန်းကြသလို နောက်ဆက်တွဲ အနေနဲ့ ငလျင်လှုပ်ခဲ့တဲ့ နယ်မြေထဲက Nuclear Plant ၂ခုကနေ ရေဒီယိုသတ္တိရောင်ခြည် ယိုစိမ့်မှု အတွက်လည်း စိုးရိမ်ပူပန်နေရတယ်လို့ သိရပါတယ်။ ကျွန်မတို့ရဲ့ နေ့စဉ် ပတ်ဝန်းကျင်မြင်ကွင်းမှာ ကြီးမားခိုင်ခံ့တယ်လို့ ထင်မြင်ရလေ့ရှိတဲ့ အိမ်တွေကို အလွယ်တကူ ရေဖုံးသွားပုံတွေ၊ ကားတွေ သင်္ဘောတွေ ကလေးကစားစရာလေးတွေလို ရေထဲမှာ အစုလိုက်အပြုံလိုက် မျောပါသွားပုံတွေကို မြင်ရတာဟာ တကယ်ကို အမြဲမရှိခြင်းဆိုတဲ့ အနတ္တ သံဝေဂတရား ရစရာပါ။

ကျွန်မသတင်းစကြားတာ အခန်းဖော်လေးဆီကပါ။ သူက တိုကျိုမှာရှိတဲ့ သူငယ်ချင်းတွေအတွက် စိတ်ပူနေပြီး အဆက်အသွယ် လုပ်ဖို့ကြိုးစားနေပါတယ်။ ငလျင်လှုပ်အပြီးမှာ ဖုန်းလိုင်းတွေ မရတော့ပေမယ့် တချို့တွေက Online ဝင်လို့ရနေဆဲ ဖြစ်တာကြောင့် သူနဲ့ Gtalk မှာ ပြောနေနိုင်ဆဲပါပဲ။ ရုံးချိန်ဖြစ်လို့ ရုံးမှာပဲရှိနေကြပြီး အိမ်လည်းပြန်လို့မရဘဲ ငလျင်နှိုးဆော်ချက် (Alert) လာတိုင်း နေရာကနေ ထပြေးနေရတယ်လို့ သိရပါတယ်။ စုရပ်လိုမျိုးမှာ သွားနေရတယ်လို့ ထင်ပါတယ်။ ကျွန်မအတွက်တော့ ဘေးကင်းတယ်လို့ သိရတဲ့ သူငယ်ချင်း မိသားစုတစ်စုကလွဲလို့ ဂျပန်မှာ အသိအကျွမ်းသိပ်မရှိတော့ စိတ်သိပ်မပူရပေမယ့် ဂျပန်မှာ အကြောင်းအမျိုးမျိုးနဲ့ ရောက်နေကြတဲ့ တခြားသောသူတွေအတွက် သူတို့မိသားစုတွေ ဘယ်လောက်များ ပူပန်နေမလဲလို့ ကိုယ်ချင်းစာမိပါတယ်။ (ဘလော့ကနေခင်ရတဲ့ အစ်မမြတ်နိုးနဲ့ အစ်မကောင်းမွန်ဝင်း တို့ကိုလည်း သတိရမိပါတယ်။ သူတို့ဘယ်မြို့မှာ နေလဲသေချာမသိပေမယ့် ဘေးကင်းကြမယ်လို့လည်း မျှော်လင့်ပါတယ်။)

အဲဒီအချိန် ဂျပန် ငလျင်နဲ့ဆူနာမီသတင်းကို အဆက်မပြတ်ဖတ်ပြီး သတင်းပေးရင်းကနေ ကျွန်မအခန်းဖော်လေး ပြောလိုက်တဲ့ စကားတစ်ခွန်းက ကျွန်မကို တွေးစရာတွေ အများကြီးရစေပါတယ်။ သူက “ဒီလိုတွေ ကြားရတိုင်း လူတွေအားလုံးနဲ့ ချစ်ချစ်ခင်ခင်ပဲ နေချင်တော့တယ်” တဲ့။ နောက် သူဆက်ပြောတာက “ငလျင်မလှုပ်ခင်အထိ သူတို့တွေ ပုံမှန်လုပ်နေကျ ရုံးအလုပ် အိမ်အလုပ်တွေပဲ လုပ်နေကြမှာပဲနော်”တဲ့။ သိပ်ဟုတ်တာပါပဲ။ ဒီလိုဖြစ်မယ်လို့ မသိခင်မှာ လူ့သဘာဝအတိုင်း တခြားသော အရေးမကြီးလှတဲ့ ကိစ္စလေးတွေကိုပဲ ကိုယ့်အတွက်ကြီးကျယ်တယ် အရေးကြီးတယ်လို့ တွေးနေခဲ့ကြမှာ၊ လုပ်နေခဲ့ကြမှာပါပဲ။ ဥပမာ - ကိုယ်လုပ်နေတဲ့ Report တစ်စောင်ပြီးဖို့ဟာသာ အဲဒီအချိန်မှာ အရေးအကြီးဆုံးလို့ တွေးနေမိတာမျိုးပေါ့။ ကိုယ့်အသက်ရှင်ရေး နဲ့ ဒီဘဝမှာ ခဏပိုင်ဆိုင်သမျှ အရာလေးတွေ တည်မြဲရေးအတွက်တောင်ဘာမှ မသေချာတဲ့ ဒီလောကကြီးမှာ ကျွန်မတို့တွေ ဘာကြောင့်များ မလိုအပ်တာတော်တော်များများကို လိုတာထက်ပို တန်ဖိုးထားပြီး၊ ရန်တွေလည်း ဘာကြောင့်များ လိုတာထက်ပို ဖြစ်နေမိကြပါလိမ့်နော်။

အခု ကပ်ဘေးမှာ သေဆုံးသွားသူတွေဆိုရင် လူတွေ ကြိုစိုးရိမ်ပြီး သတင်းကြီးနေတဲ့ ကမ္ဘာပျက်မယ်ဆိုတဲ့ ၂၀၁၂ အထိတောင် မရှိလိုက်ကြရှာပါဘူး။ ၂၀၁၂ ဟာ တကယ်ကမ္ဘာပျက်မယ့် အချိန်ဟုတ်တယ်ပဲ ထားဦးတော့ ကျွန်မတို့အားလုံးရဲ့ အသက်တွေ၊ ပိုင်ဆိုင်မှုတွေဟာ ၂၀၁၂ မပြောနဲ့ မနက်ဖြန်အထိတောင် ဘယ်သူကများ အားမခံပေးထားနိုင်လို့လည်းနော်။ ဒီလို ရှိခြင်းနဲ့ မရှိခြင်းကြားမှာ အလွှာပါးပါးလေးပဲ ခြားနေတာကိုတောင် ကျွန်မတို့ လူတွေဟာ ရှိနေတဲ့ ဘဝအချိန်တိုလေးအတွင်းမှာ တစ်ယောက်နဲ့တစ်ယောက် ရန်စောင်ကြ၊ မုန်းတီးကြ၊ မနာလိုကြ၊ ဖျက်ဆီးကြနဲ့ အချိန်တွေကို ဖြတ်သန်းနေလိုက်ကြပုံက တကယ်တွေးကြည့်ရင် အံ့သြစရာတောင် ကောင်းပါတယ်။ ကျွန်မတို့ ဗုဒ္ဓဘာသာ တရားတော်အရဆိုရင် အဝိဇ္ဇာနဲ့ တဏှာတွေကြောင့်လို့ ပြောရမယ် ထင်ပါတယ်။

မြစိမ်းတောင် ဆရာတော်ဘုရားကြီး တစ်ခါက ဟောကြားဖူးတာကို ကျွန်မမှတ်မိသလို ပြန်ရေးပြရရင်… လူတွေဟာ စားသောက်ဆိုင်တွေမှာ လှောင်ထားတဲ့ ကြက်တွေ ဘဲတွေနဲ့ တူပါတယ်တဲ့။ ကိုယ့်ရှေ့မှာတင် တစ်ကောင်ပြီးတစ်ကောင် ထုတ်ယူသွားပြီး အသတ်ခံရ (သေကြေနေကြရ) တာကိုမြင်နေရက်နဲ့တောင် လှောင်အိမ်ထဲမှာ ပျော်လိုက်ကြ ပါးလိုက်ကြ၊ တစ်ကောင်နဲ့တစ်ကောင် ခွပ်လိုက်ကြနဲ့ မေ့မေ့လျော့လျော့ နေနေကြလို့ပါတဲ့။ ဒါကြောင့် အဟိတ်တိရိစ္ဆာန်ထက် အသိဥာဏ်အများကြီး မြင့်တဲ့ ကျွန်မတို့တွေဟာ ဘဝတိုတိုလေးထဲမှာ ညီညွတ်ချစ်ခင်သင့်တယ် ထင်တာပါပဲ။ ဘာအတွက်များ တစ်ယောက်အကျိုးမဲ့ကြောင်းကို တစ်ယောက်က လုပ်နေကြသလဲလို့ သေချာပြန် စဉ်းစားကြည့်ကြဖို့ ကောင်းပါတယ်။

ခုရေးသွားသမျှဟာ ကျွန်မသိလို့တတ်လို့ ဆရာလုပ်တဲ့အနေနဲ့ ရေးတာ မဟုတ်ပါဘူးရှင်။ ကျွန်မစိတ်ထဲမှာ ခံစားရသမျှ စဉ်းစားမိသမျှကို မိတ်ဆွေသူငယ်ချင်းတွေကို ပြန်ဝေမျှပြောပြတဲ့ သဘောသက်သက်ပါ။ ဘာပဲပြောပြော မနေ့ကနေ ခုချိန်ထိ… ကျွန်မ အခန်းဖော်ပြောတဲ့ “အားလုံးနဲ့ ချစ်ချစ်ခင်ခင် နေချင်တယ်” ဆိုတဲ့ စကားလုံးဟာ ကျွန်မစိတ်ထဲမှာ စွဲနေတော့တာပါပဲ…

မှတ်ချက်။ ။ ဒီပို့စ်အတွက် ကျွန်မရဲ့ အခန်းဖော်လေးကို ကျေးဇူးအထူးတင်ပါတယ်။