Saturday, January 30, 2010

ကြယ်စတွေနဲ့ည

“ဟားဟား မဟုတ်သေးပါဘူး စိုးစိုးရယ်… ဒါမျိုးတွေက ရုပ်ရှင်တွေ ထဲမှာပဲ ဖြစ်နေကျပါ… အပြင်မှာကတော့…”

ရယ်ပြောပြောလိုက်ရပေမယ့် ရင်ထဲမှာ ခါတိုင်းလိုပဲ နာကျင်မှုတချို့ တိတ်တိတ်လေး ဖြတ်ပြေးသွားသည်။ စိုးစိုးက လိုက်ရယ်ရင်း…

“အေးလေ… မဟုတ်ဘူးလား။ မင်းသားက တခြားကောင်မလေးကို သဘောကျ။ မင်းသမီးက မင်းသားကို သဘောကျ။ နောက်ဆုံးကျတော့ မင်းသားက မင်းသမီးနားပဲ ပြန်ရောက်လာ… ပြီးတော့ မင်းသာ ကိုယ့်ကို နားအလည်ဆုံးပါဆိုပြီး ဇာတ်သိမ်းရောလေ… အဲလိုမျိုးပေါ့…”

“အဲဒါ မင်းသမီးလေ စိုးစိုးရယ်… ကိုယ်က မင်းသမီးမှ မဟုတ်ဘဲ…” အသံတို့တိမ်ဝင်သွားတုန်း စိုးစိုးခပ်တိုးတိုးပြောသည်

“ရှူး… ဟိုမှာ လာနေပြီ။ ကဲ မင်းသမီးရေ နေခဲ့တော့… ငါစာအုပ်ဆိုင် ပြေးတော့မယ်…”

“ဟဲ့… စိုးစိုး… နေဦးလေ… ငါ့ကို တစ်ယောက်ထဲ မထားခဲ့နဲ့။”

“အမယ်လေး ခုမှ ဘာဖြစ်နေတာတုန်း… ခါတိုင်းလည်း ဒီလိုပဲ… နေခဲ့။ နောက်ကျနေရင် အမေ ငါ့ကိုဆူလိမ့်မယ်”

ခပ်သွက်သွက်ထွက်သွားတဲ့ စိုးစိုးကို မကျေနပ်သလို ရှိလိုက်ပေမယ့် သူမအာရုံက စိုးစိုးဆီမှာ သိပ်မရှိတော့။ သူမတို့ရှိရာကနေ ညာဘက်လမ်းသွယ်ဆီ လှမ်းကြည့်လိုက်တော့ သူ့ကို မီးတိုင်တွေအောက်မှာ မှုန်ပြပြမြင်ရသည်။ ခါတိုင်းလိုပဲ ဂစ်တာလေး ထမ်းလို့။ လှိုင့်ကို သီချင်းဆိုပြရတာ မောခဲ့ရောပေါ့။ ခပ်လှမ်းလှမ်းဝါးရုံတော တွေဆီက တသိမ့်သိမ့်တိုက်လာတဲ့လေမှာ သူ့ကြက်သွေးရောင် ပုဆိုးပျော့ပျော့လေးက အသာအယာယိမ်းလို့။ ခြေလှမ်းလှမ်းပုံကလည်း တိကျခိုင်မာပေမယ့် နူးညံ့မှုတို့ကလည်း ရှိနေပြန်သည်။ သူ့ကိုကြည့်ရတာ ဘယ်အချိန်ဖြစ်ဖြစ် ကဗျာဆန်လှသည်။

စောစောက စိုးစိုးလန့်ပြီး အသံနှိမ့်ပြောပေမယ့် တကယ်တမ်း သူက သူမရှိရာဆီက နည်းနည်းလှမ်းသေးသည်။ သူ့မျက်နှာကို သေသေချာချာ သဲသဲကွဲကွဲမမြင်ရတာကြောင့် မခန့်မှန်းတတ်။ အဲဒီမျက်နှာလေးက တချို့ရက်တွေမှာ နာကျင်နေတတ်သည်။ လှိုင်က ပြတင်းတံခါးကို အစောကြီးပိတ်သွားလို့တဲ့။ တချို့ရက်တွေမှာ ကလေးတစ်ယောက်လို စိတ်ဆိုးနေတတ်သည်။ လှိုင်အိမ်ထဲက ထွက်လာတဲ့ စိုးနိုင်ကို တွေ့ခဲ့လို့တဲ့။ ရှားရှားပါးပါး တချို့ရက်တွေမှာတော့ ကျေနပ်မှုနဲ့ တောက်ပနေတတ်သည်။ လှိုင်က သီချင်းပြီးမှ မီးပိတ်လို့တဲ့။ သူ့မျက်နှာမှာ ဒီလိုပျော်မြူးတောက်ပမှုတွေကိုသာ သူမ အမြဲမြင်ချင်တာကိုတော့ စိုးစိုးတို့ ယုံကြလိမ့်မယ် မထင်ပါ။ တကယ်တော့ သူမသည် သူ့နှုတ်ခမ်းတို့နဲ့ ထပ်တူ ပြုံးရယ်ချင်သူသာ ဖြစ်သည်။

တစတစ သူနီးလာသည်။ ခါတိုင်းနဲ့မတူဘဲ ခေါင်းကို ငိုက်စိုက်ချလာတာကို အဲတော့မှ သတိထားမိသည်။ အနားရောက်မှ ဆတ်ခနဲမော့လိုက်ပြီး သူမကို မေးဆတ်ပြရင်း နှုတ်ဆက်သည်။ မျက်နှာပြင်မှာ အပြုံးကို ရှာမရ။ စိတ်ပျက်မှုကိုလည်း မတွေ့ရ။ ထူးထူးခြားခြား သူတည်ငြိမ်နေသည်။ ဒီနေ့ လှိုင့်အိမ်များ မသွားဖြစ်ဘူးလား။

သူ သူမဘေးမှာ ဖြေးညင်းစွာ ထိုင်ချသည်။ သူမ သတိလက်လွတ်သူ့ကို စိုက်ကြည့်ရင်း အကဲခတ်နေမိသည်။

သူက လေပူတစ်ချက်ကို မှုတ်ထုတ်ရင်း…

“တွေးနေတာ…” တိုးတိုးလေးပြောသည်။ “ဒီအတိုင်း ဘယ်လောက်အထိ ဆက်သွားရမှာလဲလို့…”

သူမ နှုတ်ခမ်းတို့ ခြောက်ကပ်စွာ စကားထောက်ပေးမိသည်…

“အင်း… အဲတော့…?”

“လှိုင် ကိုယ့်ကို ပြန်ကြည်တယ်လို့ မင်း ထင်လား။”

အို ခက်လိုက်တာ…

“သူ့စိတ်ထဲမှာ… ဟိုလေ… သတိတော့ ထားမိမှာပေါ့…”

“သေချာလို့လား…”

တကယ်တော့ သူမ ဘယ်လိုလုပ် သိနိုင်မှာတဲ့လဲ။

“နေ့တိုင်း သူ့အိမ်ရှေ့မှာ သီချင်းသွားဆိုနေတာပဲ…”

“ဒါပေမယ့် ဟိုတစ်ရက်က ညနေဘက်လမ်းမှာတွေ့တာ တစိမ်းလိုပဲ… ”

“သူ ရှက်လို့များလား…”

သူ ဖြေးညင်းစွာ ခေါင်းခါသည်။

“စိုးနိုင်နဲ့ မိဘချင်းရင်းနှီးတယ်လို့ ပြောတယ်” အဲဒါတော့ သူမလည်းကြားမိသည်။ ဒါပေမယ့် မထောက်ခံရက်။

“မိဘချင်း ရင်းနှီးရုံနဲ့ကတော့ ဘာမှ ဖြစ်မလာနိုင်ပါဘူး”

“သူ့ကျောင်းကိစ္စတွေ စိုးနိုင်က လိုက်လုပ်ပေးနေတယ်တဲ့…” ပြောရင်း သူ့မျက်လုံးမှာ နာကျင်ရိပ်တွေ စပေါ်လာသည်။

“ကိုယ်က စိုးနိုင်လို ရုပ်မရှိဘူး…” သူ ဘယ်လောက် ကြည့်လို့ကောင်းကြောင်း ပြောပြချင်စိတ်ကို ကျင့်သားရစွာ မြိုချပစ်လိုက်သည်။

“ရုပ်က အရေးမကြီးပါဘူးလေ… စိတ်ဓာတ်မကျပါနဲ့။ တနေ့ညက သီချင်းပြီးမှ လှိုင်က မီးပိတ်တယ်ဆို”

“သူ့ဘာသာ စာကျက်နေတာလည်း ဖြစ်နိုင်တာပဲ”

သူ့ဝမ်းနည်းမှုက သူမဆီကို အံ့သြစရာကောင်းလောက်အောင် လျင်လျင်မြန်မြန် ကူးစက်လာသည်။

“ဒါဆိုလည်း သီချင်းသွားဆိုပြတာထက် ပိုလက်တွေ့ကျတာတွေ လုပ်ပေါ့။”

“ဘယ်လိုမျိုးလဲ…” သူဝေဝေဝါးဝါး ငဲ့ကြည့်သည်။

“သီချင်းဆိုတာက အမှန်အတိုင်းပြောရရင် ဘယ်သူဆိုမှန်း သိမသိ မသေချာဘူးလေ…”

“ဒါဆို သူ့အိမ်ရှေ့မှာ စင်ထိုးပြီး ဆိုရမှာလား” သူ့မျက်လုံးက ရယ်မြူးရိပ်တွေကို သဘောတကျကြည့်ရင်း…

“မဟုတ်ဘူးလေ… ဘယ်လိုပြောရမလဲ… ဖုန်းဆက်တာ ဖြစ်ဖြစ်ပေါ့… မင်းက ဘာလုပ်ရမလဲ ပိုသိမှာပါ”

သူ သူမကို ကြာမြင့်စွာ ကြည့်သည်။ ပြီးမှ…

“ဟုတ်သားပဲ… နောက်ပြီးတော့… ဟုတ်ပြီ ဟုတ်ပြီ… ”

မျက်စိရှေ့က အမှောင်ထုကို ကြည့်ရင်း အလင်းတန်းတွေကို တွေ့ရသလို သူ့မျက်လုံးတွေ တဖြတ်ဖြတ်လက်သွားသည်။

နောက်သူမကို အပြုံးနဲ့ ငဲ့ကြည့်ရင်း…

“ကျေးဇူး…။ မုန့်ဝယ်ကျွေးမယ်...”

“မုန့်တော့ မစားချင်ဘူး… တကယ်ကျေးဇူးတင်ရင် သီချင်းလေး တစ်ပုဒ်လောက် ဆိုပြပါလား…။ တစ်ခါမှ နားမထောင်ဖူးလို့”

သူမပြုံးရင်း မဝံ့မရဲ ပြောမိသည်။ သူ့မျက်လုံးမှာ အရောင်တချို့ ဖြတ်ပြေးသွားသည်။ ဖတ်ရတာမောလို့ သူမ မဖတ်ဖြစ်တော့။

“တကယ်လား…”

ခေါင်းငြိမ့်ပြမိတော့…

“ဒါဆို ဘာသီချင်းဆိုပြရမလဲ…”

“မသိဘူးလေ… ဘာပဲဖြစ်ဖြစ်ပါ။ လှိုင့်ကို ဆိုပြနေကျထဲက ဖြစ်ဖြစ်ပေါ့”

သူ ဂစ်တာလေးကို ဖတ်ကနဲ ရင်ခွင်ထဲပိုက်လိုက်ရင်း ကြိုးစတွေကို လက်နဲ့တို့ထိသည်။ သံစဉ်တချို့ကို တီးဆော့ရင်း… “ဒါဆို….” လို့ တိုးတိုးရွတ်ပြီး…

“ကိုယ်စပ်ကြည့်ထားတဲ့ သီချင်းအသစ်လေး ရှိတယ်… နားထောင်မလား… ဘယ်သူ့ကိုမှ တီးမပြရသေးဘူး”

သူမ ရင်တစ်ခုလုံး လှပ်ကနဲတုန်ခါသည်။ အပျော်တို့နဲ့ ဆွတ်ပျံ့နေတုန်း…

“လှိုင့်ကို တနေ့တီးပြဖို့ပေါ့…”

ပြောရင်း သူစတီးသည်။ အဝေးကြီးက ပြေးလာရသလိုမျိုး သံစဉ်လေး…။ ဘာသာမသိလိုက်ဘဲ ဂစ်တာပေါ်က သူ့ညာလက်ကို ခပ်ဖွဖွ ဖိရင်းတားမိသည်။ သူမော့ကြည့်တော့…

“အဲဒါဆို အရင်ဆုံး နားမထောင်ပါရစေနဲ့… နှမြောစရာ…”

သူ လက်ကအတီးမရပ်ဘဲ ခေါင်းကိုအသာအယာ ခါရင်း…

“မင်းကိုပဲ အရင်ဆုံး တီးပြချင်တာ…”

သူမ လွင့်မြောသွားသည်။ သိပ်လှတဲ့သံစဉ်။ ချစ်သူတီးတဲ့သံစဉ် မလှဘူးဆိုတာ ဘယ်ရှိပါ့မလဲလေ။ သစ်သားခုံတန်းလေးကို ခပ်ဖွဖွမှီလျောထိုင်ရင်း ကောင်းကင်ကို မော့ကြည့်မိသည်။ လမသာပေမယ့် ကြယ်တွေစုံနေသည်။ ကျေကျေနပ်နပ် ပြုံးလိုက်သည်။ သူမဟာ ကြယ်တွေနဲ့တင် ကျေနပ်တတ်သူပဲလေ။

တဖြူးဖြူးတိုက်နေတဲ့ အေးမြမြလေနဲ့အတူ သူက သံစဉ်တိုတိုလေးကို အကြိမ်ပေါင်းများစွာ တီးသည်။ သူမကလည်း မရပ်စေချင်။ ဘယ်တော့မှ မရပ်စေချင်။ သူ့ကို ငဲ့ကြည့်မိတော့ လှိုင်နဲ့နီးဖို့ စိတ်ကူးပုံဖော်ထားတဲ့ အိပ်မက်သစ်တွေနဲ့ သူ့မျက်နှာက နူးညံ့တက်ကြွနေသည်။ သူမ စိတ်ချစွာ မျက်လုံးတွေ ခဏပိတ်လိုက်မိပြန်သည်။

နောက် မနေ့ညက စိုးစိုးမေးတာ ဖြတ်ကနဲ သတိရမိသည်။ “အချစ်ဆိုတာကို နင်ဘယ်လို အဓိပ္ပါယ်ဖွင့်မလဲ”တဲ့။

နောက်တစ်ခါ သူထပ်မေးရင်တော့… “အချစ်ဆိုတာ ငါ့အတွက်တော့ ကြယ်လေးတွေကိုပဲ လတစ်စင်းလို ဖမ်းဆုပ်ကြည့်ရတာမျိုး… နောက် ဖွဖွလေးကိုင်ပြီး လဖြစ်သွားပါစေလို့ ဆုတောင်းပေးရင်း ကောင်းကင်ပေါ် ရှိသမျှအင်အားနဲ့ ပြန်လွှတ်တင်ပေးရတာမျိုး” လို့ ဖြေမိမည် ထင်သည်။

သူတီးနေတဲ့သံစဉ်ကို နားထောင်လို့မဝနိုင်။ အေးငြိမ့်မှုတွေနဲ့ သူမ နိုးတဝက် အိပ်တဝက်ဖြစ်လာသည်။ ကိစ္စမရှိပါဘူးလေ… သူမအိပ်ပျော်သွားရင်… အိပ်မက်မက်သွားခဲ့ရင်… သူ... မပျက်မကွက် လှုပ်နှိုးပါလိမ့်မည်…။

ရွှေပြည်သူ
(11:16 PM ~ 30-Jan-2010)

(ဆက်ဖတ်ချင်ရင်...း)

Monday, January 18, 2010

စိတ်ကူးထဲက မိတ်ဆွေအရောင်းဆိုင်

Booksညနေစောင်းလေးတစ်ခု။

ညို့မှိုင်းစိုစွတ်နေတဲ့ ပတ်ဝန်းကျင်နဲ့ စိမ့်အေးနေတဲ့ ခပ်သည်သည်း မိုးစက်တွေထဲကနေ အမိုးအောက်ကို ရောက်ရောက်ချင်း “ထက်” မျက်စိရှေ့က တံခါးမကြီးကို ခပ်မြန်မြန် တွန်းဖွင့်ဝင်လိုက်သည်။ ရင်နှီးနေကျ လင်းလင်းချင်းချင်း မြင်ကွင်းတွေနဲ့ ရနံ့တစ်ခုက ထက်ကို နွေးနွေးထွေးထွေး ဆီးကြိုသည်။ သစ်လွင်သော စာအုပ်တို့ရဲ့ ရနံ့… နောက် ညိုဝါရောင်စာအုပ်စင်တွေကနေ အရောင်ပြန်လာတဲ့ ဝါလင်းလင်းမီးရောင်။ စာအုပ်စင် အသီးသီးမှာ ကိုယ်စိတ်ဝင်စားရာ စာအုပ်တွေနဲ့ ငြိမ်သက်ပျော်မွေ့နေကြတဲ့ လူကြီးလူငယ်တွေ။ လူတွေကတော့ အများကြီး… ဒါပေမယ့် နေရာတစ်ခုလုံး အသံကင်းမဲ့စွာ အေးချမ်းဆိတ်ငြိမ်နေလေရဲ့...။ ဘယ်တော့မှ မရိုးတဲ့ မြင်ကွင်းကို ထက် ကြည့်ရင်း စိတ်ထဲမှာ အချမ်းရော အမောပါပြေသွားသည်။

“စုံစမ်းမေးမြန်း အကူအညီ ရယူရန်” ဆိုင်းဘုတ်ချိတ်ထားတဲ့ Information Desk ကိုရောက်တော့ အမြဲရှိနေကျ “မမမျိုး” က အခုမှ ဒီနေရာကို ပထမဆုံးရောက်ဖူးပုံရတဲ့ ကျောင်းစိမ်းလေးနဲ့ ညီမလေးတစ်ယောက်ကို သူ့ထုံးစံအတိုင်း စိတ်ရှည်လက်ရှည် ရှင်းပြနေသည်။

“ကဲ ဒီမှာ ညီမလေးရဲ့ member ကဒ်နော်။ ဒါက ကျောင်းသားတိုင်းကို အစ်မတို့ဆိုင်က မေတ္တာ လက်ဆောင် ထုတ်ပေးတာ။ ဒီကဒ်လေးက ညီမလေး အခုလို အထက်တန်းကျောင်းမှာ ဖြစ်ဖြစ် အဲဒါပြီးလို့ တက္ကသိုလ်မှာဖြစ်ဖြစ် ပညာသင်နေတဲ့ ကာလတစ်လျှောက်လုံး သက်တမ်းရှိနေလိမ့်မယ်။ ဒီကဒ်လေးပြပြီး ဆိုင်ကဝယ်သမျှ စာအုပ်တိုင်းအတွက် 30% Discount အမြဲရမှာပါ။ ဒီကဒ်လေးနဲ့အတူ ကျောင်းသားကဒ်လေးတော့ အမြဲတွဲပြရမှာပေါ့နော်။ ဆိုင်ထဲမှာ ညီမလေး လိုအပ်တဲ့စာအုပ် ရှာရတာ အခက်အခဲ ဖြစ်နေတယ်ဆိုရင် အနားမှာရှိတဲ့ အပြာရောင်မြန်မာဝတ်စုံနဲ့ အစ်ကိုတွေ အစ်မတွေကို အချိန်မရွေး မေးလို့ရတယ်နော်။ ဘာမေးချင်တာ ရှိသေးလဲ ညီမလေး”

မမမျိုးက စကားရှည်ကြီးကို အပြုံးလေးနဲ့ အဆုံးသတ်လိုက်တော့…

“မရှိတော့ပါဘူး မမ။ ကျေးဇူးတင်ပါတယ်”

ကဒ်လေးကို လှမ်းယူပြီး အဖြူအစိမ်းလေး စာအုပ်တွေကြား ပျော်ပျော်ကြီးတိုးဝင်သွားတော့သည်။

“မမမျိုး!”
“ဟေး ထက်။ မလာတာတောင် ကြာပေါ့။”
“ဟုတ်တယ် မမရဲ့။ စာတမ်းတင်ဖို့ အလုပ်ရှုပ်နေတာနဲ့ စာအုပ်တွေကို မမတို့ Website ထဲဝင်ပြီး Online ပဲ မှာတော့တယ်။ အခု ဒီဘက်ရောက်လို့ ခဏလောက်ထိုင်ချင်တာနဲ့ ဝင်လာတာ”
“မှာထားတာတွေ အကုန်ရပြီ မဟုတ်လား”
“ဟုတ်ကဲ့ ရပြီမမ။ နောက်ဆုံးမှာလိုက်တဲ့ စာအုပ်က နိုင်ငံခြားကို လှမ်းမှာရတယ်ဆိုလို့ စိတ်ပူနေတာ။ တနေ့ကပဲ ရရမယ့်ရက် အတိအကျ ရောက်လာတယ်”
“အို မရောက်မှာတော့ စိတ်မပူနဲ့ ထက်ရေ။ အဲဒီအပိုင်းကိုင်တဲ့ သူရတို့က မဖြစ်ဖြစ်အောင်ကို လုပ်ပေးလိမ့်မယ်။ သူတို့က ဟိုဘက်ကို မှာပြီးရင် Chase လုပ်လွန်းလို့ အချိန်မီအမြဲရတယ်”
“ယုံပါတယ် မမရယ်”

“ထက်” ရယ်ပြောလေးပြောပြီး ဆိုင်ရဲ့ အပြင်ကို လှမ်းမြင်နေရတဲ့ မှန်နံရံတလျှောက်မှာက စာဖတ်ခုံလေးတွေဆီ လျှောက်ခဲ့မိသည်။ ခုံလေးတွေ တော်တော်များများ လူပြည့်နေပြီ။ စာအုပ်တွေကို အမြည်းသဘော ထိုင်ဖတ်နေတဲ့ သူတွေထဲမှာ “ဝိပဿနာအားထုတ်နည်း” စာအုပ်ဖတ်နေတဲ့ ဘဘကြီးတွေ ပါသလို “မိုးသောက်ပန်းဂျာနယ်”နဲ့ ကလေးလေးတွေလည်း ပါသည်။ အသစ်ထွက်တဲ့ ရသစာအုပ်တွေကြားမှာ ပျော်မွေ့နေတဲ့ မမတွေပါသလို နည်းပညာစာအုပ်တွေထဲ ခေါင်းမြုပ်နေသည့် ကိုကိုတွေလည်းပါသည်။

ကံကောင်းထောက်မစွာနဲ့ လွတ်နေတဲ့ နေရာလေးတစ်ခု ရသွားသည်။ “ထက်” ခုံလေးမှာထိုင်ချလိုက်ရင်း လက်ကို အနောက်မှာထောက် ခြေထောက်ကို သက်တောင့်သက်သာ ဆင်းပြီး စိတ်လက်အေးချမ်းစွာ စာအုပ်ရွေးနေတဲ့ လူတွေကို ငေးမောမိတော့ ဘဝထဲက အမောတချို့နဲ့ စိတ်ဖိစီးမှုတစ်ချို့ လျော့ပါးသွားသလို ခံစားလိုက်ရသည်။

“ကျေးဇူးပြု၍ နားဆင်ပါရှင်။ ည ၈ နာရီထိုးမှာ ဆိုင်ပိတ်တော့မှာ ဖြစ်တဲ့အကြောင်း လေးစားစွာ အသိပေးအပ်ပါတယ်။ လာရောက်အားပေးကြတဲ့ စာပေချစ်သူ မိတ်ဆွေများအားလုံးကို ကျေးဇူးအထူးတင်ပါတယ်။ ကျက်သရေရှိသော မင်္ဂလာညချမ်း ဖြစ်ပါစေရှင်”

အသံချဲ့စက်က လွင့်လာတဲ့ ကြေညာသံကြောင့် ခုံလေးပေါ်မှာ စာအုပ်ဖတ်ရင်း တမေ့တမောထိုင်နေရာမိက “ထက်” သတိဝင်လာသည်။ ကချင်လွယ်အိတ်လေးကို ခပ်သွက်သွက် ကောက်လွယ်လိုက်ပြီး ထွက်ပေါက်ဆီ ဦးတည်လိုက်တော့ ကိုယ့်လိုပဲ ဘေးခပ်လှမ်းလှမ်းခုံတွေက ထလာကြတဲ့ လူတချို့ကို တွေ့လိုက်ရသည်။

စာအုပ်စင်ပေါင်းများစွာကို ကျော်ဖြတ်ရင်း တံခါးမဘက် လျှောက်လာမိချိန်မှာ အပြာရောင်မြန်မာဝတ်စုံနဲ့ ဝန်ထမ်းတွေက ရောက်လာတဲ့စာအုပ်အသစ်တွေကို စင်တွေပေါ်မှာ စီစီရင်ရင် တင်နေကြဆဲ။ စာအုပ်ချစ်သူတွေကိုသာ အလုပ်ခန့်ထားတယ်လို့ ကြားဖူးတဲ့အတိုင်း ဝန်ထမ်းအားလုံးက ဖော်ရွေရည်မွန်ပြီး စိတ်ရှည်ကြသလို လိုအပ်တဲ့စာအုပ်ကို မရရတဲ့အထိ ကူညီရှာဖွေပေးပြီး (လိုအပ်ရင်) မှာယူပေးကြတာ “ထက်” ကိုယ်တွေ့ပဲ ဖြစ်သည်။ စာအုပ်စီနေတဲ့ ဝန်ထမ်းထဲက ရင်ဘတ်မှာ “အလုပ်သင်” တံဆိပ်လေး တပ်ထားတဲ့ ညီမလေးတစ်ယောက်က လှမ်းပြုံးပြသည်။ သူနဲ့ တစ်ခါစကားပြောဖူးတုန်းက ထက်လိုပဲ တက္ကသိုလ် ကျောင်းသူလေးမှန်း သိရသည်။ ချို့တဲ့ရှာတဲ့ မိသားစုက လာသူလေးဖြစ်လို့ သူ့အတွက် အပိုဝင်ငွေလည်းရ ဒီနေရာမှာလည်း ပျော်လို့ ညနေဘက်လေးတွေမှာ အချိန်ပိုင်းလာလုပ်နေတာလို့ ပြောပြသည်။ ကျောင်းနဲ့ပတ်သက်ပြီး လိုအပ်တဲ့ စာအုပ်နဲ့ စာရေးကိရိယာတွေကိုလည်း ဆိုင်က ဝန်ထမ်းခံစားခွင့်အနေနဲ့ တာဝန်ယူပေးသည်တဲ့။

ဆိုင်ထဲမှာပဲ မှန်ချပ်တွေနဲ့ ကန့်ပြီး တွဲဖွင့်ထားတဲ့ စာရေးကိရိယာဆိုင်လေးမှာတော့ ဝယ်သူတချို့ရှိနေဆဲ။

တံခါးမကြီးကနေ လှမ်းထွက်မိတော့ စောစောပိုင်းမှာ သည်းနေတဲ့မိုးက စဲခဲ့ပြီ။ အမှောင်ကလည်း ကြီးစိုးနေခဲ့ပြီ။ လေထုကတော့ စိုစွတ်အေးမြနေဆဲ။ လေပြင်းပြင်းနဲ့ ရွာခဲ့တဲ့မိုးကြောင့် တံခါးဝက ကြေးဆိုင်းဘုတ်လေးတွေမှာ ရေစက်ရေမှုန်လေးတွေ ကပ်ငြိနေသည်။

“အလိမ္မာ စာမှာရှိ”
“စာပေမြင့်မှ လူမျိုးတင့်မည်”
“မြန်မာစာသည် တို့စာ”
“စာအုပ်စာပေ လူ့မိတ်ဆွေ”

လွယ်အိတ်ထဲက လက်ကိုင်ပုဝါလေးထုတ်ပြီး ဆိုင်းဘုတ်လေးတွေကို သေချာသုတ်ပေးလိုက်သည်။ နောက် ကျေကျေနပ်နပ် တစ်ချက်ပြုံးပြီး ဝတ်ထားတဲ့ အနွေးထည်လေးကို တင်းတင်းစေ့လိုက်ရင်း လမ်းမီးတိုင်တွေ အစီအရီနဲ့ ကတ္တရာလမ်းပေါ်မှာ တလှမ်းချင်း လျှောက်သွားမိတော့သည်။ “ထက်” အနောက်မှာတော့ “ရွှေပြည်သူ စာပေ” လို့ ဆိုင်းဘုတ်တပ်ထားတဲ့ အဆောက်အဦးလေးတစ်ခုက သူပိုင်ရာ အလင်းတချို့နဲ့ သက်ဝင်လှုပ်ရှားနေဆဲ… ညဦးလေးကို သူနိုင်သလောက်လေး အလှဆင်နေဆဲ…

ရွှေပြည်သူ
(12:36 PM ~ 18-Jan_2010)

“စာအုပ်စာပေ လူ့မိတ်ဆွေ” ဆိုတဲ့အတိုင်း စာအုပ်တွေဟာ ကျွန်မတို့အတွက် မိတ်ဆွေစစ်တွေပါပဲ။ ဒါကြောင့် အစ်မဝါဝါက နောင် (၅)နှစ်မှာ ကိုယ်လုပ်ချင်တဲ့ စိတ်ကူးထားတဲ့ ကိုယ်ပိုင်စီးပွားရေးလေးအကြောင်းရေးဖို့ Tag လာတော့ အားလုံးကို မိတ်ဆွေကောင်းတွေ ပေးနိုင်မယ့် စာအုပ်ဆိုင်လေးအကြောင်းကိုပဲ စိတ်ကူးပုံဖော်ပြီး ရေးလိုက်ပါတယ်။ ဆိုင်ကို ခပ်ကြီးကြီးလေး ပုံဖော်ထားလို့ ကြီးကျယ်တယ် မထင်ကြပါနဲ့နော်။ ဆိုင်ကြီးရင် စာအုပ်ပိုစုံမယ်လို့ ရိုးရိုးပဲတွေးထားလို့ပါး) ဒီဇာတ်လမ်းထဲမှာ ပုံဖော်ထားတဲ့ စာအုပ်ဆိုင်အတွက် Inspiration ကို Singapore ရဲ့ အကြီးဆုံး Shopping Mall တွေထဲက တစ်ခုဖြစ်တဲ့ Vivo City က Page One ဆိုတဲ့ စာအုပ်ဆိုင်က ရခဲ့တာပါ (အပေါ်မှာ သုံးခဲ့တဲ့ ပုံတွေကလည်း ဒီပို့စ်အတွက် Page One မှာ ကျွန်မသွားရိုက်ခဲ့တာပါ) တချို့ ညနေတွေမှာ
အပေါ်က ဇာတ်လမ်းထဲက ထက်လို Page Oneမှာ ကျွန်မ သွားထိုင်မိတတ်ပါတယ်။ သွားထိုင်ဖြစ်တိုင်းလည်း အေးချမ်းဆိတ်ငြိမ်တဲ့ ကြည်နူးမှုတစ်မျိုးကို အမြဲရလေ့ရှိပါတယ်။ လောလောဆယ်မှာ ကျွန်မအတွက် စိတ်ကူးယဉ်သိပ်ဆန်ပေမယ့် နောင်(၅)နှစ်အကြာမှာ စီးပွားရေးတစ်ခုလုပ်ဖို့ ဆုံးဖြတ်မိခဲ့ရင်… နောက် အရည်အချင်းနဲ့ ငွေကြေးပြည့်စုံခဲ့ရင်… အားလုံးကို ကျွန်မ Page One မှာ ရလေ့ရှိတဲ့ အေးချမ်းဆိတ်ငြိမ်မှုမျိုးပေးနိုင်တဲ့ စာအုပ်ဆိုင်လေး တစ်ဆိုင် အမိမြေမှာ ပြန်ဖွင့်ချင်တာပါပဲ။ ဒီပို့စ်လေးရေးဖြစ်ဖို့အတွက် အမြဲသတိတရ Tag တတ်တဲ့ အစ်မဝါဝါကို ကျေးဇူးတင်သလို အစ်မကျေနပ်မယ်လို့လည်း မျှော်လင့်ပါတယ်။ အစ်မဆက်ပြီး Tag ထားတဲ့ နံပါတ်(၂)ကိုတော့ နောက်ထပ်ပို့စ်လေးတစ်ပုဒ် ခွဲရေးလိုက်မယ်နော်း)

အားလုံး ကိုယ့်ကိုရော အများကိုပါ အကျိုးပြုပြီး ပျော်ရွှင်စေမယ့် လုပ်ငန်းတွေနဲ့ စီးပွားရွှေငွေ တိုးတက်နိုင်ကြပါစေရှင်…

(ဆက်ဖတ်ချင်ရင်...း)

Thursday, January 14, 2010

တကယ့်အရှုံး

တကယ့်အရှုံးတိုက်ပွဲတစ်ခု မဟုတ်ခဲ့ပါဘူး…
ဒါပေမယ့် ကိုယ်… ရူးမတတ် လက်နက်ချချင်နေခဲ့တယ်…
ရက်စက်ပြတာလား မသိဘူးကွယ်…
အဲဒီအခွင့်လေးတောင် မင်းက မပေးခဲ့ဘူးရယ်လေ…

ရွှေပြည်သူ
(11:33 PM ~ 14-Jan-2010)

(ဆက်ဖတ်ချင်ရင်...း)

Wednesday, January 13, 2010

ကောင်းကင်များ၏ အတ္ထုပ္ပတ္တိ ၂၀၁၀

“ကောင်းကင်များ၏ အတ္ထုပ္ပတ္တိ ၂၀၁၀” မိခင်မေတ္တာဘွဲ့ ကဗျာစု Ebook မနှစ်ကလိုပဲ ကျက်သရေရှိစွာ ထွက်လာပါပြီ။ အဖိုးတန်ရည်ရွယ်ချက်နဲ့ အဖိုးတန်ကဗျာတွေ စုစည်းထားတဲ့ ဒီစာအုပ်မှာ “ကတိ” ဆိုတဲ့ ကဗျာလေး ပါဝင်ရေးသားခွင့်ရလို့ သိပ်ဝမ်းသာမိပါတယ်။ ကျွန်မကဗျာအတွက် အစ်မ ပန်ဒိုရာဆွဲတဲ့ သရုပ်ဖော်ပုံလေးကိုလည်း အရမ်းကြိုက်ပါတယ်။ စီစဉ်သူ ကိုရင်ညိန်း နဲ့အတူ အစ်မ ပန်ဒိုရာ၊ ကိုဟန်ကိုအောင်၊ ညီမငယ် နတ်သမီးလေးမွန်နဲ့ စာအုပ်ဖြစ်မြောက်ရေးအတွက် စီစဉ်ခဲ့ကြတဲ့၊ ကျွန်မကို ပါဝင်ခွင့်ပေးခဲ့ကြတဲ့သူ အားလုံးကို တလေးတစား ကျေးဇူးတင်ကြောင်း ဒီကနေ ပြောချင်ပါတယ်ရှင်။ စာအုပ်ကို မဖတ်ရသေးရင် အောက်မှာ ဖတ်နိုင်ပါတယ်း)
ကောင်းကင်များ၏ အတ္ထုပ္ပတ္တိ ၂၀၁၀

Download သိမ်းချင်ရင် ~

ကောင်းကင်များ၏ အတ္ထုပ္ပတ္တိ ၂၀၁၀
ကောင်းကင်များ၏ အတ္ထုပ္ပတ္တိ ၂၀၀၉

(ဆက်ဖတ်ချင်ရင်...း)

Monday, January 11, 2010

ယုံကြည်ရာ

ကိုယ်ယုံကြည်ရာတွေကို ရေးဖို့ ညီမလေး ပန်းရင့်ရောင် Tag ထားတာ တစ်လကျော်ခဲ့ပါပြီ။ စာမေးပွဲ အပါအဝင် တခြားသော အကြောင်းကြောင်းတွေကြောင့် အခုမှပဲ ရေးနိုင်တဲ့အတွက် ညီမလေးကို အရင်ဆုံး တောင်းပန်ချင်ပါတယ်နော်။ သတိတရ Tag တာကို ကျေးဇူးတင်ပါတယ် ညီမလေးရေ။ ယုံကြည်ရာတွေ အကြောင်းရေးရမယ် ဆိုရင်တော့…

ဘဝမှာ အကြွင်းမဲ့ သံသယအလျင်းမရှိဘဲ အယုံကြည်ရဆုံးကတော့ မြတ်စွာဘုရားရှင် ဟောကြားတော်မူတဲ့ အမြတ်ဆုံး တရားတော်တွေပါပဲ။ ကျွန်မဟာ အသက်တော်တော်လေး ကြီးတဲ့အထိ မိရိုးဖလာ ဗုဒ္ဓဘာသာဝင်ပဲ ဖြစ်ခဲ့ပါတယ်။ နေ့စဉ် ဘုရားရှိခိုး၊ အဓိဌာန်ပုတီးစိပ်၊ ဆုတွေတောင်းနဲ့ (ရှက်ရှက်နဲ့ ဝန်ခံရရင်) မြတ်စွာဘုရားကို ဘေးအန္တရာယ်တွေက ကင်းဝေးဖို့၊ စာမေးပွဲမှာ ဂုဏ်ထူးတွေပါဖို့ စတာတွေအတွက် ကိုးကွယ်အားကိုးရာ အနေနဲ့ ကြည်ညိုကိုးစားခဲ့တာပါ။ လာဘဗုဒ္ဓဘာသာလို့ ပြောရမယ် ထင်ပါတယ်။ အသက် ၂၀ လောက်ကျမှ အမေ့မိတ်ဆွေ အန်တီတစ်ယောက်ရဲ့ ကျေးဇူးကြောင့် သူဓမ္မဒါနအဖြစ် လက်ဆောင်ပေးတဲ့ ဆရာတော်ဦးဇောတိကရဲ့ စာအုပ်တွေ စဖတ်ဖြစ်ခဲ့ပါတယ်။ စာအုပ်ထဲကတဆင့် နာယူခဲ့ရတဲ့ ဆရာတော်ရဲ့ ဆုံးမသြဝါဒတွေကနေ တရားနဲ့ယှဉ်တဲ့ ဘဝနေထိုင်နည်းတွေကို သိခွင့်ရခဲ့ပြီး ဘဝမှာ ကြုံလာရတဲ့အရာတွေကို အရင်ကနဲ့ မတူတဲ့ ရှုထောင့်ကနေ တဖြည်းဖြည်း မြင်တတ်လာခဲ့ပါတယ်။ အရင်ကထက်စာရင် အထိုက်အလျောက် စိတ်ကလေး ထားတတ်လာတဲ့အခါ တရားရဲ့အရသာ၊ တရားရဲ့အေးမြမှုတွေကိုလည်း သိလာပါတော့တယ်။ အဲဒီနောက် တရားရိပ်သာတွေမှာ အားထုတ်ဖူးလာတဲ့ အခါမှာတော့ သမာဓိကိုတောင် အနိုင်နိုင် ထူထောင်နေရတဲ့ အဆင့်ဖြစ်ပေမယ့် တစ်မိနစ်လုပ်ရင် တစ်မိနစ်စာ အကျိုးရှိတဲ့ တရားရဲ့အဖိုးတန်ပုံကို ပိုသိမြင်လာရပါတယ်။ ကျွန်မတို့ ကိုးကွယ်ရာဖြစ်တဲ့ မြတ်စွာဘုရားရှင် ကိုယ်တော်မြတ်ကြီး တကယ်တမ်း ကျွန်မတို့အတွက် ထားခဲ့တဲ့ တရားတော်တွေဟာ စာမေးပွဲအောင်ဖို့ သက်သက်၊ စီးပွားရွှေငွေတိုးတက်ဖို့ သက်သက်၊ လောဘ… တဏှာ စတာတွေ ဦးစီးတဲ့ ဖြစ်ချင်တာတွေ ဖြစ်လာဖို့ သက်သက် မဟုတ်ဘဲ တစ်သံသရာစာ လွတ်မြောက်ကောင်းစားဖို့အတွက် ကျင့်ကြံအားထုတ် ကြိုးစားကြရမယ့် အဖိုးအတန်ဆုံးသော လမ်းစဉ်တွေဆိုတာကို နားလည်ခဲ့ရပါတယ်။ ဘာသာရေးဗဟုသုတ အားနည်းသလို ထိုးထွင်းသိမြင်ဥာဏ်လည်း နည်းပါးတဲ့ ကျွန်မအတွက် ဒီတရားတော်တွေရဲ့ တစွန်းတစလေး လောက်ကိုတောင် နားလည်သဘောပေါက်အောင် ကြိုးစားနေရဆဲပါပဲ။ ဒါပေမယ့် ကျွန်မရဲ့ လူပြိန်းအသိနဲ့ တွေးမိသမျှ ပုစ္ဘာမေးခွန်းတိုင်း အတွက် တရားတော်ထဲမှာ အင်မတန် အဓိပ္ပါယ်ပြည့်ဝတဲ့ အဖြေတွေ အမြဲတွေ့ရပါတယ်။ ကျွန်မဥာဏ်ရည်နဲ့ သဘောမပေါက်နိုင်သေးတာတွေ အဆုံးအစမရှိ ကျန်ရှိနေသေးပေမယ့် မြတ်စွာဘုရားရှင်ရဲ့ တရားတော်တွေကို ကျွန်မအကြွင်းမဲ့ ယုံကြည်မိပါတယ်ရှင်။

နောက်တစ်ခုကတော့ ဝဋ်ကြွေးပါ။ အပေါ်က တရားတော်တွေကို ယုံကြည်တယ်လို့ ပြောသွားတဲ့အထဲမှာ တစ်ခါထဲ ပါသွားပေမယ့် ထပ်ပြောချင်မိတာက ကျွန်မဟာ ကိုယ်ပြောသမျှ၊ ကြံသမျှ မကောင်းမှုတွေအတွက် ချက်ချင်းလက်ငင်းဆိုသလို ဝဋ်ပြန်ခံရတတ်တဲ့ သူမျိုးလို့ ယုံကြည်နေမိလို့ပါ (ညီမလေး ပန်းရင့် ရေးထားတာနဲ့လည်း အံ့သြစရာ သွားတူနေပါတယ်း) “ကာလဝိဘက် နောက်ပိုးတက်” ဆိုတဲ့ အတိုင်း အတိအကျပါပဲ။ စိတ်ထဲမှာ တွေးမိကြံမိတဲ့ ပြောမိတဲ့ မကောင်းမှုတစ်ခုခုအတွက် ကျွန်မ မနှေးအမြန်ပဲ ဝဋ်ပြန်ခံရတာကို မကြာခဏ သတိထားမိသလို အမြဲလိုလို ဖြစ်တယ်လို့ ယုံကြည်နေမိပါတယ်။ အဲဒီလို ဝဋ်ပြန်လည်တိုင်းလည်း “ခံဟဲ့” လို့ပဲ ကိုယ့်ဘာသာပြောမိပါတယ်း) တချိန်ထဲမှာပဲ “ငါအခုလို ခံစားလိုက်ရတော့ ကျေသွားပါပြီလေ”လို့ စိတ်သက်သာရာ ရသွားသလို နောက်တစ်ခါအတွက်လည်း နောင်ကျဉ်သွားပါတယ်။ ကျွန်မတို့ရဲ့ ဗုဒ္ဓဘာသာမှာ အင်မတန် သဘောကျစရာ ကောင်းတဲ့အချက်က ကိုယ်လုပ်သမျှကို ကိုယ်ပြန်ခံရ စံရတယ် ဆိုတာပါပဲ။ တခြားဘယ်သူကမှ အစားဝင်ပြီး ခံပေးလို့မရတာကြောင့် ကိုယ်ပြုသမျှ ကောင်းမှု မကောင်းမှုအတွက် ကိုယ့်ဘာသာ အပြည့်အဝ တာဝန်ယူရာလည်း ရောက်ပါတယ်။ နောက် ဘဝမှာ မတရားတဲ့ အဖြစ်အပျက်တွေ ကြုံလာရတိုင်း၊ ကိုယ်ဘယ်လောက်ပဲ ကောင်းအောင်နေပေမယ့် ဆိုးရွားတဲ့ အဖြစ်အပျက်တွေ ရင်ဆိုင်ရတိုင်း “ဝဋ်ကြွေးပါလား… ကိုယ်ပြုခဲ့မိသမျှ ကိုယ်ပြန်ခံနေရပါလား” ဆိုတဲ့ နားလည်သိက အင်မတန် စိတ်သက်သာရာ ရစေပါတယ်။ ဒါကြောင့် ကျွန်မရဲ့ “မှန်ထဲကို လှမ်းကြည့်ခြင်း” ပို့စ်လေးမှာ ရေးခဲ့သလိုပဲ ကျွန်မရဲ့ လက်ဆွဲဆောင်ပုဒ်က “ဝဋ်ကြွေးဆိုတာနဲ့ ချိန်ထိုးကြည့်ရင် အရာအားလုံးက တရားမျှတပါတယ်” ရယ်လို့ ဖြစ်နေတာပါ။ ဝဋ်ကြွေးကိုလည်း ကျွန်မ သိပ်ယုံပါတယ်…

နောက်ဆုံးတစ်ခုက ပေါ့ပေါ့ပါးပါး ယုံကြည်မိတာလေးလို့ ပြောလို့ရပါတယ်။ နည်းနည်းလည်း Silly ဖြစ်မယ်ထင်ပါတယ်။ ကျွန်မ လက်ကိုင်ပုဝါလက်ဆောင် ပေးမိတဲ့သူတိုင်းနဲ့ ချစ်ကြခင်ကြရဲ့သားနဲ့ ရှင်ကွဲကွဲရတယ်လို့ ယုံနေမိတာပါ။ တခြား ဘာပစ္စည်းကိုမှ အစွဲအလမ်း မဖြစ်မိပေမယ့် လက်ကိုင်ပုဝါ ပေးမိတိုင်း အဲဒီလိုဖြစ်တာ ၃/၄ခါထက် မနည်းကြုံဖူးတော့ စိတ်ထဲမှာ စွဲနေပါပြီ။ ခပ်ငယ်ငယ်တုန်းကတော့ သူငယ်ချင်းကို လက်ကိုင်ပုဝါပေးမိရင် ၁ကျပ်တို့ ၂ကျပ်တို့ မပျက်မကွက် ပြန်တောင်းပါတယ်။ “နင်က ငါ့ဆီက ဝယ်တာပေါ့ဟယ်” လို့လည်း ပါးစပ်ကပြောပါသေးတယ်း) အခု အသက်ကြီးလာတော့ လုံးဝကို ရှောင်ဖြစ်သွားတာပါပဲ။ တစ်ခါတစ်လေကျတော့လည်း ရယ်စရာတွေးမိပါတယ်။ ကိုယ့်ကို စိတ်ညစ်အောင် လုပ်တဲ့သူတွေကို လက်ကိုင်ပုဝါလေးပဲ ပေးလိုက်ရရင် ကောင်းမလားလို့။ ဒါဆို ဘာပြဿနာမှ မရှိဘဲ ချစ်ချစ်ခင်ခင်လေးနဲ့ ဝေးသွားအောင်လေ။ ခုချိန်ထိတော့ အဲဒီလိုမျိုး ဘယ်သူ့ကိုမှ မပေးမိသေးပါဘူးး)) ကျွန်မကိုတော့ ပေးဖို့ မကြိုးစားကြနဲ့နော်။ ဒါက ကျွန်မက ပေးမှ Effect ရှိတား)

စိတ်ထဲမှာ စွဲပြီး ယုံကြည်နေမိတာတွေကတော့ ဒီလောက်ပါပဲ။ ညီမလေး ပန်းရင့်လည်း ကျွန်မရဲ့နောက်ကျမှုကို ခွင့်လွှတ်ရင်း ဒီပို့စ်လေးကို ကျေနပ်လိမ့်မယ်လို့ မျှော်လင့်ပါတယ်။

ကျွန်မရဲ့ယုံကြည်ရာလေးတွေကို ဖတ်ပေးတဲ့အတွက်လည်း အားလုံးကို ကျေးဇူးတင်ပါတယ်ရှင်...း)

(ဆက်ဖတ်ချင်ရင်...း)

Wednesday, January 6, 2010

အပျော်

ဟိုတနေ့လေးဆီက
စကားပြောဖြစ်ကြသေးတယ်…
သာကြောင်းမာကြောင်းပါပဲ…
မင်းဘဝသာယာကြောင်း မင်းမိသားစုမာပါကြောင်းပေါ့…
ပျင်းဖို့တော့ ဘယ်ကောင်းပါ့မလဲ…
မင်းဟာ အစဉ်ထာဝရ အပြောကောင်းသူပဲလေ…

မင်းလည်းကိုယ့်ကို ခင်သေးတယ်…
ကိုယ်လည်းမင်းကို ခင်သေးတယ်… ထင်…ပါ…ရဲ့…
မင်းဘဝမှာ မင်းပျော်နေတယ်…
ကိုယ့်ဘဝမှာလည်း ကိုယ်….တကယ် ပျော်နေပါတယ်…ကွဲ့…

မင်းလည်း ကိုယ့်အကြောင်းကို
အဟောင်းတွေကြား…
ဟိုနားဒီနား မသိမသာ ထားခဲ့ရတာ
သိပ်ပျော်မှာပဲ…

ကိုယ်လည်း မင်းအကြောင်းကို
ကဗျာရေးရတာ ကောင်းလွန်းလို့
မတော်တဆ ဟောင်းသွားမှဖြင့်ရယ်လို့
ဟာသလေးတွေးရင်း
သိပ်ပျော်တာပဲ...

တကယ် တကယ်…
ကိုယ့်အတွက် ကိုယ်ပျော်တာရယ်လို့
အခါခါ တွေးရင်းနဲ့ကို…
မင်းအိမ်လှလှလေးအတွက်လည်း ကိုယ်ပြုံးမြမြနဲ့ပျော်တယ်
မင်းဘဝတောက်ပပလေးအတွက်လည်း ကိုယ်ခဏခဏပျော်တယ်
မင်းသွားမယ့်လမ်းအတွက်လည်း လမ်းပန်းအခါခါ သာယာပါစေကြောင်း ကိုယ်ဆုတောင်းပြီးပျော်တယ်…

ကိုယ်နဲ့ တဖြည်းဖြည်း... ဝေးသွားတဲ့အတွက်တော့… ကိုယ့်တစ်သက်… မင်းအတွက်… အပျော်ဆုံးပဲ…

ဟိုတနေ့လေးဆီက
စကားပြောဖြစ်ကြသေးတယ်…
ကိုယ်တို့နှစ်ယောက်လုံး ပျော်ပါတယ်…
ကိုယ်က… ပိုပြီး ပျော်ခဲ့မိတယ်…
ခွင့်လွှတ်လိမ့်မယ်... ထင်ပါရဲ့ကွယ်…

ရွှေပြည်သူ
(12:11 AM ~ 6th-Jan-2010)

အချစ်ကဗျာလေးကို အဆွေး Mood နဲ့ ရေးကြည့်တာပါ။ ရေးတဲ့သူကညံ့တော့ တကယ် အားရပါးရ ပျော်နေတာလို့ လူတွေ ထင်ကုန်ကြပြီး)

(ဆက်ဖတ်ချင်ရင်...း)

Saturday, January 2, 2010

၂၉ ကြိမ်မြောက် မွေးနေ့


နှစ်တစ်နှစ်ရဲ့ အဆုံးကာလကို ကျွန်မ သိပ်သဘောကျပါတယ်။ Christmas နဲ့ New Year အတွက် ရုံးပိတ်ရက်တွေ အများကြီးရသလို အဲဒီပိတ်ရက်တွေနဲ့အတူ ကျွန်မရဲ့မွေးနေ့ကလည်း အမြဲကပ်ပါလာလို့ပါး) ဘာလိုလိုနဲ့ ဒီနေ့ အသက်တစ်နှစ် ကြီးသွားပြန်ပါပြီ။ လုပ်ခဲ့သမျှ အမှားတွေရော အမှန်တွေရော အနောက်မှာ တရိပ်ရိပ်ကျန်ခဲ့ပြန်ပါပြီ။ နှစ်တစ်နှစ်အစ အသက်အပိုင်းအခြားသစ်တစ်ခုရဲ့ အစမှာ ကျွန်မဖြစ်လေ့ရှိတဲ့အတိုင်း ပိုကောင်းတဲ့နှစ်ဖြစ်အောင် ကြိုးစားမယ်လို့ စိတ်အားတွေ ထက်သန်နေမိပေမယ့် တပြိုင်ထဲမှာပဲ ဘာကြောင့်မှန်းမသိ မောပန်းနေမိပြန်ပါတယ်။

မနေ့ည ၁၂ နာရီ ကျော်ကတည်းကနေ ခု ဒီပို့စ်ရေးနေချိန်အထိ Birthday Wish တွေကို Email၊ Facebook၊ SMS၊ Cbox တွေကနေ ပို့နေကြတဲ့ သူငယ်ချင်းတွေ မောင်နှမတွေအားလုံးကို အရမ်းကျေးဇူးတင်မိပါတယ်။ သူတို့ရဲ့ လှိုက်လှဲတဲ့ Message တွေကြောင့်သာ ကျွန်မမွေးနေ့က အသက်ဝင်လှုပ်ရှားလာတာပါ။ ၁ နှစ်လုံး အကြောင်းအမျိုးမျိုးနဲ့ အဆက်အသွယ် ပြတ်နေကြတဲ့ သူငယ်ချင်းတွေဆီက Wish တွေလည်းရတော့ ဝမ်းသာရပါတယ်။

နောက် ကျွန်မရဲ့ Drak Side တွေကို သိမြင်ပြီးတဲ့နောက်မှာတောင် ခုချိန်ထိ ကျွန်မကို သူတို့ရဲ့ အရင်းနှီးဆုံးသူအဖြစ် ခင်မင်ပေါင်းသင်းနေဆဲဖြစ်တဲ့ ကျွန်မရဲ့ ချစ်သူငယ်ချင်းတချို့ကိုလည်း အရမ်းကျေးဇူးတင်တဲ့ အကြောင်းလေး ဒီနေ့မှာ ပြောချင်ပါတယ်။ အဲဒီသူတွေထဲက တစ်ယောက်ဖြစ်တဲ့ ချစ်သူငယ်ချင်း ခရမ်းမေက ကျွန်မအတွက် မွေးနေ့လက်ဆောင်အဖြစ် ပို့စ်လေးတစ်ပုဒ် ရေးပေးပါတယ်။ ကျွန်မရင်ကို အထိရှစေဆုံး မွေးနေ့လက်ဆောင်လေးပါ။ ကျွန်မတို့ စတွေ့ခဲ့တဲ့ ငယ်ဘဝကို သတိတရရေးထားတဲ့ သူ့ပို့စ်လေးကို ဒီမှာ ဖတ်ကြည့်လို့ရပါတယ်။ (ခရမ်းရေ… နင်ပြောသလိုပဲ “နောက်ဘဝ ဆိုတာများရှိလို့ ရွေးချယ်ခွင့်ရခဲ့မယ်ဆိုရင် (ငါလည်း) နင်နဲ့ သူငယ်ချင်း ထပ်ဖြစ်ချင်ပါသေးတယ်…”) (တစ်ခု ကြိုပြီးဝန်ခံချင်တာက ခရမ်းဟာ ကျွန်မကို အကောင်းမြင်တဲ့ ချစ်တဲ့သူဖြစ်သလို မွေးနေ့အမှတ်တရ ရေးပေးတာဖြစ်လို့ (သူဟာ တော်တဲ့ အမျိုးသမီးလေးတစ်ယောက် ဖြစ်ပေမယ့် သူ့ကိုယ်သူနှိမ်ချပြီး) ကျွန်မအကြောင်း အကောင်းလေးတွေချည်းပဲ ရေးထားပါတယ်။ ဒါကို ကျွန်မက မွေးနေ့ပို့စ်လေးမှာ အမှတ်တရ Link ထားတာပါရှင်။ တော်ကြာ ရွှေပြည်သူ ကိုယ်ရည်သွေးပြီး Link ထားတယ် ထင်မှာစိုးလို့ပါး))

နောက်ထပ်ရတဲ့ မွေးနေ့လက်ဆောင်တွေကတော့ ကျွန်မသိပ်မြတ်နိုးတဲ့ စာအုပ်တွေပါ။ ပထမတစ်အုပ်က လုပ်ဖော်ကိုင်ဘက် တစ်ယောက် မွေးနေ့မတိုင်ခင်ကတည်းက Hug တစ်ခုနဲ့အတူ သတိတရပေးခဲ့တဲ့ နွေးထွေးတဲ့လက်ဆောင်လေးပါ။ ကျွန်မသိပ်စိတ်ဝင်စားတဲ့ စာရေးဆရာမ Jane Austen ရဲ့ "Pride and Prejudice" စာအုပ်ဖြစ်လို့ Wrapping Paper ကို ဖွင့်လိုက်တဲ့အချိန်မှာ သိပ်ကို ဝမ်းသာခဲ့ရပါတယ်။ နောက်ထပ်စာအုပ်တွေကတော့ ကျွန်မရဲ့ အစ်ကိုလိုဖြစ်တဲ့ သူငယ်ချင်းတစ်ယောက် ပေးတာပါ။ “မောင်လူအေး အပါအဝင် သိပ္ပံမောင်ဝ၏ ဝတ္ထုတိုဆောင်းပါးများ”၊ သာသနာရေး ဝန်ကြီးဌာနက ထုတ်ဝေတဲ့ “ဗုဒ္ဓဘာသာကောင်းတစ်ယောက်” နဲ့ ဆရာကြီး ဦးဆန်းလွင်ရဲ့ “ရတနာသုံးပါးကို ယုံကြည်ကိုးကွယ် ဆည်းကပ်လာသူတစ်ယောက် အကြောင်း” စာအုပ်တွေပါ။ ကျွန်မကို စာကောင်းပေမွန်တွေနဲ့ မိတ်ဆက်ပေးခဲ့တဲ့ အစ်ကိုရဲ့ လက်ဆောင်တွေမို့ တန်ဖိုးထားပြီး သေချာသိမ်းသွားမှာပါ။

နောင်ရက်အနည်းငယ်ကြာရင် ကျွန်မရဲ့ မောင်ငယ်လေး၂ယောက် ပို့လိုက်တဲ့ တရားခွေတွေလည်း လက်ဆောင်အဖြစ် ရောက်လာဦးမှာပါ။

အပေါ်မှာ ပြောသွားတဲ့ လက်ဆောင်တွေဟာ ဘာပစ္စည်းဆိုတာထက် ပေးသူတွေရဲ့ စိတ်စေတနာတွေ၊ လက်ဆောင်ရွေးချယ်တဲ့ ပေးတဲ့အချိန်မှာ ကျွန်မအတွက် သေချာစဉ်းစားပြီးမှ ပေးခဲ့တာတွေကြောင့် ဝမ်းသာကြည်နူးရတာပါ။

Blog မောင်နှမတွေ
(ရေးသူရော ဖတ်ပေးသူရော) ထဲက ကျွန်မကို မွေးနေ့ဆုတောင်းတွေ ပို့ခဲ့ကြတဲ့ မမအိမ့်ချမ်းမြေ့မောင်လေး အောင်ဦး၊ မောင်လေး သုခမောင်လေး Black Dreamကိုရွာသားလေး (YTU)မ Apprenticeshipကို July Dreamကိုသီဟသစ်မောင်လေး ဖိုးသင်္ကြန်မောင်လေး မောင်တေလေ၊ မောင်လေး ဌေးနိုင်ထွန်း၊ ကိုဥာဏ်ဝင့်အောင်၊ ညီမလေး Green Girl၊ ညီမလေး ကြည်ကြည်ဝင်း၊ ညီမငယ် Pink Goldအစ်ကို ကိုဝင်းဇော်မောင်လေး ပုလုမောင်လေး ဝေဖြိုး၊ Uncle a2z၊ ညီမငယ်လေး ဂျစ်တူး၊ ညီမငယ် ဝေလေးနဲ့ ညီမငယ် ရွှန်းမီတို့ကို ကျေးဇူးအထူးတင်ပါတယ်လို့ ဒီမှာ ထပ်ပြောပါရစေနော်း)

ကျွန်မရဲ့မွေးနေ့လေး ငြိမ်းငြိမ်းချမ်းချမ်း ပြည့်ပြည့်စုံစုံနဲ့ ပြီးစီးသွားအောင် မေတ္တာတွေပေးခဲ့ကြတဲ့ သူငယ်ချင်း ညီအစ်ကိုမောင်နှမတွေကို ကျေးဇူးတင်ကြောင်း အလေးအနက်ပြောရင်း အားလုံးလည်း မွေးနေ့ပေါင်းများစွာကို အသက်ရှည်ကျန်းမာ ပျော်ရွှင်စွာနဲ့ ဖြတ်သန်းနိုင်ပါစေလို့ ဆုတောင်းပေးလိုက်ပါတယ်ရှင်…

(ဆက်ဖတ်ချင်ရင်...း)