မမတို့ရဲ့ အိတ်ထဲမှာ

ယောက်ျားလေးတွေ ကို တခါတခါ အားကျမိပါတယ်။ အပြင်သွားမယ်ဆိုရင် သူတို့ (အထူးသဖြင့် လူငယ်ပိုင်းတွေ) အတွက် ပိုက်ဆံအိတ်လေး ခါးကြားညှပ်ပြီး ပေါ့ပေါ့ပါးပါး ထွက်သွားရုံပါပဲ။ သက်သက်သာသာ ရှိလို့ပါ။ ကျွန်မတို့ မိန်းကလေး တော်တော်များများ မှာတော့ သူတို့ကိုင်တဲ့ wallet ထက် ၁၀ ဆလောက်ကြီးတဲ့ အိတ်တလုံးလောက်မှ မပါရင်ဘဲ အပြင်ထွက်လို့ မဖြစ်တော့သလိုပါပဲ။ ဒါပေမယ့် အဲဒီလိုပြောလို့ မကိုင်နဲ့တော့လေဆိုရင်လည်း မနေနိုင်ပါဘူး။ ဘာလို့လည်းဆိုတော့ ကျွန်မအတွက် အိတ်ထဲမှာ ထည့်ထားတဲ့ ပစ္စည်းတိုင်းက လိုအပ်တယ်လို့ ထင်နေမိလို့ပါ။ ဒါကလည်း အရာရာကို ကြိုတွေးပြီး ဟိုဟာလည်း လိုကောင်းရဲ့... ဒီဟာလည်း အရေးကြီးတယ် ထင်ပါရဲ့ ဆိုပြီးတွေးတတ်တဲ့ မိန်းကလေး သဘာဝပဲ ထင်ပါရဲ့နော်။

ကျွန်မ ၁ဝတန်းအောင်ခါစကလေးမှာ သူငယ်ချင်းရဲ့မွေးနေ့ကို သွားဖို့ အမေက ကျွန်မလွယ်သွားမယ်ဆိုတဲ့ အိတ်ကလေးကို ပထမဆုံးအကြိမ် ပြင်ဆင်ပေးပါတယ်။ မှတ်မှတ်ရရ အနီရောင်လေး (အခုထိ ရန်ကုန်အိမ်မှာ ရှိပါသေးတယ်)။ အမေက “မိန်းကလေးဆိုတာ အိတ်ကို ဒီလိုသပ်သပ်ရပ်ရပ်လေး ထည့်ရတယ်” ဆိုပြီး ပစ္စည်းလေးတွေ ထည့်ပေးခဲ့ပါတယ်။ ကျွန်မမှတ်မိတာက ပိုက်ဆံအိတ် (Wallet) လေးရယ် Tissue ထုပ်လေးရယ်ပါပဲ။ တခြားပစ္စည်းလေး တစ်ခုနှစ်ခုလည်း ပါပေမယ့် ဘာတွေလည်းဆိုတာ မမှတ်မိတော့ပါဘူး။ အခုချိန်ထိ ကိုယ့်အိတ်ကို ပြန်ရှင်းရင် သပ်ရပ်အောင် စီထည့်မိရင် အဲဒီအချိန်လေးကို သတိရနေတုန်းပါပဲ။ အဲဒီတုန်းက အိတ်ထဲက ပစ္စည်းလေးတွေက သိပ်ရိုးရှင်းခဲ့ပေမယ့် အခုတော့ ပုခုံးနာလောက်အောင် လေးတဲ့အထိ အိတ်ထဲက ပစ္စည်းတွေ များနေခဲ့ပါပြီ။ ကျွန်မလိုပဲ အိတ်အလေးကြီးတွေ လွယ်နေမိကြတဲ့ အစ်မတွေ ညီမတွေအတွက် ဟိုတလောက ဖတ်ဖြစ်တဲ့ Maria Garcia ရဲ့ What's in Your Purse ဆိုတဲ့ ပို့စ်လေးထဲက ဖတ်မိတဲ့ အချက်တွေကို ဆီလျော်အောင် ဘာသာပြန်ပြီး ဝေမျှလိုက်ပါတယ်။

Maria Garcia ပြောထားတာက "In Your Purse" ဆိုတဲ့ စာအုပ်ကို ရေးခဲ့တဲ့ Kelly Styring ရဲ့စကားအရဆိုရင် (အမျိုးသမီးတွေရဲ့) လက်ကိုင်အိတ်တွေဟာ ပျမ်းမျှအားဖြင့် ၃.၄ ပေါင် အလေးချိန်ရှိပြီး ပစ္စည်း ၆၇ ခုလောက် ပါပါတယ်တဲ့ (ဟိုးသေးသေးမွှားမွှား ပစ္စည်းလေးတွေ အထိရေတွက်ကြည့်လို့ ထင်ပါတယ်)

သူ လက်ကိုင်အိတ်အသစ် ဝယ်တဲ့အခါမှာ အိတ်ရဲ့လေးချိန်ကိုပါ ထည့်တွေးစရာတစ်ခုအဖြစ် စဉ်းစားပြီး သားရည်နဲ့ချုပ်တာတွေထက် အဝတ်နဲ့ချုပ်ပြီး သတ္တုကြိုးတွေ အခြားသတ္တုအမာတွေ လေးပင်တာတွေ မပါတဲ့အိတ်မျိုးကို ရွေးဝယ်ပါတယ်တဲ့။ သူ့ရဲ့ ပိုက်ဆံထည့်တဲ့ Wallet လေးဟာလည်း အဝတ်နဲ့ချုပ်ထားတဲ့ ပေါ့ပေါ့သေးသေးလေးပါပဲလို့ ဆိုပါတယ်။

နောက် အိတ်ထဲမှာ ထည့်ထားသမျှကို တကယ်သုံးဖြစ်ရဲ့လားဆိုတာ ဆန်းစစ်ကြည့်ဖို့ ပလတ်စတစ်အိတ် အကြည်လေး အိတ်ထဲမှာ ထည့်ထားကြည့်ဖို့ ပြောပါတယ်။ နှစ်ပတ်အတွင်းမှာ ကိုယ်တကယ်သုံးတဲ့ ပစ္စည်းတွေကို (လက်ကိုင်အိတ်ထဲက) ပလတ်စတစ်အိတ်လေးထဲ ထည့်ထည့်သွားရမှာပါ။ မသုံးတာတွေကိုတော့ ပလတ်စတစ်အိတ်ရဲ့ အပြင်ဘက် လက်ကိုင်အိတ်ထဲမှာပဲ ထည့်ထားရပါမယ်တဲ့။ နှစ်ပတ်အကြာမှာတော့ ပလတ်စတစ်အိတ်ထဲမှာ ရှိနေတဲ့ အရာတွေက လက်ကိုင်အိတ်ထဲမှာ အမြဲထည့်ထားသင့်တာတွေ ဖြစ်ပြီး ကျန်တာတွေက ထုတ်ပစ်လို့ ရတာတွေပါတဲ့။ (အိတ်ထဲက ပစ္စည်းတွေ တကယ်လိုမလို မသေချာတဲ့ သူတွေအတွက် တကယ်အသုံးဝင်နိုင်တဲ့ နည်းလေးပါ။)

လက်ကိုင်အိတ်တစ်လုံးထဲမှာ မရှိမဖြစ်ပါရမယ့် ပစ္စည်းစာရင်းကိုလည်း သူက ပေးထားပါသေးတယ်။

• ပိုက်ဆံအိတ် (Credit Card တွေ၊ ATM Card တွေ၊ ID Card၊ ပိုက်ဆံ နဲ့ ကိုယ့်အတွက် အရေးကြီးတဲ့ ဓာတ်ပုံလေးတွေ)
• ဘဏ်ချက်စာအုပ် (သုံးတတ်တဲ့ သူတွေ အတွက်ပါပဲ။ ကျွန်မတော့ မသုံးနိုင်ပါဘူးး))
• သော့တွေ (တခါက နေမကောင်းလို့ Medical Leave ယူထားတဲ့နေ့ စားစရာမရှိတာနဲ့ အိမ်အောက်က ဆိုင်လေးမှာ ဆင်းဝယ်တာ သော့ကျန်ခဲ့လို့ ၂နာရီလောက် အတူနေသူငယ်ချင်းတွေ ရုံးဆင်းအလာကို ထိုင်စောင့်ရတာကို သတိရလိုက်ပါသေးတယ်)
• မျက်မှန်၊ နေကာမျက်မှန် (ဆောင်တတ်သူတွေ အတွက်ပါ)
• ဖုန်း နဲ့ PDA (သုံးကြသူတွေ အတွက်ပါ)
• နှုတ်ခမ်းနီ နဲ့ ပေါင်ဒါ compact လေးတစ်ခု
• သွားကြားညပ်ရင်သုံးတဲ့ ကြိုးလေးတွေ (မလိုအပ်သလိုလိုနဲ့ အခန့်မသင့်လို့ သွားကြားညပ်ရင် နေရခက်သားနော်)
• ခံတွင်းနံ့ကို ကောင်းစေတဲ့ ပူရှိန်းလေးတွေ
• တစ်ရှူးထုပ်သေးသေးလေး (ဒါလေးကတော့ ကျွန်မအတွက် မရှိမဖြစ်လေးပါ)

လူတစ်ကိုယ် အကြိုက်တမျိုးဆိုတော့ အပေါ်က အချက်တွေထဲက တချို့နဲ့ ကိုယ့်အကြိုက်မကိုက်ညီတဲ့ သူတွေလည်း ရှိမှာပါပဲ ။ သတ္တုကြိုးလေးတွေကို ကြိုက်တဲ့သူကလည်း “လေးပါစေ... လှလို့ လွယ်မှာပဲ” လို့ တွေးမိမှာပါပဲ။ မိန်းကလေးအချင်းချင်းဆိုတော့ အပြစ်ကို မတင်ပါဘူး။ အပြည့်ဝ နားလည်ပါတယ်း)) (ကိုယ်လည်း တခါတလေ လုပ်မိတာကိုးး)) ကျွန်မဖတ်ရင်းသဘောကျမိလို့ ဖတ်မိတဲ့ အစ်မ ညီမတွေ သူတို့တွေအတွက် အသုံးဝင်မယ့် အချက်လေးတွေများ ရကြမလားလို့ ဝေမျှလိုက်တာပါ။ ဒီပို့စ်လေး ရေးပြီးရင် ကိုယ့်အိတ်ကိုလည်း ရှင်းလင်းရေး ပြန်လုပ်လိုက်ပါဦးမယ်။ လွန်ခဲ့တဲ့ ၁၀နှစ်လောက်က ပထမဆုံးလက်ကိုင်အိတ်ကလေး သူထည့်ပေးခဲ့တဲ့ ကောင်မလေးရဲ့ လက်ရှိအိတ်ကို အမေမြင်ရင်တော့ ဘာပြောမလဲမသိဘူးနော် ...း) အားလုံး သက်တောင့်သက်သာ ပေါ့ပေါ့ပါးပါး အိတ်ကလေးတွေနဲ့ အလှကြီး လှနိုင်ကြပါစေရှင်...