ချစ်သူ(၃)ယောက်

ဒီဇာတ်လမ်းထဲက ဇာတ်ကောင်တွေဟာ မိန်းကလေးအားလုံးကိုရော ယောက်ျားလေး အားလုံးကိုပါ ကိုယ်စားမပြုကြောင်း ပြောချင်ပါတယ်။ ဇာတ်လမ်းထဲက လူ(၄)ယောက်ရဲ့ အကြောင်းအနေနဲ့ပဲ ဖတ်ကြည့်ပေးပါနော်။ (တော်ကြာ ဒီအပျိုကြီး ယောက်ျားလေးတွေအပေါ် အဆိုးမြင်လိုက်တာ ဖြစ်မှာစိုးလို့ပါး)) ပြီးတော့ ဒီဇာတ်လမ်းထဲမှာ အတုယူချင်စရာ Character တစ်ခုမှာ မပါကြောင်းကိုလည်း ကြိုတင်ပြီးဝန်ခံထားချင်ပါတယ်။ ရသတစ်ခုအနေနဲ့ပဲ ရေးလိုက်တာပါ။ အားလုံး ချစ်သူ(၁)ယောက်ထဲကိုပဲ သစ္စာရှိရှိ မြတ်နိုးနိုင်ကြပါစေ။ ဖတ်ရှုဝေဖန် ပေးကြပါဦးရှင်...း)

ကျွန်တော့မှာ ချစ်သူ(၃)ယောက်ရှိတယ်ဗျ။ ဟားဟား တော်တော်ရှုပ်တဲ့ကောင်လို့ ပြောမလို့ မှတ်လား။ ရှုပ်တော့ မရှုပ်ချင်ပါဘူးဗျာ။ ဒါပေမယ့် ခံစားချက်ကရှိလာသလို ကံအကြောင်းတရားကလည်းဖန်လာတော့ အဲဒီလိုဖြစ်သွားတာပဲဗျာ။ ကျွန်တော့ ကုသိုလ်ပေါ့ ဟဲဟဲ။ တချို့တွေက “မိုးယံက သိပ်ရှုပ်တယ်” လို့ ကွယ်ရာမှာ ပြောကြတယ်။ တချို့သူငယ်ချင်းတွေကတော့ “မိုးယံက တော်တော်စွံတဲ့ကောင်ကွာ။ အားကျလိုက်တာ” လို့ ပြောကြတယ်။ ဘယ်သူတွေ ဘာပဲပြောပြော ကျွန်တော်ကတော့ ကိုယ်စိတ်ချမ်းသာသလိုပဲ နေလိုက်တာပဲ။ ပြီးတော့ ကျွန်တော့ အသည်းကနုနုလေးဗျ။ သနားစရာ ကြင်နာစရာ သံယောဇဉ်တွယ်စရာဆို မျက်နှာမလွှဲရက်လို့ပါ။ ကျွန်တော့ ကောင်မလေးတွေလား... ဒီအကြောင်းကို ဘယ်သိပါ့မလဲ။ သိလို့လည်း ဘယ်ဖြစ်မလဲ။ (၃)ယောက်ကို အမျိုးမျိုးလှည့်စားပြီး ဖုံးကွယ်ထားတာ မဟုတ်ရပါဘူးဗျာ။ သူတို့က သူတို့အပြင် တခြားတစ်ယောက် ရှိသေးလားလို့ မေးကို မမေးတာ။ မမေးတော့ ကျွန်တော်လည်း မပြောဘူးပေါ့ဗျာ။ ကျွန်တော် မလွန်ပါဘူးနော်။ ကျွန်တော့ကောင်မလေးတွေ အကြောင်းလား။ ပြောပြမှာပေါ့ဗျာ...

ပထမဆုံး ပြောပြမယ့်သူလေးက “ချိုငယ်” တဲ့။ ကလေးလေးဗျ။ ကျွန်တော့ထက် အများကြီးငယ်တယ်။ ကျွန်တော့ကို ချစ်တဲ့နေရာမှာတော့ ကျန်တဲ့(၂)ယောက်က သူ့ကိုလိုက်လို့ကို မမှီဘူး။ “Babe” လို့ခေါ်လိုက်တာနဲ့ သူ့မှာ ပြာနေတော့တာပဲ။ ကျွန်တော့အတွက်ဆို ဘာမဆို အဆင်သင့်။ ညဘက်ဖုန်းဆက်ပြီး စိတ်ညစ်တဲ့အကြောင်းတွေ မိုးလင်းပေါက် ပြောမလား... နားထောင်ပေးတယ်။ ကျွန်တော်စိတ်တိုလို့ အော်မိငေါက်မိရင်လည်း မျက်နှာငယ်လေးနဲ့ ငုံ့ခံနေတာပဲ။ တကယ် ချစ်ဖို့လည်းကောင်း သနားဖို့လည်းကောင်းတဲ့ ကလေးလေး။ ချစ်စရာကောင်းတဲ့ စကားလေးတွေပဲ ပြောတတ်ပြီး အမြဲလိုလို ချွဲနွဲ့နေတတ်တဲ့ သူနဲ့ရှိနေတိုင်း ဘ၀အမောတွေ သောကတွေ ငြိမ်းနေတတ်လို့ အခုချိန်မှာ သူ့ကို ကျွန်တော် ဘယ်လိုနည်းနဲ့မှ မစွန့်လွှတ်နိုင်သေးဘူးဗျာ...

နောက်တစ်ယောက်ကတော့ သူငယ်ချင်းချစ်သူလေးပေါ့။ “စိမ်းနွယ်”တဲ့။ သူနဲ့က ငယ်ငယ်လေးကတည်းက သူငယ်ချင်း။ အမြဲတတွဲတွဲနေရာက ဘယ်လိုကနေ ချစ်သူဖြစ်သွားမှန်းတောင် မမှတ်မိလိုက်ပါဘူး။ သူကျွန်တော့ကို ချစ်နေတာလည်း သိနေတော့လေ။ သူနဲ့ကတော့ ချစ်တယ်ဆိုတာထက် သူငယ်ချင်းသံယောဇဉ်က ပိုပါတယ်။ ဒါကြောင့်လည်း လွယ်လွယ်နဲ့ မခွဲနိုင်တာ။ သူ့ကို တကယ်စိတ်မဆင်းရဲ စေချင်ဘူးဗျာ။ “စိမ်းနွယ်”က “ချိုငယ့်”လိုသာ ရင်ထဲက အချစ်ကို သိပ်မပြတတ်တာ ကျွန်တော့အပေါ် သူငယ်ချင်းတစ်ယောက်လိုရော ချစ်သူတစ်ယောက်လိုပါ တာဝန်ကျေရှာတယ်။ ထက်လဲသိပ်ထက်တယ်။ သူနဲ့ကျွန်တော် ကျောင်းမှာအတူတူတွဲလုပ်တဲ့ (ကျွန်တော်ကျွမ်းကျင်ပြီးသား) Project တွေဆို သူတစ်ယောက်ထဲပဲ လုပ်သွားတာ။ ကျွန်တော်တခြား ဘာသာတွေမှာ အာရုံစိုက်နိုင်အောင်တဲ့။ ကျွန်တော် အရင်ကထက် စာပိုတော်လာတာလည်း “စိမ်းနွယ်”ရဲ့ ကျေးဇူးတွေ အများကြီးပါတယ်ဗျ။ ခက်တယ်ဗျာ။ “စိမ်းနွယ်”ကိုလည်း အခုထိ မခွဲနိုင်သေးဘူး...

နောက်ဆုံးတစ်ယောက်... နောက်ဆုံးတစ်ယောက်ကတော့ သူ့အကြောင်း တွေးရင်းတောင် ရင်တွေခုန်လာတယ်။ “မြ” ဆိုတဲ့ သိပ်လှတဲ့ ကောင်မလေး တစ်ယောက်ပေါ့ဗျာ။ တကယ်ပါ။ ကျွန်တော့တသက် မြင်ဖူးသမျှ မိန်းကလေးတွေထဲမှာ “မြ”လောက်လှတာ တစ်ယောက်မှ မရှိဘူး။ နောင်လည်း ရှိလာမယ် မထင်ဘူး။ “ဆံစကနေ ခြေဖျားအထိ အပြစ်ကင်းလွန်းတဲ့ မိန်းကလေးရယ်” ဆိုတဲ့ သီချင်းစာသားက “မြ” တစ်ယောက်ထဲအတွက် ရေးထားတာဆိုရင်တောင် ကျွန်တော်ယုံမိမှာပဲ။ “မြ”ကိုစတွေ့တုန်းက အရာအားလုံးကို ကျွန်တော် မေ့သွားတယ်ဆိုတာ မှတ်မိနေသေးတယ်။ “မြ”ကို ချစ်သူဖြစ်ခွင့်ရတဲ့နေ့ကဆို ကျွန်တော်လေ... ပျော်လိုက်တာမှ မိုးမမြင်လေမမြင်... အိပ်မက်လို့တောင် ထင်ခဲ့မိတယ်။ “မြ”မျက်လုံးတစ်ချက် ဝေ့ကြည့်လိုက်ရင် သူလိုချင်တာမှန်သမျှ ကျွန်တော်လုပ်မပေးနိုင်တာ မရှိစေရဘူး။ သူ့အတွက်ဆို ဘာမဆိုစွန့်လွှတ်နိုင်တယ်။ ဟုတ်ပါတယ်ဗျာ။ ကျွန်တော် ၀န်ခံပါတယ်။ “မြ”နဲ့မှ ကျွန်တော်တကယ် ချစ်တတ်ခဲ့တာပါ။ အမှန်အတိုင်း ပြောရရင် ကျွန်တော်ပြည့်စုံတဲ့တစ်နေ့ အိမ်ထောင်ပြုခဲ့ရင်လည်း “မြ”ကိုပဲ လက်ထပ်ဖို့ ဆုံးဖြတ်ပြီးသားပါ။ ကျန်တဲ့(၂)ယောက်ကို စွန့်လွှတ်ဖို့အတွေးမျိုး ကျွန်တော်တွေးခဲ့ဖူးပေမယ့် “မြ”နဲ့ပတ်သက်ရင်တော့ အဲဒီလိုအတွေးမျိုး ယောင်လို့တောင် မတွေးရဲဘူး။

ကျွန်တော့ကို တော်တော် အတ္တကြီးတဲ့ကောင်လို့ ပြောရင်လည်း ခံရမှာပဲဗျာ။ “ချိုငယ်”နဲ့“စိမ်းနွယ်” အပေါ် မတရားရာရောက်ပေမယ့် ကျွန်တော်“မြ”ကိုပဲ ရွေးပါရစေ။ ကျွန်တော်က “မြ”ကိုပဲ ချစ်တာလေ...

ချိုငယ်

ငယ့်မှာ မိသားစု(၃)ယောက်ရှိတယ်။ ဖေဖေရယ် မေမေရယ် ကိုကိုရယ်ပေါ့။ ဟုတ်... ငယ်က တစ်ဦးတည်းသော သမီးပါ။ ကိုကိုဆိုတာ ငယ့်ရဲ့ချစ်သူကိုပြောတာ။ ဖေဖေနဲ့မေမေကလွဲရင် ငယ့်ဘ၀မှာ အတွယ်တာရဆုံးသူမို့လို့ ပြီးတော့ တစ်နေ့မှာ ငယ်တို့ မိသားစုဘ၀ထဲကို ၀င်လာတော့မယ့်သူမို့လို့ ကိုကို့ကိုပါ ထည့်ပြောလိုက်တာပါ။ အဲဒီလိုမျိုးတွေကြောင့်လားတော့ မသိဘူး... သူငယ်ချင်းတွေကပြောတယ် “ငယ်... နင်ဒါနဲ့ပဲ ရူးလိမ့်မယ်”တဲ့။ ကိုကိုနဲ့ ပတ်သက်ရင် ငယ်သိပ်ရူးတာ ၀န်ခံပါတယ်။ တခါတလေ ကိုကိုငယ့်ကို နိုင်စားတာလဲ သိသားပဲ။ ဒါပေမယ့် ငယ်က အချစ်ဆိုတာ ပေးဆပ်ခြင်းလို့ ယုံကြည်တယ်လေ။ ပြီးတော့ ကိုကိုငယ့်ကို တကယ်ချစ်တာလည်း ငယ်ယုံတယ်။ ကိုကို့မျက်လုံးတွေထဲမှာ တွေ့နေရတာပဲ။ သူငယ်ချင်းတွေကပြောတယ် ကိုကို့ကို တခြားကောင်မလေးတွေနဲ့ အပြင်မှာ တွေ့တယ်တဲ့။ ငယ်မေးတော့ မေးကြည့်ချင်တယ်။ ကိုကို စိတ်ဆိုးမှာလည်း ကြောက်တယ်။ အို ဘာပဲဖြစ်ဖြစ် အဲဒါသူ့သူငယ်ချင်းတွေပဲ နေမှာပါ။ ဟိုနေ့ကတောင် “စိမ်းနွယ်”ဆိုတဲ့ အစ်မကြီး ဓာတ်ပုံကို ကိုကို့ computer ထဲမှာတွေ့တော့ စိတ်ပူသွားသေးတယ်။ နောက် သူတို့ကျောင်းက Group Photo မြင်မှ စိတ်အေးသွားတယ်။ အဲဒါမျိုး သူငယ်ချင်းတွေပဲ ဖြစ်မှာပေါ့။ ကိုကို ခေါင်းရှုပ်မှာ စိုးလို့ မမေးတော့ပါဘူး။ ကိုကို စိတ်ညစ်ရင် ငယ့်ဆီပဲ အမြဲဖုန်းဆက်တာ။ ငယ့်ကိုပဲ ရင်ဖွင့်တာ။ တခါတလေ တစ်ညလုံးတောင် ထိုင်ပြောနေရော။ သူ့မှာ တခြားကောင်မလေးတွေရှိရင် ငယ့်ကို ဘယ်လိုလုပ်ပြီး ဒီလိုအချိန်ပေးနိုင်မှာလဲနော်။ ငယ်ကြားစကားတွေ မယုံပါဘူး။ ကိုကို့ကို ချစ်တာပဲသိတယ်...

စိမ်းနွယ်

ကျွန်မဘ၀မှာ အတွယ်တာဆုံး သက်ရှိ (၃)ယောက်ရှိပါတယ်။ ကျွန်မကို ငယ်ငယ်တည်းက စောင့်ရှောက်လာတဲ့ ကြီးကြီးရယ်၊ ကျွန်မအချစ်ဆုံးခွေးလေး ပူစူးရယ်၊ မောင်ရယ်ပေါ့။ အင်း... မိုးယံကို “မောင်”လို့ ကျွန်မစိတ်ထဲမှာပဲ ခေါ်ရဲတာပါ။ သူကခေါ်စေချင်ပေမယ့် နင်တွေငါတွေနဲ့ ပြောနေကျလူကို အဲဒီလိုမျိုးကြီးခေါ်ဖို့ ကျွန်မတကယ်ရှက်လို့ပါ။ မိုးယံက မကျေနပ်ပေမယ့် ကျွန်မရှက်မှန်းသိလို့ ဘာမှထပ်မပြောတော့ပါဘူး။ အကြောင်းသိတဲ့ သူငယ်ချင်းတွေက ပြောကြတယ်။ “နင် အဲဒီလို အေးတိအေးစက် နေနေရင် မိုးယံသူများနဲ့ ပါသွားလိမ့်မယ်”တဲ့။ သူတို့ပြောသလို တကယ်ကိုပါသွားပြီဆိုတာ ကျွန်မရိပ်မိပါတယ်။ မိုးယံမျက်နှာကို အရိပ်လို ကြည့်နေတဲ့ကျွန်မ သူ့ခြေလှမ်းတွေပျက်နေတာ သိတာပေါ့။ မေးပြန်ရင်လည်း သူစိတ်ညစ်ရသလို ကျွန်မလည်း နာကျင်ရဦးမှာမို့လို့ မသိချင်ယောင်လေးပဲ ဆောင်နေလိုက်ပါတယ်။ နှစ်ပေါင်းများစွာ နှောင်တွယ်ခဲ့တဲ့ သူငယ်ချင်းသံယောဇဉ်လေး အားကိုးနဲ့ ငါ့ကို ပြစ်မသွားလောက်ပါဘူးလေလို့ ကိုယ့်ကိုကိုယ် ဘယ်လိုပဲ အားပေးပေမယ့် တစ်နေ့မှာ သူကျွန်မကို ထားသွားတော့မယ်ဆိုတာ သိနေသလိုလိုပါပဲ။ ထားခဲ့ပါမိုးယံရယ်...။ ငါတိတ်တိတ်လေးပဲ ကျန်နေခဲ့မှာပါ။ အဲဒီ ခွဲခွာချိန်မှာတောင် ငါ့အချစ်တွေကို နင်မြင်နိုင်စွမ်းရှိအောင် မပြနိုင်ခဲ့တဲ့ ငါ့ရဲ့အားနည်းချက်အတွက် မျက်ရည်မကျမိ အောင်တော့ အခုထဲက ငါ့လေ့ကျင့်ထားပြီးသားပါ။ နင်ပျော်နေရင် ငါအရာအားလုံးကို နားလည်ကျေနပ်တယ်... မောင်...

မြ

ကျွန်မဘ၀မှာ ကျွန်မနာမည်ထက် ပိုပြီးကြားရတဲ့ စကားတစ်ခွန်းရှိတယ်။ “သိပ်လှတာပဲ”တဲ့။ အလှကြိုက်တဲ့ ကျွန်မကလည်း အဲဒီစကားကို ကျွန်မနံမည်ထက်တောင် ပိုမက်မောတယ်ရှင့်။ “မိန်းမတို့ရဲ့ဥစ္စာဟာအဆင်း” ဆိုတာကို ကျွန်မက အတိအကျ လက်ခံထားတာလေ။ ပြီးတော့ လူတွေဟာ ရုပ်ချောတဲ့လူဆိုရင် တော်ရုံပြစ်ချက်တွေကိုတောင် မြင်ကြတော့တာမှ မဟုတ်တာ။ မနေ့ကတောင် ကျွန်မချစ်သူမိုးယံက “မြ ကိုသာ ထိုင်ကြည့်နေရမယ်ဆိုရင် မောင် လေမရှုဘဲနဲ့တောင် အသက်ဆက်ရှင်နိုင်မယ် ထင်တယ်” လို့ တဖွဲ့တနွဲ့ ပြောနေသေးတယ်။ ဟားဟား သိပ်ပိုတဲ့မိုးယံ။ ပြောသာပြောရတာ ယောက်ျားလေးပေါင်းများစွာရဲ့ ချည်းကပ်ခြင်းကို ခံရဖူးတဲ့ကျွန်မ... မိုးယံကျွန်မကို ချစ်တာကိုတော့ တကယ်ယုံပါတယ်။ ဘယ်လောက်အထိ လေးနက်လဲဆိုတာကိုသာ မခန့်မှန်းဖြစ်တာ။ ကျွန်မအလှကို အမြတ်တနိုးငေးကြည့်တတ်တဲ့ သူ့မျက်လုံးတွေကို ကျွန်မသိပ်သဘောကျတာပဲ။ အဲဒီမျက်လုံးတွေကြောင့်ပဲ ကျွန်မသူ့ကို ချစ်သူအဖြစ်လက်ခံခဲ့မိတာ ထင်ပါရဲ့။ ပြီးတော့ ယောက်ျားပီသတဲ့ သူ့မျက်နှာချောချောလေးကြောင့်လည်း ပါတာပေါ့လေ။ ဒီလောက် အပြောကောင်းပြီး ရုပ်ချောတဲ့ ကောင်လေးမှာ ကျွန်မအရင် ချစ်သူမရှိဖူးတာတော့ မဖြစ်နိုင်ပါဘူး။ ရှိမှာပါပဲ။ ကျွန်မကို အချစ်ရိပ်တွေနဲ့ ငေးကြည့်နေတတ်တဲ့ သူ့မျက်လုံးတွေထဲမှာ တခါတလေလျှို့ဝှက်ချက် တစ်ချို့ကို ကျွန်မ တွေ့ရသလိုပဲ။ ထားပါတော့လေ။ သူ ကျွန်မကို အပျော်သဘောထားတယ် ဆိုရင်လည်း ကိစ္စမရှိပါဘူး။ ကျွန်မလည်း သူ့ကိုရာသက်ပန်တွေ ထာဝရတွေနဲ့ ရည်ရွယ်ထားတာမှ မဟုတ်ပဲ။ ကျွန်မက အိမ်ထောင်ပြုဖို့ စဉ်းစားရင်လည်း အချစ်ဆိုတာကို သိပ်ထည့်စဉ်းစားနေမယ့်သူမျိုးမှ မဟုတ်တာ။ သူနဲ့အတူရှိနေရတာ ပျော်လို့ ပျော်နေသေးသရွေ့တော့ စိတ်ချမ်းသာအောင် နေလိုက်ဦးမယ်လေ။ ကျွန်မအလှကို ကျွန်မယုံတာကြောင့် သူကျွန်မကို ဘယ်တော့ဖြတ်သွားမှာလဲ ဆိုတာကိုတော့ မမှန်းတတ်သေးဘူး။ အင်း... လိုအပ်ရင်တော့ ကျွန်မကပဲ.... ကဲ ကဲ ထားလိုက်ပါတော့လေ။ ကျွန်မ Beauty Salon မှာ ဆံပင်ပေါင်းသွားတင်ဖို့ အချိန်တောင်ရောက်ပြီပဲ။ အဲဒါကြောင့် ကျွန်မက ချစ်သူနဲ့တွေ့ဖို့ထက် Beauty Salon ကိုသွားဖို့ ပိုအလေးထားတယ်လို့ ကျွန်မချစ်သူတွေက ပြောတတ်ကြတာ။ ရှင်... ဟုတ်တယ်... ကျွန်မချစ်သူတွေလေ... သြော်... ပြောဖို့မေ့သွားလို့... ကျွန်မမှာ ချစ်သူ(၃)ယောက်ရှိတယ်ရှင့်...

ရွှေပြည်သူ
(၂၉.၀၅.၂၀၀၈ ~ မနက် ၂း၃၀ နာရီ)

(ဆက်ဖတ်ချင်ရင်...း)

(ပြန်ပိတ်ပေးပါဦးး)

ပြောပြချင်တာလေးပါ

ဒီနေ့ cbox မှာ ကျွန်မရဲ့ပို့စ်အဟောင်းလေးတစ်ခုဖြစ်တဲ့ ရယ်ဖို့သက်သက်ပါ(၂) နဲ့ပတ်သက်ပြီး Message လေး ရခဲ့ပါတယ်။ လာဖတ်ပေးသွားတဲ့ A Thit Ka Lay ဆိုတဲ့သူ ထားခဲ့တာပါ။ Message လေးကို ဖတ်ပြီး သူ့ကို ပြောပြချင်တာလေးတွေရှိလို့ ဒီပို့စ်လေးတင်လိုက်တာပါ။ သူ့ရဲ့ email လည်း မတွေ့ရတာကြောင့်ရော၊ ဒီပို့စ်နဲ့ ပတ်သက်ပြီး သူနဲ့ အတွေးအမြင်တူတဲ့ တခြားသူတွေရှိခဲ့ရင်လည်း ဖတ်ရအောင် ဒီမှာပဲ ရေးလိုက်ပါတယ်။ သူထားခဲ့တဲ့ Message လေးက အောက်မှာပါ။

I just get the informations of ur blog and checked ady.

Regarding ur post about the 100 facts for myanmar video, just let u know that there are lots of diffcuilties that all of u do not know. Like u do not know how they are dealing with the movie cencer association.

After u learn very well about, how difficulties while they are creating the movies, and and to get a good and qualified movies, u will b pity on our myanmar who try their best to show their abilities. Everybody has their own difficulites which cannot be spoken and shouldn't be spoken too.

Pls just praise and raise up our Myanmar ppl who are struggling and try to be the best. Just FYI. Thank u.

ပထမဆုံး A Thit Ka Lay ကို ကျွန်မ Blog ကိုလာဖတ်ပေးတဲ့အတွက် ကျေးဇူးတင်ကြောင်း ပြောချင်ပါတယ်။ ပြီးတော့ A Thit Ka Lay ပြောတဲ့ အချက်တွေကို လက်ခံပါတယ်။ မှန်လည်းမှန်ပါတယ်။ မြန်မာပြည်မှာမွေးပြီး မြန်မာရုပ်ရှင်တွေကြည့်ရင်း ကြီးပြင်းခဲ့တဲ့ ကျွန်မလည်း မြန်မာရုပ်ရှင် လောကသားတွေမှာ ဆင်ဆာတို့၊ ရိုက်ကူးတဲ့အခါမှာ ငွေကြေးစက်ကိရိယာ မပြည့်စုံမှုတို့ တွေကြောင့် အခက်အခဲပေါင်းများစွာ ရှိတာတွေကို ပရိသတ်တစ်ယောက် အနေနဲ့ အသေးစိတ် မသိသည့်တိုင်အောင် တကယ်ကို နားလည်နိုင်စွမ်းရှိပါတယ်။

အဲဒီပို့စ်လေးကို ဟာသသက်သက်အတွက်ပဲ ရည်ရွယ်ပြီး တင်ခဲ့တာပါ။ ဒါကြောင့် ခေါင်းစဉ်ကိုတောင် “ရယ်ဖို့သက်သက်ပါ(၂)”လို့ ပေးခဲ့တာပါ။ ဘယ်သူ့ကိုမှ ဝေဖန်လိုစိတ် နှိမ်ချလိုစိတ်နဲ့တင်ခဲ့တာ မဟုတ်ပါဘူး။ ပို့စ်မှာ တင်ခဲ့ကတည်းက “ဒီ Post ကိုတင်တာ မြန်မာအနုပညာရှင်တွေကို လှောင်ပြောင်လိုစိတ်နဲ့တင်တာ မဟုတ်ကြောင်းလည်း ပြောချင်ပါတယ်။ ကျွန်မအမြင်အရ မြန်မာသရုပ်ဆောင်တွေဟာ လက်ရှိကြည့်နေရတဲ့ စင်္ကာပူက သရုပ်ဆောင်တွေထက် အနုပညာအရည်အသွေး ပိုရှိပြီး အမူအရာပိုင်းမှာလည်း နိုင်ငံတကာနဲ့ယှဉ်နှိုင်တဲ့သူတွေ အများကြီးရှိတယ်လို့ ထင်ပါတယ်။ ဒီမှာပါတဲ့ အချက်တွေကတော့ ဇာတ်ကားတော်တော်များများမှာ ပါနေကျထုံးစံလိုဖြစ်နေတဲ့ အဖြစ်အပျက်တွေကို ဟာသလေးနှောပြီး ရေးထားလို့ အားလုံးလည်းရယ်ရအောင် တင်ပေးလိုက်တာပါ” လို့ရေးခဲ့ပါတယ်။ အဲဒီ အချက်(၁၀၀)ထဲမှာ မြန်မာပြည်က ရုပ်ရှင်လောကသားတွေကို အထင်သေးတဲ့၊ ရုပ်ရှင်ဇာတ်ကားတွေရဲ့ အရည်အသွေးကို ထိပါးတဲ့ အချက်တွေ မပါဘူးလို့ ယူဆလို့လည်း တင်ခဲ့တာပါ။ A Thit Ka Lay ပြောသလို အခက်အခဲတွေကြားထဲက အကောင်းဆုံးဖြစ်အောင် ကြိုးစားနေကြတဲ့ မြန်မာရုပ်ရှင်လောကသားတွေရဲ့ အရည်အသွေးအတွက် ကျွန်မဂုဏ်ယူပြီးသား လေးစားပြီးသားပါရှင်။

ဘာပဲဖြစ်ဖြစ် အဲဒီပို့စ်အတွက် အချိန်ကုန်ခံပြီး သေချာ Message ရေးပေးခဲ့တဲ့ အတွက် A Thit Ka Lay ကို အထူးကျေးဇူးတင်ပါတယ်။ ကျွန်မတင်လိုက်တဲ့ပို့စ်က ဒီလိုမျိုးတွေးထင်စရာလည်း ဖြစ်နေပါလားဆိုတဲ့ အသိတစ်ခုလည်းရသွားလို့ A Thit Ka Lay ကို ထပ်ပြီး ကျေးဇူးတင်ပါတယ်။ အခုလို ရေးရတာလည်း အဲဒီပို့စ်ကို တင်ရတဲ့ ရည်ရွယ်ချက်ကို လာဖတ်ပေးတဲ့သူအားလုံး ရှင်းရှင်းလင်းလင်း သိစေချင်တာကြောင့် တင်လိုက်တာပါ။ အားလုံးရဲ့ အချိန်တွေအတွက် ကျေးဇူးတင်ပါတယ်ရှင်...

(ဆက်ဖတ်ချင်ရင်...း)

(ပြန်ပိတ်ပေးပါဦးး)

အဲဒီည

အဲဒီည
အပြစ်တွေကို
နောက်ဆုံးအကြိမ်ဆေးကြောတာလား
ဒဏ်ရာသစ်တွေကို
မပြောက်ဆုံးခင်တူးဖော်တာလား
ဝေခွဲမရတဲ့...ည။

အဲဒီည
ကောင်းကင်ကို မော့ကြည့်တိုင်း
ဖျော့တော့တော့ကြယ်တွေအစား
စကားလုံးဝိုင်းဝိုင်းတချို့ကိုသာ
အတွေးမှာ မြူတွေဆိုင်းနေတဲ့ကြားက
သေချာ... မြင်ခဲ့ရတဲ့ည....။

အဲဒီည
နှုတ်ဖျားပေါ်ကရယ်သံနဲ့
ရင်ဘတ်ထဲက ငိုညည်းသံ
ဌာန်ကရိုင်းကျစွာ
ထပ်တူထပ်မျှ ဖြစ်ခဲ့တဲ့... ည။

အဲဒီည...
အဲဒီညမှာ...
ရန်သူမရှိဘဲ
တစ်ယောက်ထဲ တိုက်တဲ့ပွဲကို
အလဲလဲ အကွဲကွဲ ရှုံးနိမ့်ခဲ့တဲ့
ခပ်ရှက်ရှက် မိန်းမတစ်ယောက်ရဲ့
အပြစ်မကင်းသော
မျက်ရည်စတွေ
တိုးတိတ်ခယစွာ
ကျခဲ့လေသတဲ့

သနားစရာ မကောင်းတဲ့
အဲ...ဒီ...ည။

ရွှေပြည်သူ
(၂၆.၀၅.၂၀၀၈ ~ ၁၁း၅၃ နာရီ)

အိပ်လို့ လုံးဝမပျော်လို့ ထရေးမိတဲ့ ကဗျာလေးပါ။ အခု ကဗျာရေးပြီးသွားတော့ အိပ်ပျော်သင့်ပါပြီလေ...း)

(ဆက်ဖတ်ချင်ရင်...း)

(ပြန်ပိတ်ပေးပါဦးး)

အကြိုက်ဆုံးသီချင်းတစ်ပုဒ်

စင်္ကာပူရဲ့ ပြီးခဲ့တဲ့ ၂၀၀၇ ခုနှစ် NDP (National Day Parade) အတွက် TV မှာ လွှင့်သွားတဲ့ သီချင်းလေးတစ်ပုဒ်ပါ။ ရေးသားသူကတော့ Jimmy Ye ဖြစ်ပြီး သီဆိုတဲ့ သူက နိုင်ငံတကာဈေးကွက်ကို အဦးဆုံး ထိုးဖောက်နိုင်ခဲ့တဲ့ Singaporean အဆိုတော်တွေထဲက တစ်ယောက်ဖြစ်တဲ့ Kit Chan ပါ။ စာသားက ရိုးရှင်းထိမိသလို Kit Chan ရဲ့အသံနဲ့ အဆိုပိုင်နိုင်မှုကြောင့် သီချင်းက ပိုအသက်ဝင်လာတယ်လို့ ထင်ပါတယ်။

သူတို့ရဲ့ NDP အတွက် ကိုယ့်မှာ ဘာခံစားချက်မှ မရှိပေမယ့် သီချင်းလေးရဲ့ လေးနက်တဲ့အဓိပ္ပါယ်က အမိမြေကိုလွမ်းတဲ့ ကိုယ့်ခံစားချက်နဲ့ ကိုက်ညီနေလို့ အရမ်းကို နှစ်သက်မိပါတယ်။ အဲဒီတုန်းက TV မှာလွှင့်တာတွေ့တိုင်း မလွတ်တမ်းလိုက်ကြည့်မိပြီး ကြည့်မိတိုင်း အမိမြေကို တမ်းတစိတ်နဲ့ မျက်ရည်ဝဲမိပါတယ်။ အကြိုက်ဆုံး စာသားလေးက “This is where my family and my friends grew up with me... So I'll cross the skies and sails the seas... To be where I wanna be” ဆိုတာလေးပါ။ အမိမြေနဲ့ဝေးနေသူတိုင်း နှစ်သက်မယ်ထင်လို့ မျှဝေပေးလိုက်ပါတယ်။ စာသားအပြည့်အစုံကိုလည်း အောက်မှာ တင်ထားပါတယ်။ နားထောင်ကြည့်ကြပါနော်...



Artist: Kit Chan
Title: There's No Place I'd Rather Be
Music and Lyrics: Jimmy Ye
NDP 2007 Theme Song

I've walked the streets of Cairo and Bombay
I've seen the neon signs on ole Broadway
I've climbed the Eiffel Tower
The Great Wall in one hour
Experienced sweet and sour but that's okay

Seen Hollywood, the sunsets in LA
The London Bridge, Big Ben, the Thames, UK
I've crossed the River Kwai
Yet still I don't know why
I think of you each night and every day

There's no place I'd rather be
You'll always be a part of me
And even though I've roamed the world
It's still my home I long to see
This is where my family
And my friends grew up with me
So I'll cross the skies and sails the seas
To be where I wanna be

There's no place I'd rather be
You'll always be a part of me
And even though I've roamed the world
It's still my home I long to see
This is where my family
And my friends grew old with me
So I'll cross the skies and sails the seas
To be where I wanna be

Cos there's no place I'd rather be...........

(ဆက်ဖတ်ချင်ရင်...း)

(ပြန်ပိတ်ပေးပါဦးး)

မြင့်မိုရ်ထက်မြင့်သော

Email ကနေ သူငယ်ချင်းပို့လိုက်တဲ့ တရုတ်နိုင်ငံရဲ့ ငလျှင်ဒဏ်ခံလိုက်ရတဲ့ ဒေသတစ်ခုက အဖြစ်အပျက်လေးပါ။ ဖြစ်ရပ်မှန်လေးလို့လည်း ဆိုပါတယ်။ စိတ်မကောင်းခြင်းကြီးစွာနဲ့ ဘာသာပြန် မျှဝေပေးလိုက်ပါတယ်။

ငလျှင်လှုပ်ပြီး တတိယမြောက်နေ့မှာပါ…။

ကယ်ဆယ်ရေးဝန်ထမ်းတွေဟာ အသက်ရှင်ကျန်ရစ်နေတဲ့ သူတွေကို ဆက်ရှာနေတုန်းပါပဲ။ တစ်မိနစ်ကုန်သွားတိုင်း အသက်ရှင်နေတဲ့လူတစ်ယောက် ရှာတွေ့ဖို့ အခွင့်အလမ်း ပိုပိုနည်းလာတယ်ဆိုတာ သူတို့သိနေပါတယ်။ သူတို့ အပြင်းအထန်ကြိုးစားပြီး အလုပ်လုပ် နေကြပါတယ်။ ငလျှင်လှုပ်ပြီးကတည်းက သူတို့ထဲက အများစုဟာ အိပ်ရေး၀၀တောင် မအိပ်ဘဲ မရပ်မနား အလုပ်လုပ် နေခဲ့ကြတာပါ။ တောင်ထူထပ်တဲ့မြို့တွေ ရွာတွေဆီကို သွားတဲ့လမ်းတွေဟာလည်း ငလျှင်ဒဏ်ကြောင့် ပျက်စီးကုန်ကြပါပြီ။ ဒါကြောင့် သူတို့မှာ ဂေါ်ပြားတွေနဲ့ သူတို့လက်တွေကလွဲလို့ ဘာစက်ပစ္စည်းမှ မရှိပါဘူး။ ဒါပေမယ့်… သူတို့ အသက်ရှင်ကျန်ရစ်တဲ့ သူတွေကို ရှာဖွေနေကြတုန်းပါပဲ။

“လာဟေ့ လာဟေ့ ဒီမှာ လူတစ်ယောက်တွေ့တယ်” ကယ်ဆယ်ရေး ၀န်ထမ်းတစ်ယောက်က အော်လိုက်ပါတယ်။ တခြားဝန်ထမ်းတွေလဲ အဲဒီနေရာကို ပြေးသွားကြတော့ အိမ်ခေါင်မိုးအပိုင်းအစကြီး တစ်ခုရဲ့အောက်မှာ အမျိုးသမီးတစ်ယောက်ကို တွေ့လိုက်ရပါတယ်။ အမျိုးသမီးက ထူးထူးဆန်းဆန်းပုံစံနဲ့ လဲနေပါတယ်။ သူမဟာ မြေပြင်ပေါ်မှာ ဒူးထောက်ထားပြီး ကိုယ်ခန္ဓာ အပေါ်ပိုင်းကတော့ အရှေ့ကိုဆန့်ထားပါတယ်။ ခေါင်းကလည်း မြေကြီးပေါ်မှာပါပဲ။ သူမအသက်ရှင်ဖို့အတွက် ဆုတောင်းနေတဲ့ ပုံစံနဲ့တူနေပါတယ်။

ကယ်ဆယ်ရေးအဖွဲ့ထဲက သူနာပြုဆရာမဟာ အပျက်အစီးတွေကြားထဲကနေ သူမရှိရာကို ကြိုးစားပြီးသွားပါတယ်။ သိပ်ကို ခက်ခဲပါတယ်။ နေရာလွတ်လည်း မရှိပါဘူး။ သူတို့ရဲ့ခေါ်သံတွေကိုလည်း သူမဆီက ဘာမှမတုန့်ပြန်ပါဘူး။ ဒါပေမယ့် သူနာပြုက သေချာအောင် သူမအသက် ရှုနေသေးလားဆိုတာ စမ်းသပ်ကြည့်ပါတယ်။

သူမအသက်ရှုမနေတော့သလို ကိုယ်ခန္ဓာလည်း အေးစက်နေပါပြီ။ သူမ သေဆုံးသွားခဲ့ပါပြီ။ သူမဆုတောင်းနေခဲ့ရင်တောင် အသုံးမ၀င်တော့ပါဘူး။ ဒါကြောင့် ကယ်ဆယ်ရေးအဖွဲ့လည်း တခြားအပျက်အစီးတွေအောက်မှာ ပိနေမယ့်သူတွေ ရှိနိုင်မယ့်နေရာတွေကို ဆက်သွားပါတော့တယ်။ သေဆုံးပြီးသား လူတွေကို ဆွဲထုတ်နေဖို့ သူတို့မှာ အချိန်မရှိဘူးလေ။

ကယ်ဆယ်ရေးအဖွဲ့ ပြိုကျနေတဲ့ နောက်ထပ်အဆောက်အအုံတစ်ခုကို အရောက်မှာတော့ အဖွဲ့ခေါင်းဆောင်ဟာ တစ်စုံတစ်ခုကို သဘောပေါက်သွားဟန်နဲ့ စောစောက အမျိုးသမီးရှိရာဆီကို ပြန်ပြေးသွားပါတယ်။ နေရာကိုအရောက်မှာ သူလှဲချလိုက်ပြီး ခေါင်မိုးအပျက်ရဲ့ဘေးမှာ ခေါင်းကိုစောင်းချလိုက်ရင်း အမျိုးသမီးရဲ့ဝမ်းဘိုက်အောက်က နေရာလွတ်ကို လက်နဲ့လှမ်းစမ်းပါတော့တယ်။ တစ်ကြိမ်… နှစ်ကြိမ်…။ သူ့နဖူးဟာလည်း လျှို့ဝှက်ချက်တစ်ခုကို ဖော်ထုတ်နေသလို နေရာကနေ မရွေ့ပါဘူး။

“ဒီမှာ ကလေးလေးဟေ့။ အသက်လည်း ရှိသေးတယ်” သူ့လူတွေဆီကို အော်ပြောလိုက်ပါတယ်။

ကလေးလေးက မွေးကင်းစလေးပါ။ သူ့ကို ပန်းအ၀ါရောင်လေးတွေပါတဲ့ အနီရောင် စောင်လေးနဲ့ သေသေသပ်သပ် ထုပ်ပိုးထားပါတယ်။ အလွန်အံ့သြစရာ ကောင်းစွာပဲ သူ့ကိုယ်ပေါ်မှာ ခြစ်ရာရှရာလေးတောင် ရှိမနေပါဘူး။ သူ့ကို အပျက်အစီးပုံတွေကြားထဲက ဆွဲထုတ်လိုက်ချိန်မှာတော့ ကလေးလေး အိပ်ပျော်နေပါတယ်။ ငြိမ်းငြိမ်းချမ်းချမ်းကို အိပ်ပျော်နေတာပါ။

သူနာပြုလည်း ကလေးလေးကို ကယ်ဆယ်ရေးဝန်ထမ်းတွေဆီက ယူလိုက်ပြီး ထုံးစံအတိုင်း စစ်ဆေးမှုတွေ လုပ်ပါတယ်။ စောင်လေးကို ဖြည်လိုက်တဲ့အခါမှာတော့ ကလေးနဲ့ ကလေးရဲ့ diaper ကြားထဲမှာ ထိုးထည့်ထားတဲ့ Mobile ဖုန်းတစ်လုံးကို တွေ့လိုက်ရပါတယ်။ ဖုန်းရဲ့ Screen ပေါ်မှာ Text Message လေး တစ်ကြောင်းရေးထားပါတယ်။ Message လေးကတော့…

“မေမေ့သားလေးရေ… အသက်ရှင်ခဲ့ရင် မေမေသားကိုချစ်တာ မမေ့ပါနဲ့”…. တဲ့။

မှတ်ချက်။ ။ ဇာတ်လမ်းလေးပို့ပေးတဲ့ ချစ်သူငယ်ချင်းသဇင်ကို အရမ်း ကျေးဇူးတင်ပါတယ်။ မူရင်းကို ဒီနေရာမှာ ဖတ်နိုင်ပါတယ်ရှင်။

(ဆက်ဖတ်ချင်ရင်...း)

(ပြန်ပိတ်ပေးပါဦးး)

အံ့မခန်းမေတ္တာ

လွန်ခဲ့တဲ့ နှစ်ပေါင်းများစွာတုန်းက Stanford ဆေးရုံမှာ ကျွန်တော် စေတနာ့ဝန်ထမ်း အဖြစ် တာဝန်ထန်းဆောင်နေတုန်း ရှားပါးပြင်းထန်တဲ့ ရောဂါတစ်မျိုး ခံစားနေရရှာတဲ့ လစ်(စ်) Liz ဆိုတဲ့ ကလေးမလေး တစ်ယောက်ကို သိခဲ့ရပါတယ်။ သူမရဲ့ရောဂါကနေ ပြန်လည် ကျန်းမာလာဖို့ တစ်ခုတည်းသော နည်းလမ်းကတော့ သူမမောင်လေးဆီကသွေးကို သူမကိုယ်ထဲ သွင်းပေးဖို့ပဲ ဖြစ်ပါတယ်။ Liz ရဲ့မောင်လေးဟာ သူမလိုရောဂါမျိုးကိုပဲ ခံစားခဲ့ရပေမယ့် အံသြဖို့ ကောင်းစွာပဲ ရောဂါပျောက်ကင်း ကျန်းမာ လာခဲ့ပြီး သူ့ကိုယ်တွင်းမှာ ရောဂါကို တွန်းလှန်နိုင်တဲ့ ပဋိဓာတ်တွေ ရှိနေတဲ့သူ ဖြစ်လို့ပါပဲ။

ဆရာဝန်ကြီးက မောင်ငယ်လေးကို အခြေအနေတွေရှင်းပြပြီး သူ့အစ်မအတွက် သွေးတွေပေးချင်ရဲ့လားလို့ မေးပါတယ်။ မောင်ငယ်လေးဟာ ခဏလောက်ပဲ တွေဝေသွားပြီး သက်ပြင်းကိုချလိုက်ရင်း...
“မမကိုသာ ကယ်နိုင်မယ်ဆိုရင် သားပေးပါ့မယ်” လို့ ပြန်ပြောလိုက်ပါတယ်။

သွေးသွင်းနေတဲ့အချိန်မှာ မောင်ငယ်လေးဟာ Liz ရဲ့ ဘေးကုတင်ကနေ Liz ကို ပြုံးပြနေပါတယ်။ Liz ရဲ့ ပါးပြင်လေးတွေလည်း တဖြည်းဖြည်းနဲ့ ပန်းသွေးရောင် ပြောင်းလာပါတယ်။ ခဏကြာတော့ မောင်ငယ်လေးရဲ့မျက်နှာ တဖြည်းဖြည်း ဖြူရော်လာပြီး အပြုံးလေးလည်း ပျယ်သွားပါတယ်။ ပြီးတော့ ဆရာဝန်ကြီးကို မော့ကြည့်ပြီး တုန်ရင်တဲ့ အသံလေးနဲ့ မေးလိုက်ပါတယ်။
“ဦးဦး သားအခုချက်ချင်း သေသွားတော့မှာလားဟင်”

ကလေးအရွယ်လေးပဲ ရှိသေးတဲ့ မောင်ငယ်လေးဟာ ဆရာဝန်ကြီးရှင်းပြတုန်းက နားလည်မှုလွဲပြီး သူ့အစ်မအတွက် သူ့မှာရှိတဲ့ သွေးတွေအားလုံး ပေးလိုက်ရမှာလို့ ထင်နေခဲ့ရှာတာ ဖြစ်ပါတယ်။

သူ့အစ်မအတွက် အသက်ကိုတောင် စွန့်ဖို့ဆုံးဖြတ်ခဲ့တဲ့ ဇာတ်လမ်းထဲက မောင်ငယ်လေးရဲ့ မေတ္တာကတော့ အံ့မခန်းပါပဲ။ အခုချိန်မှာလည်း လက်တွေ့ဘ၀ထဲက အလားတူအံ့မခန်းမေတ္တာတွေကို ကျွန်မတို့ တွေ့မြင်နေရပါပြီ။ မုန်တိုင်းကြောင့် ဘ၀တွေ ပျက်သွားခဲ့ရတဲ့ တပြည်ထဲသား ညီအစ်ကို မောင်နှမတွေအတွက် လူအား၊ ငွေအား၊ ဥာဏ်အား စိုက်ထုတ်ပြီး၊ တန်ဖိုးရှိတဲ့အချိန်တွေကို ပေးဆပ်ပြီး ကူညီကယ်တင်နေကြတဲ့ အလှူရှင်များ အားလုံးရဲ့ စေတနာနဲ့ မေတ္တာတွေကိုလည်း ဒီနေရာကနေ ကျွန်မ ဂုဏ်ပြုပါရစေရှင်...

မှတ်ချက်။ ။ ဒီနေရာက ဇာတ်လမ်းလေးကို ဘာသာပြန်ထားတာပါ။ အပေါ်မှာ အသုံးပြုထားတဲ့ပုံကိုတော့ Mandy's Sweet Life Blog ကနေ ကူးယူထားတာပါ။

(ဆက်ဖတ်ချင်ရင်...း)

(ပြန်ပိတ်ပေးပါဦးး)

လပ္ပတ္တာကမြင်ကွင်းတချို့

ကြည့်ပြီးတဲ့အချိန်မှာ တစ်ခုခုရေးမလို့ပါပဲ။ ဒါပေမယ့် ရင်ထဲမှာဆို့နေလို့ ဘာစကားလုံးမှ ထွက်မလာတော့ပါဘူး။ အင်း... မြန်မာပြည်မှာ ဘုရားကျောင်းကန်တွေ ဘုန်းကြီးကျောင်းတွေ ပေါလို့ လူတွေ ခိုလှုံစရာလေးတွေ ရှိနေတာ တော်ပါသေးရဲ့။ အလှူရှင်တွေအားလုံးလည်း ကျန်းမာချမ်းသာကြပါစေ။ ရင်ထဲက လှိုက်လှိုက်လှဲလှဲ သာဓုခေါ်ပါတယ်ရှင်။ ဒုက္ခသည်တွေလည်း အမြန်ဆုံး ငြိမ်းချမ်းကြပါစေ။ ဘဝတွေ အမြန်ဆုံး ပြန်ထူထောင်နိုင်ကြပါစေ...

(ဆက်ဖတ်ချင်ရင်...း)

(ပြန်ပိတ်ပေးပါဦးး)

မုန်တိုင်းခံဒေသများသို့

တဆင့်တဆင့် ကူးယူဖော်ပြပေးပါ။ စာအုပ်ငယ်များပြုလုပ်ပြီး မြန်မာနိုင်ငံအတွင်း ဖြန့်ချိပေးနိုင်သည်အထိ ကူညီပေးပါ။ (“နတ်သျှင်နောင်”ရဲ့Blog က ကူးယူဖော်ပြတာပါရှင်။ မူရင်းရေးသားသူကိုရော မောင်လေးနတ်သျှင်နောင် ကိုပါ အထူးကျေးဇူးတင်ပါတယ်။)

ကယ်ဆယ်ရေးလုပ်ငန်း လုပ်ဆောင်ရာတွင် သတိပြုသင့်သည့်အချက်များ

• အမှန်တကယ် အကူအညီပေးနိုင်သည့် အကြောင်းရင်းမရှိဘဲနှင့် သဘာဝဘေးအန္တရာယ်ကျရောက်သည့် နေရာအား မသွားပါနှင့်။
• အမြဲတမ်း သတိရှိပါ။ (လှေစီးလျင် မီးကြိုးများ ရေထဲထိနေခြင်း ရှိမရှိစသည်။)
• ရေကြီးနေသည့် အဆောက်အဦးများအတွင်းသို့ အန္တရာယ်ရှိသည်ဟု ထင်လျင် လုံးဝမ၀င်ပါနှင့်။
• ရေကြီးရာမှ ဖြစ်ပေါ်လာသော ရေစီးကြောင်းများအတွင်း ကယ်ဆယ်ရန်မလိုအပ်ဘဲနှင့် လုံးဝ မသွားပါနှင့်။ ထိုရေများအတွင်းတွင် ဘက်တီးရီးယားပိုးမွှား မြောက်မြားစွာပါဝင်ပြီး ထိခိုက်ရာမှ ရရှိသော အပွန်းအပဲ့ များအတွင်းသို့ပင် ရောဂါပိုးဝင်ရောက်နိုင်ပါသည်။
• ရေစီးကြောင်းများ၏ အနက်နှင့် ရေစီးအရှိန်သည် ထင်ရသည်ထက် များစွာပိုပါသည်။ ထိုရေစီးကြောင်းများအတွင်း ကူးခတ်ရန် လုံးဝမကြိုးစားပါနှင့်။
• တိရိစ္ဆာန်များအား ကယ်တင်လိုပါက လှေငယ်ကလေးများအား လုံးဝအသုံးမပြုပါနှင့်။ ခြံစည်းရိုးအစရှိသည် နောက်တွင် ပိတ်မိနေပါက ပိတ်နေသည့် အတားအဆီးများကိုသာ ဖယ်ရှားပါ။

အစားအသောက် ပေးလှူလိုသည်ဆိုလျင် အောက်ပါအချက်များအား စဉ်းစားပါ။

• ချက်ပြုတ်စရာနှင့် ရေခဲသေတ္တာတွင်း ထည့်သွင်းသိမ်းဆည်းရန်မလိုသော အစားအသောက်များ
• လွယ်လင့်တကူ ပြင်ဆင်နိုင်သော အစားအစာများ
• ကယ်လိုရီနှင့် ပရိုတိန်း များများပါသော အစားအစာများ
• ကလေးများနှင့် သက်ကြီးရွယ်အိုများအတွက် လိုအပ်သောအစားအစာများ
• ဥပမာပေးထားသည့် အစားအစာများမှာ - စည်သွပ်ဘူးများ ၊ အသား၊ ငါး၊ အသီးအရွက်နှင့် ဖျော်ရည် နို့အစရှိသည်။ ကယ်လိုရီနှင့် စွမ်းအင်များစွာပါသော အစားအစာများမှာ Peanut Butter, ဂျယ်လီ၊ မုန့်ကြွပ် နှင့် တောင်တက်သမားများ အသုံးပြုကြသော မုန့်ခြောက်များ၊ လက်ဖက်ရည်၊ ရယ်ဒီမိတ်ကော်ဖီ၊ ချိုချဉ်၊ ဘီစကွတ်စသော မုန့်များကို စိတ်ဖိစီးမှု လျော့ကျစေရန်အတွက် စားသုံးနိုင်ပါသည်။ ဗီတာမင်ဆေးပြားများနှင့် ပရိုတိန်းအစားထိုး ဆေးပြားများကိုလည်း ပေးပို့နိုင်ပါသည်။

ဒါမျိုးအစားအစာတွေ ကိုရှောင်ပါ။

• စီးပွားဖြစ်ထုတ်လုပ်ထားသည့် ရေဓာတ်ဖယ်ထားသော အစားအစာများ (အစာခြောက်များ) ထိုကဲ့သို့သော အစားအစာများအား ချေဖျက်ရန် ရေဓာတ်များစွာ လိုအပ်ပါသည်။
• ပုလင်းသွတ်ထားသည့် အစားအစာများ (လေးလံသည်၊ ၀န်ကျယ်သည်၊ အလွယ်တကူ ကွဲနိုင်သည်။)
• အစေ့မှရသည့် အစားအစာများ (ဆန်နှင့်ပဲအစရှိသည်)
• သဘာဝဘေးအန္တရာယ် ကြုံတွေ့နေသူများအနေနှင့် ထိုကဲ့သို့သော အစားအစာမျိုးကို ပြင်ဆင်မှုပြုရန်မှာ ခက်ခဲလှပါသည်။

အစားအသောက်များအား မည်ကဲ့သို့ သိုလှောင်ထားရမည်နည်း။

• နေအိမ်အတွင်းရှိ အခြောက်သွေ့ဆုံးနှင့် အအေးဆုံးနေရာများတွင် အစားအစာများထားပါ။ အလင်းရောင်မရှိသည့်နေရာတွင် ဖြစ်နိုင်ပါက ထားပါ။
• အစားအစာများအား လုံခြုံစွာ ဖုံးအုပ်ထားပါ။
• ကွတ်ကီးနှင့် ဘီစကစ်အစရှိသည့်မုန့်များကို ပလတ်စတစ်အိပ်များအတွင်း လေလုံအောင်ထုတ်ပြီး နောက်တစ်ထပ် ဘူးတစ်ခုခုအတွင်း ထည့်သွင်းသိမ်းဆည်းပါ။
• ပုရွက်ဆိတ်အစရှိသည့် အင်းဆက်များ လာရောက်စားသုံးနိုင်သည့် အစားအစာများအား လေလုံဘူးအတွင်းသို့ သေချာစွာပိတ်သွင်းသိမ်းဆည်းပါ။
• လူတစ်ဦး သောက်သုံးရန်နှင့် အစားအစာအတွက် ပြင်ဆင်ရန် တစ်နေ့လျင် အနည်းဆုံးရေ (၁) ဂါလန်လိုအပ်ပါသည်။ ကိုယ်ဝန်သယ်များ၊ ကလေးငယ်များ၊ အသက်အရွယ်ကြီးသူများနှင့် လူမမာများ အတွက် လိုအပ်ချက်မှာ ထို့ထက်ပိုပါသည်။ ပလပ်စတစ်ပုလင်းများနှင့် ပုံးများအတွင်းတွင် ရေကိုသိုလှောင်ထားပါ။ သဘာဝဘေးဒဏ်ခံနေရသည့် ကာလတစ်လျောက်လုံး အတွက် အနည်းဆုံး (၃)ရက်စာ ရေရှိနေရန်လိုအပ်ပါသည်။ ရေသန့်စင်ရန်အတွက် ရေသန့်ဆေးပြားများနှင့် Chlorine bleach အား အနံ့ထည့်မထားပါက အသုံးပြုနိုင်ပါသည်။ ရောစပ်ရမည့် အချိုးအစားမှာ တစ်ဂါလန်လျင် ၁၆စက် ၊ သို့မဟုတ် ရေ ၅ ဂါလန်အား Bleach လက်ဖက်ရည်ဇွန်းတစ်ဇွန်း ရောစပ်ပြီး သမစွာမွှေလျင် ထိုရေအားသောက်သုံးနိုင် ပါသည်။ နိုင်ငံရပ်ခြားတိုင်းပြည်များရှိ ကုန်စုံဆိုင်များတွင် လွယ်ကူစွာဝယ်ယူရရှိနိုင်ပါသည်။ ရေကူးကန်များတွင် အသုံးပြုသည့် ဟိုက်ပိုကလိုရိုက်နှင့် ကလိုရီနိတ်တက် လိုင်းမ် အစရှိသည် တို့ကိုလည်း ရေသန့်စင်ရန်အသုံးပြုနိုင်ပါသည်။

ကျန်းမာရေးနှင့် ကိုယ်လက်သန့်စင်ရေးဆိုင်ရာ သိကောင်းစရာများ

ကိုယ်လက်သန့်စင်ရန်အတွက် အနည်းဆုံး အောက်ပါပစ္စည်းများ လိုအပ်ပါသည်။

• အဖုံးကျပ်ကျပ် ပါသည့် အရွယ်အလတ်စား ပလတ်စတစ်ပုံး
• ပလစ်စတစ်အမှိုက်အိတ်များနှင့် ချည်နှောင်စရာကြိုး (Cable Ties) မှာ (၀န်ခံအားကောင်းရမည်)
• ကလိုရင်း ဆေးရည်
• ဆပ်ပြာ ဆပ်ပြာရည် နှင့် ဆပ်ပြာမှုန့်
• အိမ်သာသုံးစက္ကူ
• အိမ်သာဘယ်လိုဆောက်မလဲ - ရေဆိုးလိုင်းများ ပေါက်ကွဲ ပျက်ဆီးကုန်လျင် အိမ်သာအတွင်းသို့ ပလတ်စတစ်အိတ် ခံကာ အခင်းသွားပါ။ အိမ်သာအိုးလဲ သုံးမရအောင်ဖြစ်နေပါက အဖုံးပါသည့် ပလတ်စတစ်ပုံးအတွင်းသို့ ပလပ်စတစ်အိတ်ခင်းကာ အခင်းသွားနိုင်ပါသည်။ ထိုင်စရာအတွက် ထိုပလတ်စတစ်ပုံး အပေါ်တွင် ပျဉ်ပြားနှစ်ချပ် ကန့်လန့်တင်ကာ ပြုလုပ်ယူနိုင်ပါသည်။ အခင်းသွားပြီးလျင် ဆပ်ပြာမှုန့်ခတ်ပြီး အဖုံးကို လုံအောင် ပိတ်ထားပါ။ စွန့်ပစ်လိုပါက ကြွက်၊ အစရှိသည်တို့ တူးဖော်ခြင်း မပြုနိုင်ရန် မြေမြုပ်ပစ်ရပါမည်။ ရေတွင်းရေကန်အစရှိသည်တို့နှင့် ဝေးရာတွင် စွန့်ပစ်ရန်သတိပြုပါ။

ကိုယ်လက်သန့်စင်ခြင်းသည် ကျန်းမာရေးအတွက် အလွန်အရေးကြီးသည့် အရာဖြစ်ပါသည်။ သဘာဝဘေးအန္တရာယ် ကြုံတွေ့နေရသူများအတွက် ရေချိုးရန်မှာ မဖြစ်နိုင်သည့်အတွက် ကိုယ်လက်သန့်စင်ရန်အတွက် နည်းလမ်းများ ရှာဖွေရန် လိုအပ်ပါသည်။

ကိုယ်လက်သန့်စင်ရန် ပြုလုပ်နိုင်သည် များမှာ -

• အရက်ပျံနှင့် ပွတ်သပ်သန့်စင်ခြင်း
• အရက်ပျံပါသည့်လိမ်းဆေး (Lotions) များနှင့် သန့်စင်ခြင်း
• ရေပတ်တိုက်ခြင်း
• Towelette များ အသုံးပြုသန့်စင်ခြင်း
• မျက်နှာလိမ်းသည့်ကရင်များ မုတ်ဆိတ်မွှေးရိတ်သည့် Lotions များနှင့် သန့်စင်ခြင်း
• စပရေးဘူးများအတွင်းသို့ ရေထည့်ကာ ပက်ဖြန်းရေချိုးခြင်း တို့ဖြစ်သည်။

(ဆက်ဖတ်ချင်ရင်...း)

(ပြန်ပိတ်ပေးပါဦးး)

အလှဆုံးအ၀တ်များ

မုန်တိုင်း ဒုက္ခသည်တွေအတွက် အသုံးအဆောင် ပစ္စည်းတွေ ကောက်ခံပေးနေတဲ့ နေရာတွေအကြောင်း တွေးမိရင်း အ၀တ်အစား လှူဒါန်းတာနဲ့ ပတ်သက်ပြီး ဒီပို့စ်လေး ရေးဖြစ်တာပါ။ အ၀တ်အစားလှူတာဟာ ဒုက္ခသည်တွေအတွက် ချက်ချင်းလက်ငင်း အကျိုးရှိစေတဲ့ အလှူမျိုးမို့လို့ပါ။ “အ၀တ်အစားတွေ လှူတော့လှူချင်တယ်။ ဒါပေမယ့် လှူစရာ မရှိဘူးထင်တယ်” လို့ တွေးမိကြတဲ့ သူငယ်ချင်းတွေ၊ မောင်ငယ် ညီမငယ်တွေ အတွက် အကြံဥာဏ်လေး တစ်ချို့ပေးချင်ပါတယ်။

• ပထမဆုံး ကိုယ့်ဘီဒိုထဲက အ၀တ်အစားတွေကို အကုန်ထုတ်ကြည့်လိုက်ပါ။ လှူဖို့ အ၀တ်အစားတွေ ထည့်ဖို့ အိတ်လေးတစ်လုံးလည်း အသင့်ပြင်ထားပေါ့နော် (အ၀တ်တွေ အကုန်ထုတ်လိုက်လို့ အခန်းပွသွားပေမယ့် ပြီးလို့ ကျန်တဲ့အင်္ကျီတွေ ပြန်ခေါက်သိမ်းပြီးရင် ကုသိုလ်အပြင် ကိုယ့်ဗီဒိုလေးလည်း ရှင်းလင်းသွားတဲ့ အကျိုးကျေးဇူးပါ အဆစ်ရဦးမှာပါး)
• ပြီးရင် အ၀တ်အစားတွေကို အိပ်ယာပေါ် (သို့) သန့်ရှင်းထားတဲ့ မျက်နှာပြင် တစ်ခုခုပေါ်မှာ ရှင်းရှင်းလင်းလင်း မြင်ရအောင် ချထားလိုက်ပါ။
• အဲဒီနောက် အ၀တ်တစ်ထည်ချင်းစီကိုကြည့်ပြီး စဉ်းစားရမှာတွေကတော့ -

(၁) ဒီအ၀တ် ကိုယ်နဲ့တော်ရဲ့လား ဆိုတာကို အမှန်အတိုင်း တွေးပါ။ “ငါပိန်သွားရင် ၀တ်မယ်” တို့ “ငါဝလာမှ ၀တ်မယ်” တို့ ဆိုတာတွေက နောင်ဘယ်နှနှစ်ကြာမှ ဖြစ်လာမယ်ဆိုတာ မသိပေမယ့် တကယ်လိုအပ်တဲ့သူတွေအတွက်ကတော့ အခုချက်ချင်းလက်ငင်းကို လိုအပ်နေတယ်ဆိုတာလေး တွေးပေးပြီး လှူဖို့အိတ်လေး ထဲကို ထည့်လိုက်ပါနော်း)

(၂) ဒီအ၀တ်ကို လှလွန်းလို့ဆိုပြီး (ကိုယ်နဲ့လည်း မလိုက်ဖက် ဘယ်တော့မှလည်း မ၀တ်ဖြစ်ဘဲ) သိမ်းထားမိတာလား ဆိုတာစဉ်းစားပါ။ လှတဲ့အ၀တ်လေးကို ဒီလိုပဲသိမ်းထားရင် ဘီဒိုနောက်မှာပဲ ဆွေးမြေ့ဟောင်းနွမ်း သွားပါလိမ့်မယ်။ ဒါပေမယ့် အဲဒီအ၀တ်လှလှလေးကို မြင်လိုက်ရလို့ တဒင်္ဂလောက် နှစ်သက်ကြည်နူးသွားမယ့် ဒုက္ခသည်ကလေး တစ်ယောက်ရဲ့အပျော်ကို မြင်ယောင်ကြည့်ပြီး လှူဖို့အိတ်လေး ထဲကို ထည့်လိုက်ပါနော်း) လှတဲ့အ၀တ်လေး လောကကို လှလှပပ အကျိုးပြုပါစေ...

(၃) ဒီအ၀တ်ကို အမှတ်တရ တစ်ခုခုအတွက် (ကိုယ်လည်းတကယ် မ၀တ်ဖြစ်ဘဲ) သိမ်းထားမိလားဆိုတာ စဉ်းစားကြည့်ပါ။ အရေးပါတဲ့ အမှတ်တရတစ်ခုခုအတွက် သိမ်းထားတာမျိုးဖြစ်ပြီး ကိုယ်လည်းတကယ် မစွန့်လွှတ်နိုင်တာမျိုး ဆိုရင်တော့ အရမ်းမတိုက်တွန်းလိုပါဘူး။ ဒါပေမယ့် တချို့အမှတ်တရ ပစ္စည်းတွေဟာ သိမ်းထားတာ ကြာလာတာနဲ့အမျှ ပစ္စည်းကိုတင်မကဘဲ ပေးတဲ့လူကိုပါ မေ့သွားတတ်ပါတယ်။ အဲဒါမျိုးတွေဆိုရင်တော့ နှစ်ခါမစဉ်းစားဘဲ လှူဖို့အိတ်လေးထဲကို ထည့်လိုက်ပါနော်။ တကယ်လို့ ကိုယ်တန်ဖိုးထားတဲ့ အမှတ်တရ အ၀တ်အစားလေး ဖြစ်နေခဲ့ရင်တောင် ကိုယ်မ၀တ်ဖြစ်ဘဲ သိမ်းထားမယ့်အစား (စွန့်လွှတ်နိုင်တယ်ဆိုရင်) လှူဖို့အိတ်လေးထဲကို ထည့်လိုက်စေချင်ပါတယ်။ ဒါဆိုကိုယ်တင်မကဘဲ ကိုယ့်ကိုလက်ဆောင်ပေးတဲ့သူပါ နှစ်ယောက်စလုံး ကုသိုလ်အတူတူရကြမှာပါ။ ဒါထက်ပိုကောင်းတာကတော့ တကယ်လိုအပ်နေတဲ့ ဒုက္ခသည်လေးတစ်ယောက် (အခုအချိန်မှာ သူ့အတွက် တန်ဖိုးကြီးလှတဲ့) အ၀တ်လေးတစ်ထည် ရလိုက်တာပါပဲ။

ကျွန်မနဲ့ကျွန်မသူငယ်ချင်းတွေလည်း လာမယ့်ရုံးပိတ်ရက်မှာ သွားလှူဖို့ အ၀တ်အစားလေးတွေ စုထားပြီးပါပြီ။ ကြိုက်လွန်းလို့ဆိုပြီး အကြာကြီးသိမ်းထားတဲ့ အ၀တ်အစားတွေကိုင်မိတိုင်း တွန့်ဆုတ်မိတဲ့ကျွန်မ စောစောကပြောသလို ဒုက္ခသည်တွေကို မြင်ယောင်လိုက်တဲ့ခဏမှာတော့ ဘာမှမစဉ်းစားတော့ဘဲ လှူဖို့အိတ်လေးထဲကိုပဲ ထည့်နေမိပါတော့တယ်။

ကျွန်မအခုပြောသွားတာတွေကို အားလုံးလည်း သိပြီးသားဖြစ်ကြမှာပါ။ ဒါပေမယ့် ဒီပို့စ်လေးကို ဖတ်ပြီးတဲ့အခါ သူငယ်ချင်းတို့ရဲ့ လှူမယ့်အိတ်လေးတွေထဲမှာ အင်္ကျီလေးတစ်ထည်လောက် တိုးသွားတယ်ဆိုရင်ပဲ ကျေနပ်လှပါပြီ။ မေတ္တာ၊ စေတနာ၊ ကြင်နာမှု၊ ကူညီလိုစိတ် တွေနဲ့ ပို့လိုက်တဲ့ အ၀တ်တွေလောက် လှတဲ့အ၀တ်တွေ ရှိမယ်မထင်ပါဘူး။

ကိုယ့်အတွက်တော့ ဘီဒိုရဲ့ဟိုးထောင့်ဆုံးမှာ ထည့်ထားတဲ့ သာမာန်အင်္ကျီလေး တစ်ထည် ဖြစ်ချင်ဖြစ်မှာပါ။ ဒါပေမယ့် အဲဒါလေးက သူတို့အတွက်တော့ အခုချိန်မှာ အအေးဒဏ်နဲ့ကိုယ်ခန္ဓာကို ကာကွယ်ပေးမယ့် တန်ဖိုးကြီးပစ္စည်းတစ်ခုဖြစ်တယ် ဆိုတာကို အမြဲသတိရပေးပါနော်...

(ဆက်ဖတ်ချင်ရင်...း)

(ပြန်ပိတ်ပေးပါဦးး)

လှူဒါန်းရန်လိပ်စာများ (၂)

သူငယ်ချင်းဆီက အခုပဲရတဲ့ SMS ပါ။ စင်္ကာပူမှာရှိတဲ့သူတွေ မုန်တိုင်းဒုက္ခသည်တွေ အတွက် အ၀တ်အစား၊ ဖိနပ်၊ ဆေးဝါး၊ စောင် အစရှိသဖြင့် ကူညီလှူဒါန်းနိုင်ဖို့ ပစ္စည်းတွေ စုဆောင်းကောက်ယူနေတဲ့ စင်္ကာပူက နေရာ(၅)ခုရဲ့ လိပ်စာပါ။

(၁) Cityhall :: စွမ်းထက်စွမ်း, Penisula Plaza.
Ph: ကိုရွှေ (91449444)

(၂) Harbour Front :: Blk 3B #02, Pasir Panjang Rd.
Ph: ကိုထွန်းနိုင်စိုး (64747390)

(၃) Hougang :: Blk 512 #03-59, Hougang 6.
Ph: 64003594

(၄) Yishun :: Blk 741 #09-516, Yishun Ave-5.

(၅) Jurong West :: Blk 654A #06-500, Jurong West St-61.
Ph: အန်တီချို (67947839, 92325429)

Hotlines: 92986743 (Catherine), 81681121 (Christ), 91815914 (ကိုသီဟ), 91084611 (Danny)

အခုလို ကိုယ့်တိုင်းပြည် ဒုက္ခအကျပ်အတည်းနဲ့ ရင်ဆိုင်နေရချိန်မှာ တစ်ယောက်တစ်လက်နဲ့ စွမ်းစွမ်းတမံ ကူညီနေကြတာတွေ မြင်ရကြားရတာ ၀မ်းနည်းဝမ်းသာ ဖြစ်မိပါတယ်။ ကျွန်မတို့လည်း အခုလို ပစ္စည်းတွေ လှူချင်နေတာပါ။ စင်္ကာပူကနေ မြန်မာပြည်ကို ပို့နိုင်ဖို့ ဖြစ်မြောက်အောင် ဦးဆောင်ပေးခဲ့တဲ့ သူတွေအားလုံးကို အထူးကျေးဇူးတင်ကြောင်း ဒီနေရာကနေ အလေးအနက် ပြောချင်ပါတယ်ရှင်။ မြန်မာပြည်သူပြည်သားအားလုံး ဘေးရန်ကင်းကွာပြီး အမြန်ဆုံး ငြိမ်းချမ်းကြပါစေ...

(ဆက်ဖတ်ချင်ရင်...း)

(ပြန်ပိတ်ပေးပါဦးး)

လှူဒါန်းရန်လိပ်စာများ (၁)

မုန်တိုင်းဒုက္ခသည်တွေအတွက် လှူဒါန်းနိုင်မယ့် အဆက်အသွယ်တွေ ကိုအညတရရဲ့Blog မှာ စုစည်းထားတာကို ခွင့်ပြုချက်တောင်းယူပြီး ကူးယူဖော်ပြ လိုက်ပါတယ်။ (ကျေးဇူးအထူးတင်ပါတယ် ကိုအညတရရေ... )

INTERNATIONAL ORGANIZATIONS

http://www.unicefusa.org
http://www.icrc.org
http://www.wfp.org/english
http://www.savethechildren.org
http://www.worldvision.org

AMERICA

http://www.mahasiusa.org
http://uscampaignforburma.org/index.php

Emails ::
myintw@greenmtn.edu
burmagirl@gmail.com
cyclamen.Mom@gmail.com

SINGAPORE

အလှူကောက်ခံနေသော နေရာများ

• လင်းလက်၊ ဒုတိယထပ် [Peninsula Plaza, City Hall]
• Sin Myanmar တတိယထပ် [Peninsula Plaza, City Hall]
• သပြေနု (ဒေါ်သန်းသန်းနု) ငါးထပ် [Peninsula Plaza, City Hall]
• လမ်းပြကြယ် စာကြည့်တိုက် [Peninsula Plaza, City Hall]
• ဓာတ်တော်တိုက် ဘုန်းကြီးကျောင်း (Eunos)
  
• ကောင်းစုံ မြန်မာစတိုးဆိုင် (Blk 328 Clementi Ave 2)
  
• ရွှေသရဖူ ( ဒုတိယထပ်၊ Boon Lay Shopping Centre)
• စစ်သူကြီး (Jurong East)

သို့မဟုတ် ပြည်ပရောက် မျိုးချစ်မြန်မာများ အဖွဲ့မှ

• ကိုအေးကိုကို - ၉၆၃၅ ၂၀၆၄
• ကိုဝင်းကျော် - ၈၁၈၉ ၈၄၂၀
• ကိုစိုးထွန်း - ၉၄၈၇ ၄၄၁၃
• ကိုမင်းသိန်း - ၈၁၈၆ ၀၀၄၂
• ကိုညီ - ၉၇၄၂ ၀၉၀၅
• ကိုသူရိန်ဝင်း - ၈၁၈၆ ၈၁၅၆
• မလဲ့လဲ့ - ၉၂၇၂ ၆၇၄၄

တို့ကိုလည်း ဆက်သွယ်လှူဒါန်းနိုင်တယ်လို့ သိရပါတယ်။

(ပူးပေါင်းဆောင်ရွက်နေသော အဖွဲ့အစည်းများဖြစ်ပါသဖြင့် မည်သည့်နေရာတွင်မဆို လှူဒါန်းနိုင်ပါတယ်လို့လည်း သိရပါတယ်။)

Blogs ::
http://cyclonerelief.wordpress.com
http://cyclonerelief.blogspot.com/

Singapore Red Cross Society
http://www.redcross.org.sg

AUSTRALIA

Dr. Soe Htet
69 Glendale Road
Springvale VIC 3171
Melbourne, Australia
Mobile: +61 424 836 727
Email: dr.htet@gmail.com
http://www.soehtet.blogspot.com

ENGLAND

1. Sayardaw U San Naw Bar Tha
Bank Name: Barclays
Account Holder Name: Mr A Candobhasa
Sortcode: 20-80-71
AccountNo: 9000 2836
Contact Info: 0787 7297 205,
email: ucandobhasa@googlemail.com
More Info: http://ko-htike.blogspot.com

2. Burmese Student Organisation UK
Bank Name: HSBC
Account Holder Name: Burmese Student Organisation UK
Sortcode: 40-01-13
AccountNo: 4154 6694
Ref: CDA-[your mobile number]
Last Day: 10th May, 2008
Contact Info: Ko Win T - 0785 2175 467,
Ko Chan N - 0780 4725 077
More info: http://www.bsouk.org

3. Miss Tharaphi Than
Bank Name: Barclays
Account Holder Name: Miss M T Than
Sortcode: 20-89-15
AccountNo: 6055 2232
OR please send a check to
Miss Tharaphi Than
SEAsia Department
SOAS, University of London
London WC1H 0XG
Last Day: She is going to Burma for providing First Aid Support in next three or four days

RUSSIA

ထေရ၀ါဒဗုဒ္ဓဘာသာ လူငယ်များအသင်း
YMBA (MEPhI)
ymba.mephi@gmail.com
http://ymba-mephi.blogspot.com

Bauman State University BMSTU
Naung Naung: Room no (508) building 3A . str. Gloylanovskyar . Hostel of B.M.S.T.U
index (105094) Ph: +7- 909 -157 -11- 74

MIET
MIET မှ ကျောင်းသားများ မြန်မာပြည် မုန်တိုင်းဒဏ်ခံနေရသော ပြည်သူများ အတွက် အလှူငွေများကို အောင်စိုးလွင် (၄၄၂၃) တွင် ထည့်ဝင် လှူဒါန်းနိုင်ပါသည်။

THAILAND

http://www.kotoe.blogspot.com

မကြည်စင်ရွှင် (AIT Student)
Mobile: + (66) (8) 4376 3287
Email: st105907@gmail.com

မျိုးဟန်ထွန်း (ခ) ကိုတိုး
Mobile: + (66) (8) 9994 2042
Email: myohanhtun@gmail.com

(ဆက်ဖတ်ချင်ရင်...း)

(ပြန်ပိတ်ပေးပါဦးး)

ရင်ထဲအထိတိုက်တဲ့ Nargis

“ရန်ကုန်မှာ မိုးတွေအရမ်းရွာနေတယ်” လို့ သူငယ်ချင်းတစ်ယောက်ကပြောတော့ “သြော် မိုးတွေရွာနေတယ်ပေါ့...” လို့ပဲ ခပ်ရိုးရိုးတွေးမိတဲ့အထိ ကျွန်မ observation အရမ်းညံ့ခဲ့ပါတယ်။ ရန်ကုန်မှာနေခဲ့တဲ့ ကျွန်မတသက်မှာ ဒီလိုပြင်းထန်ဆိုးရွားတဲ့ မုန်တိုင်းဆိုတာ ဘယ်တုန်းကမှ မကြုံခဲ့ဖူးတော့ မုန်တိုင်းအကြောင်းကို ယောင်လို့တောင် မတွေးခဲ့မိတာပါ။ သိပ်မကြာခင်မှာပဲ အတူနေတဲ့ သူငယ်ချင်းပြောမှ ဆိုးဆိုးရွားရွားမုန်တိုင်း တိုက်နေပြီဆိုတာ သိလိုက်ရပါတယ်။ သိသိချင်း သူငယ်ချင်းပေးတဲ့ Hurricane Hunters Link ကတဆင့် သတင်းတွေကြည့်နေတုန်း တခြားသူငယ်ချင်းတွေဆီကလည်း Link တွေ ဆက်တိုက်ရောက်လာပါတော့တယ်။ သတင်းတွေကို ဖတ်မိမှ ပိုပြီးဆောက်တည်ရာမရ ဖြစ်လာပါတယ်။ စိတ်ပူခြင်းကြီးစွာနဲ့ အိမ်ကို ဖုန်းဆက်တော့လည်း ထင်ထားတဲ့အတိုင်း ဘယ်လိုမှ ခေါ်လို့မရတော့ပါဘူး။ တချိန်ထဲမှာပဲ “ရန်ကုန်တမြို့လုံး ကုန်ပြီ” လို့ (ပိုပိုသာသာ)ပြောတဲ့ စကားတွေ “ဘယ်သူ့အိမ်တော့ အမိုးလန်သွားတယ်” ဆိုတာတွေ ကြားနေရတော့ စိတ်မကောင်းကြီးစွာ ဖြစ်မိသလို အိမ်ကိုလည်း ပိုပြီး စိတ်ပူလာမိပါတယ်။

နောက်ဆုံး ကံကောင်းထောက်မစွာနဲ့ အဖေ့ဖုန်းကို ခေါ်လို့ရသွားပါတယ်။ ပြတ်တောင်းပြတ်တောင်း ဖြစ်နေတဲ့ ဖုန်းထဲက အဖေ့အသံကို ကြိုးစားနားထောင်ကြည့်တော့ ကျွန်မစိတ်ပူတဲ့အတိုင်း ခြံထဲက သရက်ပင်ကြီးတွေ လဲကုန်တယ်လို့ပြောပါတယ်။ တစ်ပင်ဆို အောက်ခြေက ကွန်ကရစ်တောင်ကွာပြီး အမြစ်ကလဲသွားတာတဲ့။ အိမ်ပေါ်ကိုလဲကျတာ မဟုတ်လို့ တော်ပါသေးရဲ့။ မီးတွေလဲ လုံးဝပျက်နေပြီတဲ့။ အဖေက အခုတော့ မုန်တိုင်းငြိမ်သွားပြီ ဆိုတဲ့အကြောင်း၊ အဲဒီမှာ ဘာမှမဖြစ်ကြောင်း (စိတ်ပူမှာစိုးလို့ ထင်ပါတယ်) အထပ်ထပ် ပြောပါတယ်။ အဖေနဲ့ အဆက်အသွယ်ရတာနဲ့ တခြားဖုန်းခေါ်လို့မရသေးတဲ့ သူငယ်ချင်းတွေရဲ့ အိမ်တွေကို အဖေ့ကို ဖုန်းဆက်မေးပေးဖို့ ပြောရင်း ကျွန်မရဲ့ ညနေတစ်ခုလုံး ယောက်ယက်ခတ် နေပါတော့တယ်။ သူငယ်ချင်းတွေရဲ့ အိမ်ကဖုန်းတွေလည်း အဖေဆက်ကြည့်တာ ဖုန်းလိုင်းတွေ မကောင်းတာကြောင့် အခုထိ မရသေးပါဘူး။

ကိုယ့်မိသားစုအတွက် အနည်းနဲ့အများ စိတ်အေးသွားပေမယ့် မုန်တိုင်းဒဏ်ကို အလူးအလဲခံလိုက်ရမယ့် မိသားစုတွေအတွက် စိတ်မကောင်းခြင်းကြီးစွာ ဖြစ်နေမိပါတယ်။ ခိုင်မာတဲ့အိမ်တချို့တောင် အမိုးတွေလန်တယ်ဆိုတော့ မြစ်နားချောင်းနားနီးတဲ့ သေးသေးပေါ့ပေါ့ တဲအိမ်လေးတွေမျိုးဆိုရင် လေနဲ့ လွင့်ပါသွားမှာပါပဲ။ အသေအပျောက်ရှိမှာ သေချာပေမယ့် လူတွေအားလုံး ဘေးမသီရန်မခပါစေနဲ့လို့ ဆုတောင်းပေးနေမိပါတယ်။ အိမ်ဘာမှမဖြစ်ရင်တောင် တနေ့လုပ်မှ တနေ့စားရတဲ့လူတွေအတွက် ပိုပိုလျှံလျှံစုဆောင်းထားတာမျိုး ရှိရှာမှာမဟုတ်လေတော့ အခုလို သွားလို့လာလို့ မရတဲ့အချိန်မှာ ဘာတွေများ ဘယ်လိုသွားစားကြမလဲလို့ ကရုဏာသက်စွာ တွေးမိပါတယ်။ သစ်ပင်ကြီးတွေတောင် အမြစ်ကလဲနေတယ်ဆိုတော့ ကျွန်မတို့ရန်ကုန်မြို့တော်ကြီး သစ်ပင်တွေ အလဲလဲအပြိုပြိုနဲ့ ဘယ်လောက်တောင်ပျက်စီးနေပြီလဲလို့ တွေးမိတိုင်း ၀မ်းနည်းမိပါတယ်။ နဂိုကမှ ဆင်းရဲတဲ့နိုင်ငံအဖြစ် ရပ်တည်နေရတဲ့အထဲ ကံဆိုးမသွားရာ မိုးလိုက်လို့ရွာ ဆိုသလို မုန်တိုင်းကပါ ၀င်နှိပ်စက်သွားတော့ ကျွန်မတို့ရွှေပြည်ကြီးအတွက် ကြေကြေကွဲကွဲ ခံစားရပါတယ်။

တွေးရင်းတွေးရင်း ကျွန်မရင်ထဲမှာလည်း မုန်တိုင်းတိုက်နေပါတော့တယ်... မုန်တိုင်းရွေ့လျားသွားရာ လမ်းတလျှောက်မှာရှိတဲ့ ရန်ကုန်၊ ပဲခူး၊ ဧရာဝတီတိုင်း၊ ကရင်ပြည်နယ် နဲ့ မွန်ပြည်နယ်က လူတွေအားလုံး ဘေးအန္တရာယ် ကင်းရှင်းကြပါစေရှင်...

(ဆက်ဖတ်ချင်ရင်...း)

(ပြန်ပိတ်ပေးပါဦးး)

ကျွန်မမုန်းတဲ့သူမ

စိတ်ထဲမှာ အကြာကြီးရှိနေပြီး အခုမှ ချရေးဖြစ်တဲ့ ဇာတ်လမ်းလေးပါ။ အဆိုးမြင်တဲ့ဘက်ကို နည်းနည်းရောက်ပေမယ့် ရသတစ်ခုအနေနဲ့ပဲ ဖတ်ပေးကြပါလို့ ပြောချင်ပါတယ်ရှင်။ ဖတ်ရှုဝေဖန်ပေးကြပါဦးနော်း)

တဖြတ်ဖြတ်လွင့်နေတဲ့ အ၀ါရောင်ခန်းဆီးစကလွဲလို့ အရာအားလုံး ပကတိငြိမ်သက်နေတဲ့ ဒီအခန်းလေးထဲမှာ ထိုင်နေတဲ့သူမကို ကျွန်မ ငေးကြည့်နေမိသည်။ တချိန်က မျှော်လင့်ခြင်း ပျော်ရွှင်ခြင်းတို့နဲ့ အကြိမ်ပေါင်းများစွာ တောက်ပခဲ့ဖူးသော သူမမျက်လုံး အညိုရောင်တွေက အခုတော့ သူမရှေ့က Computer Screen ရဲ့ ညာဘက်ထောင့် တစ်နေရာကိုသာ အဓိပ္ပါယ်မဲ့ ငေးမောနေသည်။ အဲဒီScreen ထောင့်လေးမှာ ကမ္ဘာတစ်ခြမ်းနဲ့ တစ်ခြမ်းကို စက္ကန့်ပိုင်းလေးအတွင်းမှာ ဆက်သွယ်ပေးနိုင်စွမ်းရှိတဲ့၊ ချစ်သူခင်သူတွေကို ဘယ်လောက်ဝေးဝေး ဆုံတွေ့ခွင့်တို့ပေးပြီး၊ မချစ်တော့သော သူတွေကိုလည်း နာကျင်ခံစားရစေတဲ့ Gtalk ဆိုသော Messenger လေးတစ်ခုရှိနေသည်။ အဲဒီ Messenger လေးရဲ့ Contact List ထဲမှာလည်း တစ်ယောက်ဆို တစ်ယောက်မှ Online ရှိမနေပါ။ Online ၀င်လာသူ Offline ဖြစ်သွားသူ တစ်ယောက်မှမရှိတဲ့ Gtalk မျက်နှာပြင်လေးကလည်း ငြိမ်သက်လွန်းလှသည်။ အဲဒီ Account မှာရှိတဲ့ တစ်ဦးတည်းသော လူတစ်ယောက် ဘယ်သောအခါမှ Online လာတော့မှာမှ မဟုတ်တာလေ။ အဲဒီလိုပြောရင်လည်း သူမ ကျွန်မစကားကို မကြားချင်ယောင် ဆောင်နေလိမ့်ဦးမည်...

နေ့စဉ်နဲ့အမျှ ဒီလိုအချိန်ရောက်တိုင်း တိတ်ဆိတ်ငြိမ်သက်စွာ ငေးငိုင်နေတတ်သော သူမကို ကျွန်မနည်းနည်းလေးမှ အားမရပါ။ စိတ်လည်း မရှည်ပါ။ “နင်သာ ငါတားခဲ့တုန်းက နားထောင်ခဲ့ရင်...” လို့ အကြိမ်ကြိမ် စကားစမိပေမယ့် နာကျင်ခံစားနေရတဲ့ သူမကို ကြည့်ပြီး ဘာမှ ဆက်မပြောဖြစ်တော့တာလည်း အကြိမ်ကြိမ်ပါပဲ။ ၀မ်းနည်းနာကျင်မှုတို့ အောက်မှာ နလံမထူနိုင်အောင် ကျရှုံးနေတဲ့ သူမကိုမြင်ရတိုင်း ကျွန်မလည်း ထပ်တူထပ်မျှ နာကျင်ရပါသည်။ သူမကို ဒီလိုအခြေအနေက ဆွဲထုတ်ဖို့သာ အမျိုးမျိုး ကြိုးစားနေမိသည်။ ကျွန်မမှာ တာဝန်အပြည့်ရှိသည်လေ... ။ ခက်တာက သူမ ကျွန်မစကားတွေကို အရင်လို နားမထောင်တော့တာပါပဲ...

တချိန်က သူမသည် ကျွန်မရဲ့လမ်းညွှန်မှုအောက်မှာ ဘ၀ရဲ့လှေကားထစ်တွေကို အောင်မြင်ငြိမ်းချမ်းစွာ ဖြတ်သန်းနေခဲ့သော သိပ်ပျော်တတ်တဲ့ မိန်းကလေး တစ်ယောက်ဖြစ်ခဲ့သည်။ ကျွန်မချပေးတဲ့ အချိန်ဇယားတွေအတိုင်း စာတွေကျက်ပြီး သူမမိဘတွေ ဂုဏ်ယူရလောက်တဲ့ ဘွဲ့ထူးဂုဏ်ထူးတွေကို တစ်ခုပြီးတစ်ခု ယူပြခဲ့သည်။ လုပ်ငန်းခွင်မှာလည်း ပျော်မွေ့အောင်မြင်ခဲ့သည်။ ကျွန်မရဲ့ အကြံပေးမှုတွေအတိုင်း ကြုံလာသမျှ အခက်အခဲတွေကို အပြုံးလေးနဲ့ ကျော်ဖြတ်ခဲ့ဖူးသည်။ လူတိုင်းက “အေးချမ်းပြည့်စုံလိုက်တာ”လို့ အားကျရတဲ့ ဘ၀မျိုးကို သူမတကယ်ပဲ ပိုင်ဆိုင်ခဲ့ပါသည်။ အဲဒီ အချစ်ဆိုတဲ့အရာနဲ့ အရှိန်ပြင်းပြင်း ၀င်မတိုက်မိခင် အထိပေါ့...

သူမရင်ထဲကအချစ်အကြောင်း ကျွန်မသိလိုက်ရတဲ့အချိန်မှာ တားဖို့တော်တော်တောင် နှောင်းနေခဲ့ပါပြီ။ သူမကိုယ်သူမလည်း တားချိန်မရလိုက်လို့ပါလို့ အသနားခံသလို ပြောတော့ ကျွန်မ အားမလိုအားမရ အပြစ်တင်ရုံကလွဲလို့ ဘာမှမတတ်နိုင်ခဲ့။ မဖြစ်နိုင်မှန်း ကျွန်မကောင်းကောင်းသိခဲ့သည်။ အဆုံးသတ်မှာ သူမ နာကျင်ရှုံးနိမ့်ရလိမ့်မယ် ဆိုတာကိုလည်း ကျွန်မသေချာသိခဲ့သည်။ “သူ့လို ပျိုတိုင်းကြိုက်တဲ့ နှင်းဆီခိုင်လဲဖြစ်ပြီး လက်ရှိမှာလည်း ဘာလိုလိုကောင်မလေးတွေ တပုံကြီးနဲ့ ဒီလောက် အလှကြိုက်တဲ့လူက နင့်လို သာမာန်ရုပ်ရည်နဲ့ မိန်းကလေးမျိုးကို အတည်ပေါက်ကြီး လာချစ်လိမ့်မယ်လို့ နင်ထင်နေသလား”လို့ အမှန်အတိုင်း မညှာမတာ မေးမိတုန်းက သူမ နှုတ်ခမ်းပါးပါးကို ခပ်တင်းတင်းကိုက်ရင်း ပါဝါမျက်မှန်အောက်က ဖျော့တော့တော့ မျက်ဝန်းတွေနဲ့ ကျွန်မကို ပြန်ငေးကြည့်နေခဲ့သည်။ အဲဒီလူကို စချစ်မိတဲ့ စက္ကန့်ပိုင်းလေးကတည်းက စပြီး သူမနာကျင်နေခဲ့ရတာ ကျွန်မသိပ်သိတာပေါ့...

အချိန်ကြာလာတာနဲ့အမျှ သူမဒီထက်ပိုပြီး ခံစားရမှာကို မကြည့်ရက်တဲ့ကျွန်မ ပြတ်ပြတ်သားသား တားဆီးဖို့ ပထမဆုံးကြိုးစားမိတဲ့နေ့မှာ သူမ ကျွန်မကို ပထမဆုံးအကြိမ် တော်လှန်တော့သည်။ ကျွန်မသိလိုက်ပါသည်... သိပ်ကို နောက်ကျသွားပြီလို့...။ ဒါပေမယ့် ကျွန်မလုံးဝလက်မလျော့ဘဲ အစွမ်းရှိသမျှ တားဆီးခဲ့ပေမယ့် ကျွန်မစကားတွေကို သူမ နားယောင်ဖို့မပြောနဲ့ ကြားတောင် မကြားတော့ပါ။ အဲဒီ Computer ရှေ့မှာ အချိန်ရှိသရွေ့ထိုင်ပြီး ပြုံးလိုက် ရယ်လိုက် နာကျင်လိုက် ငိုကျွေးလိုက်နဲ့ သူ့သဘောအတိုင်း နေ့ရက်တွေကို ဖြတ်သန်းနေတော့သည်။ မကြာခင်မှာပဲ ပေါက်သွားမယ့် ဆပ်ပြာပူဖောင်း လှလှလေးကို မက်မက်မောမော တွယ်ငြိသလိုမျိုး အဲဒီအခြေအနေကို သူမ ရူးရူးမိုက်မိုက် ဖက်တွယ်ထားခဲ့သည်။

အဲဒီအချိန်မှာ ကျွန်မလုပ်နိုင်တဲ့ တစ်ခုတည်းသောအရာက မျှော်လင့်ထားတဲ့ အဆုံးသတ် ရောက်လာတဲ့နေ့ကျရင် သူမကို အကောင်းဆုံးအားပေးနှစ်သိမ့်ဖို့ ပြင်ဆင်ခြင်းသာ ဖြစ်သည်လေ။

တကယ်တမ်း မျှော်လင့်ထားတဲ့ (အဲဒီလူ သူမဘ၀ထဲက ထွက်သွားတဲ့) နေ့ရောက်အလာမှာတော့ ကျွန်မထင်ထားတာထက် သူမ အများကြီးပိုပြီး ခံနိုင်ရည်ရှိခဲ့သလိုပင်။ “သူ... လက်ထပ်တော့မယ်တဲ့”လို့ ခပ်တိုးတိုးပြောပြီး Computer စားပွဲကို လက်နဲ့အားပြုကိုင်ရင်း မိနစ်ပိုင်းလောက်သာ တဆတ်ဆတ် တုန်နေခဲ့သည်။ မျက်ရည် လုံးဝမကျခဲ့။ တကယ်တော့ အဲဒါဟာ သူမရင်ထဲမှာ ကြီးမားတဲ့ အနာတရတစ်ခု ဖြစ်တည်သွားတာမှန်း ကျွန်မနောက်ကျစွာ သိလိုက်ရပြန်သည်။ အဲဒီနောက် နေ့ရက်ပေါင်းများစွာရဲ့ ဒီလိုအချိန်ကို ဒီလိုပုံစံနဲ့ပဲ သူမအဓိပ္ပါယ်မဲ့ ဖြတ်သန်းနေခဲ့တော့သည်။

ကြာလာတော့ သူမကို ကျွန်မ စိတ်ပျက်မိသည်။ ကရုဏာဒေါသောလည်း ဖြစ်မိသည်။ တစ်နေ့... “နင် သိက္ခာဆိုတာဘာလဲလို့ မှတ်မိသေးလား” လို့ မေးမိတော့ သူမ ခေါင်းကိုညိတ်ပြရင်း ပထမဆုံးအကြိမ် မျက်ရည်ကျတော့သည်။ အဲဒီနေ့က စပြီး ကျွန်မ သူမအတွက် စည်းကမ်းချက်တွေ ပြန်ထုတ်လိုက်သည်။ အဲဒီလူဆီကို လုံးဝဖုန်းမဆက်ရ၊ လုံးဝ Email မပို့ရပေါ့။ သူမ ဒီနေ့အထိတော့ နားထောင်ခဲ့ပါသည်။

ကျွန်မကြည့်နေတုန်းမှာပဲ Mouse ကိုင်ထားတဲ့ သူမညာဘက်လက် လှုပ်ရှားသွားသည်။ တားဖို့ အချိန်မရလိုက်ခင်မှာပဲ Chat History တွေ ပြန်ဖတ်နေပြန်ပြီ။ “ဒီလောက် ပြောထားတဲ့ကြားကဟယ်...” ကျွန်မ ဒေါသတွေ တလိပ်လိပ် တက်လာသည်။ လက်ချောင်းလေးတွေ လှုပ်ရုံနဲ့ Screen ပေါ်မှာ အလွယ်တကူ ပေါ်လာတတ်တဲ့ အဲဒီအတုအယောင်စကားတွေကို သူမမို့လို့ အခုချိန်ထိ အမြတ်တနိုး ပြန်ဖတ်နေသေးသည်။ ညံ့ဖျင်းလိုက်တဲ့ မိန်းမ။ ကြည့်နေတုန်းမှာပဲ ကျွန်မထင်တဲ့အတိုင်း သူမလက်တွေ အနားက Mobile Phone အပြာလေးဆီ ရောက်သွားကြပြီ။ “မဆက်နဲ့လေ မဆက်နဲ့” ကျွန်မ အသံကုန်အော်ပေမယ့် သူမလက်တွေက အကြိမ်ပေါင်းများစွာ နှိပ်နေကျ ဖုန်းနံပါတ် တစ်ခုကို တုန်တုန်ရင်ရင်နဲ့ စနှိပ်နေပြီ။ မဖြစ်ဘူး... သူမဆက်လို့ကို မဖြစ်ဘူး။ “ဒီလောက် ပြောရခက်တဲ့မိန်းမ... ကဲဟယ်” ကျွန်မဒေါသနဲ့အတူ လက်ထဲမှာရှိတဲ့ အရာဝတ္ထုနဲ့ သူမဆီကို အားကုန်လှမ်းပေါက်လိုက်မိသည်။

“ခွမ်း” ကနဲ မြည်သံအဆုံး သူမအနားကို ကျွန်မတိုးကပ်သွားမိသည်။ Screen နဲနဲအက်သွားတဲ့ Mobile Phone အပြာလေးရဲ့ဘေးမှာ တစ်စစီကွဲနေတဲ့ ကြည့်မှန်တစ်ချပ်။ အဲဒီ မှန်အပိုင်းအစတွေထဲက သူမ ကျွန်မကို ရီဝေေ၀ မျက်ဝန်းတစ်စုံနဲ့ ပြန်ကြည့်နေသည်။ ကျွန်မ နှုတ်ခမ်းလှုပ်ရုံလေး တုန်ရင်စွာ ရေရွတ်လိုက်မိသည်။
“အဲဒီမိန်းမ... အဲဒီမိန်းမပေါ့... ကျွန်မ သိပ်မုန်းတာ....”

ရွှေပြည်သူ
(၁.၅.၂၀၀၈ ~ နေ့လည် ၃း၃၀ နာရီ)

(ဆက်ဖတ်ချင်ရင်...း)

(ပြန်ပိတ်ပေးပါဦးး)