ရင်ထဲက ကဗျာတစ်ပုဒ်ကို
ရေးထုတ်လိုက်ချင်ပေမယ့်
အလွမ်းတွေ တပိုင်းတစနဲ့မို့
စိတ်တိုင်းကျ စကားလုံးတွေ
ထွက်မလာခဲ့ဘူး...
အလုပ်လုပ်ရင်းတန်းလန်းကနေ ခေါင်းထဲရောက်လာတဲ့ အပိုင်းအစလေးပါ။ ကြုံတဲ့နေရာမှာ ကောက်ရေးထားပြီး အခုမှ တင်ဖြစ်တာပါ။ အခုတလော အလုပ်ချိန်မှာ ကဗျာတွေခိုးခိုးရေးမိနေတယ် (တော်တော်ဆိုးတဲ့ Staff နော်း)
မျက်လုံးတွေ ပိတ်ထားမိကာမှ
ပိုမြင်နေရ
နားတွေ ပိတ်ထားမိကာမှ
ပိုကြားနေရ
အာရုံတွေလည်း ရှုပ်လှပါပြီကွယ်။
မလွမ်းဘူး ဆုံးဖြတ်ပြီးလည်း
မျက်ဝန်းတွေက တမ်းတဆဲ
မတွေးဘူး ဆုံးဖြတ်ပြီးလည်း
ခေါင်းထဲမှာ စွဲသထက်စွဲမြဲ
ကိုယ့်ကိုကိုယ်လည်း မုန်းလှပါပြီကွယ်။
ဘယ်လောက်ပြေးပြေး မဝေးမဲ့အတူတူ
ဘယ်လောက်လှမ်းလှမ်း တမ်းတနေမဲ့အတူတူ…
တော်ပါပြီကွယ်
ရှုပ်တယ်…
မင်းအကြောင်းပဲ… ဆက်စဉ်းစားမယ်…
ရွှေပြည်သူ
သူ့မျက်ဝန်းညိုတွေကို အတွေးထဲမှာ ငေးမော
သူ့အပြုံးဖြူဖြူတွေထဲ မသိလိုက်ဘဲ နစ်မျောနေခဲ့တုန်းကတော့
ကိုယ့်ကမ္ဘာဟာ ပန်းနုရောင်သမ်းလို့ပေါ့...
အခုတော့...
သူ့ဥပက္ခာစိမ်းစိမ်းတွေနှိပ်စက်
ကိုယ့်ငွေရောင်အိပ်မက်တွေတောင်
မက်ဖို့သိပ်ခက်သွားတော့...
သူပေးမယ့် ရောင်စဉ်သစ်တွေကိုတောင်
ကိုယ်ကြောက်တတ်နေခဲ့ပါပြီ...
နက်ပြာရောင်ကောင်းကင်ကို မော့ကြည့်မိတိုင်း
အသက်ရှုရတာခက်ခဲလာလို့
ကောင်းကင်ရယ်... မှောင်လိုက်ပါတော့...
ရွှေပြည်သူ
အိပ်မက်တွေရယ်...
ကိုယ့်ကိုညတိုင်းမနှိပ်စက်ပါနဲ့
အပြစ်မဲ့တယ်လို့ ကိုယ့်ကိုကိုယ်မကာကွယ်ချင်ပေမယ့်
သူ့ကိုချစ်သွားမယ်မှန်း
ကိုယ်ဘယ်လို သိခဲ့မှာတဲ့လဲ...
မျှော်လင့်ချက်တွေရယ်...
ကိုယ်ပင့်သက်တွေထပ်ပြီး မချပါရစေနဲ့
မင်းတို့ကို အချစ်ကဖန်တီးနေမှန်း
နွမ်းလျှစွာ သိနေခဲ့ပေမယ့်
ကိုယ်ဘာများတတ်နိုင်ခဲ့လို့လဲ...
စိတ်ကူးတွေရယ်...
ကိုယ်ကျိတ်ပြီး မရူးပါရစေနဲ့
စိတ်ကူးမယဉ်ဘူးရယ်လို့ အကြိမ်ကြိမ်ဆုံးဖြတ်မိပေမယ့်
အဆုံးသတ်မှာတော့
ကိုယ်အမြဲရှုံးနိမ့်နေခဲ့တာပဲ...
အချစ်ဆိုတဲ့အရာရယ်...
ကိုယ့်ရင်ထဲမှာ ဆက်ပြီးတည်ရှိအနိုင်မယူပါနဲ့
မင်းဟာလှပတဲ့ပီတိတချို့ကို သယ်ဆောင်လာတတ်မှန်းသိပေမယ့်
မင်းမရှိရင် ဘ၀ကခြောက်သွေ့တယ်ပဲဆိုဆို
ကိုယ်.... ဆက်ပြီးမငိုချင်တော့လို့ပါ...
ရေးချင်စိတ်ကို မထိန်းနိုင်လွန်းလို့ ရုံးချိန်မှာခိုးရေးထားတဲ့ ကဗျာလေးပါ။း)
အိပ်မက်မွေးနေ့
ပန်းနုရောင် စာလေးတစ်ရွက်…
မသေမချာနဲ့ လေမှာ လွင့်ပါနေလို့
အသာဖွင့်ကြည့်လိုက်တော့...
Happy Birthday တဲ့...
ကိုယ့်နှုတ်ခမ်းမှာ ပန်းတွေပွင့်တယ်...
အပြာရောင် ကြိုးလေးတစ်စ…
ဟိုးအဝေးက အနားရောက်လာလို့
ယောင်ယမ်းပြီး ဖမ်းဆုပ်လိုက်တော့
မွေးနေ့လက်ဆောင် တဲ့...
ကိုယ့်နှလုံးသားက ပြုံးသွားတယ်...
စူးစူးရှရှ အလင်းတစ်စကြောင့်
ကိုယ့်မျက်လုံးတွေ ဖွင့်တဲ့ခဏ
သိလိုက်ရတယ်...
ဒါအိပ်မက်တဲ့...
ဘာပဲပြောပြော…
လှတဲ့အချိန်လေး…
ခဏပေးလို့…
ကျေးဇူးတင်တယ်...
အိပ်မက်ရယ်...
