ရာပြည့် ကျေးဇူးတင်လွှာ

ဒီဘလော့လေးထဲမှာ... ကျွန်မရဲ့စာရေးချင်တဲ့အိပ်မက် တကယ်ဖြစ်ခဲ့တယ်...
ဒီဘလော့လေးထဲမှာ... စာတွေရေးရင်း လာဖတ်ပေးသူတွေနဲ့ အတူ ရသတွေမျှဝေခံစား သုတတွေ အတူလေ့လာ မှတ်ယူခဲ့တယ်...
ဒီဘလော့လေးထဲမှာ... သိပ်တန်ဖိုးရှိတဲ့ မိတ်ဆွေသူငယ်ချင်းတွေ ရခဲ့တယ်...
ဒီဘလော့လေးထဲမှာ... ပိုကောင်းတဲ့ ပိုတော်တဲ့ လူတစ်ယောက် ဖြစ်ချင်တဲ့စိတ်ဓာတ်တွေ အင်အားတွေ ရခဲ့တယ်...
ဒီဘလော့လေးထဲမှာ... ဒီနေ့တော့... ပို့စ် (၁၀၀) ပြည့်ခဲ့ပါပြီ...

(၁၀၀)မြောက်ပို့စ်အဖြစ် ဒီ Blog လေး ရှင်သန်မှုအတွက် ကျေးဇူးတင်ထိုက်တဲ့သူအားလုံးကို ကျေးဇူးတင်တဲ့အကြောင်း ရေးပါရစေရှင်...

ကျွန်မ မြန်မာဘလော့တွေနဲ့ စထိတွေ့ခွင့်ရတာ ပြီးခဲ့တဲ့နှစ် စက်တင်ဘာလမှာပါ။ အဦးဆုံးဖတ်ဖြစ်တဲ့ Blog တွေကတော့ မမအိမ့် (မအိမ့်ချမ်းမြေ့) နဲ့ မနိုင်းနိုင်းစနေတို့ရဲ့ Blog တွေပါ။ နောက်တော့ ဒီအစ်မနှစ်ယောက်ရဲ့ Blog တွေကပေးတဲ့ Inspiration ကြောင့်ပဲ Blog တစ်ခုလုပ်ပြီး စာရေးချင်စိတ် စဖြစ်လာပါတယ်။ အဲဒါကြောင့် မမအိမ့်နဲ့ မနိုင်းနိုင်းစနေတို့ကို ပထမဦးဆုံး ကျေးဇူးတင်ပါတယ်။ ကလောင်နာမည်ကို ရွေးတဲ့အခါမှာ အမိမြေရဲ့ အငွေ့အသက်ပါတဲ့ နာမည်မျိုးရွေးမယ်လို့ ဆုံးဖြတ်ပြီး စဉ်းစားရင်းနဲ့ ရွှေပြည်ကြီးဖြစ်တဲ့ မြန်မာနိုင်ငံသူ လို့ အဓိပ္ပါယ်ရတဲ့ ဒီ“ရွှေပြည်သူ”ဆိုတဲ့ နာမည်လေး ရလာပါတယ် (မှတ်မှတ်ရရ ရုံးမှာ နေ့လည် ထမင်းစားချိန် ဆိုင်ကိုအသွား လမ်းလျှောက်ရင်း စဉ်းစားမိတာပါး) အဲဒီနောက် Blog လေးတစ်ခု ကြိုးစားဆောက်ပြီး ပထမဆုံးတင်ဖြစ်တဲ့ ပို့စ်လေးက “ပျောက်ဆုံးခြင်း” ဆိုတဲ့ ကဗျာလေးပါ။

Blog လေး ဆောက်ခါစမှာ အရင်က ကျွန်မ၀ါသနာအရ ရေးတဲ့စာလေးတွေကို ဖတ်ပေးနေကျသူငယ်ချင်း အနည်းငယ်နဲ့ အတူနေတဲ့သူငယ်ချင်းတွေပဲ ကျွန်မ Blog လေး Web ပေါ်မှာ ရှိတယ်ဆိုတာ သိခဲ့ပါတယ်။ အဲဒီအချိန်ကတည်းက အားပေးစကားတွေနဲ့အတူ ကျွန်မ Blog ကို အခုချိန်ထိ ဖတ်ပေးခဲ့ကြတဲ့ ချစ်သူငယ်ချင်း (အခန်းဖော်လေး) တသက်တာ၊ နေ့တိုင်းလိုလို ကျွန်မ Blog ကို အချိန်ပေးပြီး ပုံမှန်ဖတ်ပေးတတ်တဲ့ ချစ်သူငယ်ချင်း Thajin၊ ညီမငယ် သဲသဲ၊ ညီမငယ် CooLmooN၊ ညီမငယ် Serena၊ မမ CM၊ ချစ်သူငယ်ချင်း MK၊ တို့ကို ကျေးဇူးအရမ်းတင်ကြောင်း ပြောချင်ပါတယ်။ ဘယ်သူမှဖတ်မယ့်သူ မရှိခဲ့တဲ့ ကျွန်မ Blog ကို သူတို့သာ အားမပေးခဲ့ရင် ကျွန်မရေးဖြစ်တဲ့စာတွေ Blog ပေါ်မှာ ဆက်တင်ဖြစ်ချင်မှ တင်ဖြစ်မှာပါ။

ကျွန်မသူငယ်ချင်းတွေ အပြင် ကျွန်မ Cbox မှာ ပထမဆုံးအကြိမ် Message ချန်ခဲ့တဲ့ သူကတော့ အဘဦးကိုကိုကြီးပါ။ အဘရဲ့ message ကို ပထမဆုံးမြင်ရတဲ့အခါတုန်းက ကျွန်မBlog ကို သူငယ်ချင်းတွေသာ မကဘဲ တခြားဖတ်တဲ့လူတွေပါ ရှိပါသေးလားဆိုတဲ့ အသိနဲ့ အရမ်းဝမ်းသာခဲ့ရပါတယ်။ အဲဒီအချိန်ကနေ အခုချိန်ထိ ကျွန်မ Blog ကို အချိန်ပေးပြီး ဖတ်ပေးတဲ့ အဘဦးကိုကိုကြီးကိုလည်း အရမ်းကျေးဇူးတင်ကြောင်း ပြောချင်ပါတယ်။

ကျွန်မ Blog မှာ ပထမဆုံး Comment ရေးပေးခဲ့သူကတော့ နာမည်ဖော်ပြထားခြင်းမရှိတဲ့ Anonymous တစ်ယောက်ပါ။ “ခဏ” ဆိုတဲ့ ကဗျာလေးအတွက် ရေးပေးခဲ့တဲ့ အဲဒီ Comment လေးကို ကျွန်မ အကြိမ်ကြိမ် ကြည့်လို့မ၀ခဲ့ပါဘူး။ မောင်လေး တောင်ငူသားတင်စားသလို Comment ဆိုတာ Blog ရေးသူတွေအတွက် စာမူခနဲ့ တူတယ်လို့ ယုံကြည်တဲ့အတွက် ပထမဆုံးရတဲ့ စာမူခလေးဆိုရင်လည်း မမှားပါဘူး။ အဲဒီ Comment လေးရေးပေးခဲ့တဲ့ Anonymous ကိုလည်း ဒီနေရာကနေ ကျေးဇူးတင်ကြောင်း ပြောချင်ပါတယ်။

Blog စရေးတုန်းက မြန်မာ Blog နယ်ပယ်ထဲမှာ သူငယ်ချင်းမိတ်ဆွေတစ်ယောက်မှ မရှိခဲ့တဲ့ ကျွန်မ ပထမဆုံးခင်မင်ခဲ့တဲ့ Blogger ကတော့ မောင်မျိုးလေးပါ။ လူတိုင်းကို ပွင့်ပွင့်လင်းလင်း ခင်မင်တတ်ပြီး ဟာသဥာဏ် အပြည့်နဲ့စာရေးတတ်တဲ့ မောင်လေးမောင်မျိုးကြောင့်ပဲ Blog လောကရဲ့ နွေးထွေးတဲ့ ကြိုဆိုမှုနဲ့ ပျော်စရာကောင်းတဲ့ ပတ်ဝန်းကျင်အသစ်ကို ထိတွေ့ခွင့်ရခဲ့ပါတယ်။ မောင်မျိုးလေးရေ အရမ်း ကျေးဇူးတင်ပါတယ်။

နောက်ထပ် ကျွန်မကျေးဇူးတင်ချင်တဲ့သူက အစ်ကိုရုပ်ဆိုးပါ။ အစ်ကိုရုပ်ဆိုးက ကျွန်မရဲ့ “Mayonnaise ပုလင်းနဲ့ ကော်ဖီ(၂)ခွက်” ဆိုတဲ့ ဘာသာပြန်ပို့စ်လေးကို သူ Email နဲ့ မိတ်ဆွေသူငယ်ချင်းတွေဆီ Forward လုပ်ချင်တဲ့ အကြောင်း ကျွန်မကို အသိပေးလာခဲ့ပါတယ်။ ကိုယ့်ပို့စ်လေးကို နှစ်သက်လို့ ပထမဆုံးအကြိမ် ပြန်မျှဝေ Forward လုပ်တာ ခံရတယ်ဆိုလို့ ကျွန်မ သိပ်ဝမ်းသာခဲ့သလို ကျွန်မကို အသိအမှတ်ပြုပြီး လှမ်းအသိပေးလို့ အရမ်းကို ကျေးဇူးတင်ရပါတယ်။ အဆင့်ဆင့် ပြန့်သွားတဲ့ အဲဒီ Forward Email လေးထဲမှာ သေချာပြန်ညွှန်းပေးထားတဲ့ အမည်နဲ့ Link ကြောင့်ပဲ ကျွန်မ Blog ကို လာဖတ်သူတွေ သိသိသာသာ ပိုတိုးလာခဲ့ပါတယ်။ ဘာသာပြန်ထားတဲ့ ပို့စ်တစ်ခုပေမယ့် စာရေးသူတစ်ယောက်ရဲ့ ကြိုးစားဖန်တီးမှုကို အသိအမှတ်ပြုပေးပြီး အလေးအနက်ထား လှမ်းပြောပေးခဲ့တဲ့အတွက် အစ်ကိုရုပ်ဆိုးကို အရမ်းကျေးဇူးတင်ပါတယ်။ အစ်ကိုရုပ်ဆိုးလိုပဲ ကျွန်မစာတွေကို ဖော်ပြမယ်ဆိုတိုင်း ကျွန်မကို သတိတရ အသိပေးခဲ့ကြတဲ့၊ အသိမပေးသော်လည်း Forward လုပ်တဲ့အခါမှာ ကျွန်မနာမည်ကို မမေ့မလျော့ ဖော်ပြပေးခဲ့ကြသူတွေ အားလုံးကိုလည်း ဒီနေရာကနေ လေးလေးနက်နက် ကျေးဇူးတင်ကြောင်း ပြောချင်ပါတယ်။

နောက်ပြီး ကျွန်မရဲ့ ဒီ Blog လေး Online မှာ ရှိနေနိုင်ဖို့ နေရာလေးတစ်နေရာ Free ပေးထားတဲ့ Blogspot ကိုလည်း အထူးကျေးဇူးတင်ပါတယ်။

နောက်ထပ်ကျွန်မ ကျေးဇူးတင်မိတဲ့သူတွေကတော့ ကျွန်မဘာသာပြန်ခဲ့တဲ့ ပို့စ်တွေရဲ့ မူရင်းရေးသားသူတွေပါ။ ကျွန်မဘာသာပြန်ပို့စ်တွေကို ကောင်းတယ်လို့ လူတွေချီးကျူးအားပေးတိုင်း မူရင်းဇာတ်လမ်းကောင်းတာလို့ပဲ အပြည့်အ၀ ယုံကြည်ပါတယ်။ အများစုကို အမည်မသိပေမယ့် သူတို့ကျေးဇူးကြောင့်သာ အကြောင်းအရာ အင်မတန်ကောင်းတဲ့ ပို့စ်လေးတွေ ကျွန်မ Blog မှာ မျှဝေခွင့်ရလို့ သူတို့ကိုလည်း ဒီနေရာကနေ အထူးကျေးဇူးတင်ကြောင်း ပြောချင်ပါတယ်။

အပေါ်ဆုံးမှာရေးခဲ့သလိုပဲ ကျွန်မ Blog ရေးရင်းကနေရခဲ့တဲ့ အဖိုးတန်အရာတွေထဲမှာ ခင်ဖို့ကောင်းတဲ့ မိတ်ဆွေ သူငယ်ချင်းတွေလည်း ထိပ်ဆုံးက ပါခဲ့ပါတယ်။ ကျွန်မစာတွေ လာဖတ်ပေးလေ့ရှိပြီး သိခွင့် ခင်မင်ခွင့်ရခဲ့တဲ့ Blogger မိတ်ဆွေ သူငယ်ချင်း မောင်နှမတွေကတော့ မောင်မျိုး၊ မြန်မာပြည်ကို လွမ်းတဲ့မေ၊ ကျွန်မကို ဓမ္မအေးရိပ်နဲ့ ပိုနီးစပ်စေခဲ့ပြီး ဓမ္မအလင်းတွေ ပေးခဲ့သော မောင်ငယ်လေးများ ဖြစ်ကြတဲ့ အောင်ဦး(ဓမ္မရသ) ၊ သုခရိပ်၊ တင်နွယ်မောင်(ဓမ္မရိပ်)၊ ဟိန်း၊ စကားဝါမြေ နဲ့ ညီမငယ် ဆုရည် ... နောက် ရွှေရောင်တောက်နေတဲ့ ကောင်းကင်ကြီး၊ ပြတိုက်ပိုင်ရှင်ကြီး ကိုအညတရ၊ ခင်ရတဲ့ ညီမငယ် Honey၊ မ Apprenticeship၊ မောင်လေးဝင်းဇော်၊ မွန်လူမျိုးလေး မောင်ငယ်မော်စီ၊ ညီမငယ်လေး ရွှန်းမီ၊ အစ်မလိုခင်ရတဲ့ မမနေညို၊ ကိုရွာသားလေး (YTU)၊ အစ်ကိုရုပ်ဆိုး၊ အစ်ကို ကိုရဲ၊ ကို Blue Phoenix၊ တယ်ရင်း Republic၊ အစ်ကို ငြိမ်းဇေဦး၊ အစ်ကို မိုးမြင့်တိမ်၊ ညီမငယ် မေမိုးလေး၊ ညီမငယ် ဝေလေး၊ အစ်မ၀ါဝါ၊ ကိုနေလင်း၊ ကျွန်မနဲ့ ပို့စ်ရေးဖို့ စိတ်ကူးတွေ မကြာခဏတူတတ်တဲ့ မောင်ငယ် Blackdream၊ အစ်ကိုမောင်မောင်၊ မောင်ငယ် လွမ်းလုင်၊ မောင်ငယ်လေး တည်ကြည်ရဲရင့်၊ မောင်ငယ်လေး ၀ိဥာဉ်၊ မောင်ငယ် ice၊ ညီမငယ် နတ်သမီးလေးမွန်၊ မောင်လေးမိုးသောက်၊ ညီမငယ် ယုယမြတ်နိုး၊ E-journal မှ ကိုတားမြစ်(ကိုသုခမိန်) နဲ့ ကိုတာတူး၊ ကို JulyDream၊ မောင်လေး တောင်ငူသား၊ မောင်လေး ဖြိုးငယ်၊ ကိုအဇ္ဈတ္တပြခန်း၊ ကိုဇင်ကိုလတ်၊ အစ်ကို ကိုသား၊ အစ်ကို ရှင်ရဲထွတ်၊ အစ်ကိုဇင်ယော်၊ ကိုဟန်သစ်ငြိမ်၊ ကိုသင်ကာ၊ မမရွှေဂျမ်း၊ ခရမ်းရင့်ရောင် ပန်းပွင့်လေး မချို၊ မခင်ဦးမေ၊ အစ်မ မသက်ဇင်၊ မောင်လေး မိုးပြေး၊ မောင်ငယ် သူရထွန်း၊ မောင်ငယ် servena၊ မောင်ငယ် ရာမည ဖိုးလပြည့်၊ မောင်လေး သံလုံငယ်၊ မောင်လေး ဖြိုးသက်အောင်၊ မောင်ငယ် ကနက်သီရိသားလေး၊ မောင်ငယ်လေး ဗီလိန်၊ ဥယျာဉ်မှူးလေး မောင်ငယ် ၀င်းမင်းဆန်း၊ မောင်ငယ် ကိုတိုးလေး၊ မောင်ငယ် သားစိုး၊ မောင်ငယ် နေမုန်း၊ မောင်ငယ် မောင်ခင်လေး၊ မောင်ငယ် ရဲဝင့်သူ၊ မောင်လေး wynn sun၊ မောင်ငယ် မျှော်လင့်ခြင်း၊ မောင်ငယ် ရွှေညာသား၊ မောင်ငယ် ဖားကြီး၊ မောင်ငယ် 4everlove၊ ကိုလူစိမ်း၊ မောင်ငယ် Tea၊ ပေဖူးလွှာနဲ့ မေသူပိုင်၊ ညီမငယ် ယမင်းဥမ္မာ၊ ညီမငယ် Dream၊ ညီမငယ် megumi၊ ညီမငယ် စိုးမြနန္ဒာသက်လွင်၊ မကြယ်စင်နတ်သမီး၊ မောင်ငယ် ဒေါင်းမြူးနွယ်၊ မောင်ငယ် မင်းကျန်စစ်၊ မောင်ငယ် နတ်သျှင်နောင် တို့ပါ။ သူတို့လိုပဲ ကျွန်မစာတွေကို လာဖတ်ပေးပြီး ခင်မင်ရင်းနှီးစွာ သေချာဝေဖန်ပေးခဲ့ကြတဲ့၊ Comment တွေ အချိန်ပေးပြီး ရေးပေးခဲ့ကြတဲ့ အခြားသော Blogger ညီအစ်ကို မောင်နှမ အပေါင်းကိုလည်း ကျေးဇူးသိပ်တင်ကြောင်း ပြောချင်ပါတယ်။ အပြန်အလှန် လေးစားနားလည်မှုတွေနဲ့ နွေးနွေးထွေးထွေး ခင်မင်တတ်ကြတဲ့ သူတို့ကြောင့်သာ ကျွန်မရဲ့ Blog ရေးတဲ့ကာလတွေဟာ ပိုပြီး သာယာစိုပြေခဲ့ပါတယ်။

Last, but (definitely) not least လို့ ပြောရမလား မသိဘူး။ ကျွန်မ ကျေးဇူးသိပ်တင်ရတဲ့ လူတွေ ကျန်ပါသေးတယ်။ သူတို့တွေကတော့ Blog မရေးပေမယ့် ကျွန်မ Blog ကို စာလာဖတ်ပေးပြီး Cbox မှာရော Comment မှာပါ ကျွန်မကို စာရေးဖို့ အားတွေဆက်ပေးတဲ့ Message တွေချန်ပေးခဲ့တဲ့ စာဖတ်ပေးသူတွေပါ။ အဲဒီလူတွေထဲက ကျွန်မခင်မင်ခွင့်ရခဲ့သူ တချို့ကတော့ အဘ ဦးကိုကိုကြီး၊ အစ်မများသဖွယ် ခင်မင်ရတဲ့ မမသစ်သစ်၊ မမ MMN၊ မမ Kate၊ နောက်ပြီး... ညီမငယ် ချိုမွန်၊ ညီမငယ် နေခြည်၊ ညီမငယ် စိုးယုနွယ်၊ ညီမငယ် မေလဲ့ရီလင်း၊ ညီမငယ် Faith Thandar (ညီမလေးရေ အခုထိ ရေးပေးဖို့ အကြွေးရှိသေးတာ မှတ်ထားပါတယ်း)၊ ညီမငယ် နွေးနွေး၊ မောင်ငယ်လေး မင်းသန့်၊ မောင်ငယ်လေး zawqatar၊ ညီမငယ် cutegirl009၊ မောင်ငယ်လေး ကျော်သူဟိန်း၊ မောင်လေး mgmg၊ မောင်ငယ် Arrow၊ မောင်ငယ် aungminswe၊ မောင်ငယ် thulay88 တို့ပါ။ (အခု ရေးနေတဲ့အချိန်မှာ တစ်ယောက်ယောက်ရဲ့နာမည် ကျန်ခဲ့မှာကို အရမ်းစိုးရိမ်နေပါတယ်။ ကျွန်မ ဆက်တိုက်တွေးရင်း ရေးရတာကြောင့် တစ်စုံတစ်ယောက်များ ကျန်နေခဲ့ရင် ကြိတ်ပြီး စိတ်ဆိုးမနေပါနဲ့နော်။ ချက်ချင်းသာလာပြီး ရန်တွေ့ပါ။ ချက်ချင်း ပြင်ပေးပါမယ်နော်း)))

အပေါ်မှာ ရေးသွားတဲ့ နာမည်တွေထဲမှာ မပါပေမယ့်လည်း ဒီနေ့အထိ ကျွန်မစာတွေကို အချိန်ပေးဖတ်ပြီး ဆက်ရေးဖို့ အင်အားတွေကို Cbox က Comment တွေကတဆင့် အမြဲပေးနေတဲ့... ဘာမှမပြောပေမယ့်လည်း တိတ်တိတ်လေး စာလာဖတ်ပေးကြတဲ့ (Blog ကိုလာဖတ်တဲ့ Hit တွေတိုးတိုင်း စာဖတ်ပေးသူတွေ ရှိပါလားဆိုတဲ့အသိနဲ့ သိပ်ဝမ်းသာရလို့ပါ) တခြားသော စာဖတ်ပေးသူ (Blog ရေးသော/ Blog မရေးသော) သူငယ်ချင်း ညီအစ်ကို မောင်နှမ များကိုလည်း လေးလေးနက်နက် ကျေးဇူးတင်ကြောင်း ဒီနေရာကနေ ပြောချင်ပါတယ်ရှင်။ Blog ရေးနေတဲ့ကာလတလျှောက်မှာ ကျွန်မစိတ်ပျက်အားလျော့ခဲ့တဲ့ အချိန်တွေ ရှိခဲ့ဖူးပါတယ်။ အဲဒီလိုအချိန်မျိုးတွေမှာ ကျွန်မ ရခဲ့ဖူးတဲ့ အားပေးစကားတွေကို အမြဲသတိရပြီး အားဆက်မွေးရပါတယ်။ အဲဒီစကားတွေကို ကျွန်မသေချာတန်ဖိုးထားပြီး သေချာသိမ်းထားတာပါး) သူတို့ကြောင့်သာမဟုတ်ခဲ့ရင် ကျွန်မဘယ်လိုနည်းနဲ့မှ ပို့စ်(၁၀၀) မြောက်ကို ရေးနိုင်ခဲ့မှာ မဟုတ်ပါဘူး။

စာရေးရတာဟာ ကျွန်မရဲ့ ကြီးမားတဲ့အိပ်မက်တွေထဲက တစ်ခုပါ။ အဲဒီအိပ်မက်ကို ဒီ Web ပေါ်က http://shwepyithu.blogspot.com ဆိုတဲ့ Blog လေးတစ်ခုမှာ တကယ်ရှင်သန်ခွင့်ရဖို့ မေတ္တာမျက်စိတွေနဲ့ ကျွန်မစာတွေကို (လိုအပ်တာတွေကိုလည်း ဖြည့်စွက်နားလည်ပြီး) ဖတ်ပေးခဲ့တဲ့သူ အားလုံးကို အရမ်းကို ကျေးဇူးတင်ကြောင်း ဒီနေ့ပြောခွင့်ရလို့ ကျွန်မ အရမ်းဝမ်းသာပါတယ်။ ပို့စ်(၁၀၀) မြောက်အတွက် ဒီကျေးဇူးတင်လွှာထက် ပိုကောင်းတဲ့ ပို့စ်မရှိဘူးလို့ ယုံကြည်လို့ ဒီပို့စ်လေးကို ရေးလိုက်တာပါ။ ဘ၀အတွက် ရုန်းကန်ရင်းတဖက်ကနေ ရေးရတာကြောင့် Message တွေ Reply ပြန်ဖို့ ကြန့်ကြာတာ ပျက်ကွက်တာတွေရှိခဲ့ရင်လည်း ခွင့်လွှတ်နားလည်ပေးကြပါလို့ ပြောချင်ပါတယ်။ လက်ရှိအလုပ်က အလုပ်ချိန်ထက် အများကြီးကျော်ပြီးမှ ပြန်ရတာများတာကြောင့် အရင်ကတည်းက ရေးအားသိပ်မကောင်းလှတဲ့ကျွန်မ ပိုလို့တောင် ရေးအားလျော့သွားတာကိုလည်း ကြိုးစားပြီးများများရေးနိုင်ဖို့ ကြိုးစားနေပါတယ် (ကျွန်မဦးနှောက်က စာရေးနိုင်လောက်အောင် လန်းဆန်းနေသေးသရွေ့ အိပ်ချိန်တွေနဲ့လဲပြီး ရေးပါတယ်း) ကျွန်မစာတွေအတွက် ဝေဖန်ထောက်ပြစရာတွေ ရှိခဲ့ရင်လည်း အချိန်မရွေး ပြောဆိုဝေဖန်နိုင်ပါတယ်ရှင်။

အားလုံးကပေးတဲ့အားနဲ့ ကျွန်မကိုယ်စွမ်းဥာဏ်စွမ်းရှိသလောက် ကြိုးစားပြီး စာတွေ ဆက်ရေးပါဦးမယ်။

အားလုံးကို ကျွန်မရင်ထဲက တကယ်ကို လေးလေးနက်နက် ခင်မင် ကျေးဇူးတင်ပါတယ်ရှင်...