မမျှတခြင်းများ

ကျွန်မ အသက်(၂၀) အရွယ်က ရေးခဲ့တဲ့ ကဗျာလေးပါ။ ၂၀၀၁/၂၀၀၂ ခုနှစ် ပတ်ဝန်းကျင်က BaganNET Website မှာ Purple ကလောင်အမည်နဲ့ တင်ခဲ့ဖူးပါတယ်...။

မမျှတခြင်းများ

သူဟာ... ကျွန်မရဲ့ ကောင်းကင်ကြီး ဖြစ်ချင်ဖြစ်လိမ့်မယ်
ဒါပေမယ့်... ကျွန်မကတော့ သူ့ရဲ့တိမ်မျှင်တစ်စတောင် ဖြစ်ခွင့်မရပါဘူး

သူဟာ... ကျွန်မရဲ့ ပစ္စုပ္ပန်နဲ့ အနာဂတ်ကို ပိုင်ချင်ပိုင်နေလိမ့်မယ်
ဒါပေမယ့်... ကျွန်မကတော့ သူ့ရဲ့အတိတ်မှာတောင် ရှိမနေခဲ့ပါဘူး

သူဟာ... ကျွန်မရဲ့ မရှိလို့မဖြစ်တဲ့ အရာတစ်ခု ဖြစ်ချင်ဖြစ်လိမ့်မယ်
ဒါပေမယ့်... ကျွန်မကတော့ သူ့ရဲ့ရှိနေတဲ့အရာတွေထဲက မလိုအပ်ဆုံးအရာပါပဲ

သူဟာ...ကျွန်မရဲ့ ဦးနှောက်ကိုတောင် လွှမ်းမိုးနိုင်စွမ်း ရှိချင်ရှိလိမ့်မယ်
ဒါပေမယ့်... ကျွန်မကတော့ သူ့ရဲ့နှလုံးသားထောင့်စွန်းလေးမှာတောင် ရှိမနေခဲ့ပါဘူး

သူ့ကို ကျွန်မ အရမ်းချစ်ချင် ချစ်ခဲ့လိမ့်မယ်
ဒါပေမယ့်... သူက ကျွန်မကို မုန်းဖို့တောင် သတိမရခဲ့ပါဘူး...

ရွှေပြည်သူ

(ဆက်ဖတ်ချင်ရင်...း)

(ပြန်ပိတ်ပေးပါဦးး)

ခဏ

August 2006 တုန်းက ရေးဖြစ်ခဲ့တဲ့ ကဗျာလေးတစ်ပုဒ်ပါ...

ခဏ

ခပ်ဝေးဝေးက လှမ်းလာတဲ့ သူ့ကို
မှန်းဆမျှော်ငေးနေဆဲမှာပဲ
ကိုယ့်ရင်ထဲကို သူကရောက်နှင့်နေသတဲ့
လုံလိုက်တဲ့ခြေသံ...

ကိုယ့်ရင်ထဲက သူ့ကို
မ၀ံ့မရဲ ငုံ့ကြည့်နေဆဲမှာပဲ
မသဲမကွဲကြားရတာက သူထွက်သွားပြီဖြစ်သတဲ့
မြန်လိုက်တဲ့ခြေသံ...

အဲဒီခဏ စက္ကန့်အပိုင်းအစလေးအတွင်းမှာပဲ
ဦးနှောက်နဲ့နှလုံးသား တိုက်ပွဲဖြစ်ပွားတာ
ကိုယ်တစ်ယောက်သာ ကျဆုံးသတဲ့
သြော်...
ဆိုးလိုက်တဲ့... ကံ

ရွှေပြည်သူ

(ဆက်ဖတ်ချင်ရင်...း)

(ပြန်ပိတ်ပေးပါဦးး)

ရေခွက် နဲ့ ရေ

သူငယ်ချင်းတစ်ယောက်ရဲ့ Forward E-Mail ကရတဲ့ ဇာတ်လမ်းလေးတစ်ပုဒ်ပါ။ ဇာတ်လမ်းရဲ့ ဆိုလိုရင်းကို သဘောကျမိလို့ ဆီလျှော်အောင် အတတ်နိုင်ဆုံး ဘာသာပြန်ထားပါတယ်။ ကျွန်မလည်း အချိန်တော်တော်များများမှာ ခွက်လှလှလေးတွေနောက်ပဲ လိုက်နေမိတဲ့ လူတွေထဲကတစ်ယောက်ပါ...

ရေခွက် နဲ့ ရေ


အရွယ်ရောက်ပြီး လုပ်ငန်းခွင်ထဲရောက်နေပြီဖြစ်တဲ့ သူငယ်ချင်းတစ်စုဟာ သူတို့ရဲ့ တက္ကသိုလ်တုန်းက ဆရာဆီကို သွားလည်ကြပါတယ်။ ဆရာလည်း တပည့်တွေကိုတွေ့ရတာ ၀မ်းသာအားရ ဖြစ်နေရှာ ပါတယ်။ ဆရာနဲ့ စကားလက်ဆုံပြောရင်း တပည့်တွေက သူ့တို့ရဲ့ လုပ်ငန်းခွင်နဲ့ဘ၀မှာ ကြုံတွေ့နေရတဲ့ စိတ်ဖိစီးမှုတွေ အကြောင်း ညည်းညူကြပါတယ်။ ဆရာက ပြုံးရုံပဲ ပြုံးပြီး မီးဖိုထဲကနေ ပုံစံမျိုးစုံနဲ့ ခွက်တွေကို သွားယူလာပါတယ်။ ကြွေခွက်၊ ပလတ်စတစ်ခွက်၊ ဖန်ခွက်၊ ရိုးရိုးခွက်၊ ဈေးကြီးပြီး ရှားပါးတဲ့ခွက် စတဲ့ခွက်မျိုးစုံပေါ့။ ဆရာက တပည့်တွေကို ကိုယ့်ဘာသာ ရေခပ်သောက်ဖို့ ခွက်တွေယူခိုင်းလိုက်ပါတယ်။

တပည့်တွေအားလုံး ရေတယောက်တခွက်စီ ရပြီးတဲ့အချိန်မှာ ဆရာက “သတိထားမိကြလား။ ခွက်တွေထဲက ဈေးကြီးတဲ့ လှတဲ့ ခွက်တွေကိုချည်းပဲ အားလုံးက ရွေးယူသွားပြီး ကျန်တဲ့ပုံစံရိုးရိုးနဲ့ ဈေးပေါပေါခွက်တွေကို ထားခဲ့ကြတယ်။ ကိုယ့်အတွက် အကောင်းဆုံးကိုပဲ လိုချင်ကြတာ သဘာဝပါ။ ဒါပေမယ့် အဲဒါကိုက မင်းတို့ပြောတဲ့ ပြဿနာတွေ စိတ်ဖိစီးမှုတွေရဲ့ အရင်းအမြစ်ပဲ။ မင်းတို့ တကယ်လိုချင်တာက ရေပဲလေ။ ခွက်မှ မဟုတ်တာ။ ဒါပေမယ့် အားလုံးက မသိစိတ်နဲ့ ပိုကောင်းတဲ့ခွက်တွေကိုပဲ ရွေးယူမိကြတယ်။”

“ဘ၀မှာလည်း ဒီလိုပဲ။ ဘ၀က ရေနဲ့တူပြီး အလုပ်တို့ ငွေကြေးတို့ လူ့ပတ်ဝန်းကျင် အသိုင်းအ၀ိုင်းထဲက နေရာတစ်ခုတို့ ဆိုတာတွေက ခွက်တွေနဲ့တူတယ်။ သူတို့ဟာ ဘ၀ကို ထိန်းသိမ်းထောက်ပံ့ဖို့အတွက် အထောက်အကူပြုပစ္စည်းတွေ သက်သက်ပဲ။ သူတို့ကြောင့် ဘ၀ရဲ့ အနှစ်အရသာက ပြောင်းလဲမသွားပါဘူး။ ဒါကြောင့် ခွက်တွေအပေါ်မှာပဲ အမြဲတမ်းအာရုံစိုက်နေရင် အထဲမှာရှိတဲ့ ရေရဲ့အနှစ်သာရကို ခံစားဖို့ အချိန်ရလိုက်မှာ မဟုတ်ဘူး... ”

(ဆက်ဖတ်ချင်ရင်...း)

(ပြန်ပိတ်ပေးပါဦးး)